in

BOLETIN DI SIKLON TROPIKAL NR. 4 / MENSAHE NR. 3

Fecha: djaluna 1 di yüli 2024 Ora: 10:56 di mainta ora lokal

Mensahe klave / Vigilansia i atvertensia:

  • No tin kambionan signifikante den e pronóstiko relashoná ku Boletin di siklon tropikal #3
  • Un atvertensia ta keda na vigor pa orkan Beryl.
  • E orkan por pasa komo orkan Mayor di Kategoria 4 260 km (162 mi) nort-nortost di Boneiru riba djamars mainta (07:00 AST).
  • E riesgo di bientu ku forsa di tormenta tropikal na Boneiru ta keda hopi chikitu (ménos ku 10%).
  • Tin un riesgo di bientu ku temporalmente ta bini di sùitwèst riba djamars.
  • Laman por bira brutu entrante djamars mainta.
  • Olanan por bira di direkshon nortwèst riba djárason.
  • Ta ferwagt ku e kantidat di yobida ta keda bou di 25 mm (1 inch), riesgo di mal tempu

Efekto riba kondishonnan lokal

Bientu:

E riesgo di bientu ku forsa di tormenta tropikal na Boneiru ta hopi chikitu (ménos ku 10%). Tin riesgo di bientu di sùitwèst durante djamars mainta i atardi.

Laman:

Laman ta bira brutu, olanan por subi te ku 8-10 pia entrante djamars mainta, prinsipalmente dor di olanan for di direkshon nortost. Altura di olanan lo baha gradualmente te 5-7 pia riba djárason. Riba djárason e olanan lo baha gradualmente te 2-3 pia, pero por bini di direkshon nortwèst.

Áwaseru:

Mayoria áwaseru i mal tempu relashoná ku orkan Beryl lo keda segun perspektiva na parti nort di Boneiru, pero algun por yega Boneiru entrante djaluna anochi. Probablemente e yobida lo keda bou di 25 mm (1 inch). Tin un riesgo pa mal tempu.

Ta konsehá outoridatnan lokal i abitante di Boneiru pa sigui monitoreá futuro progreso di e sistema di wer aki i pa tuma tur prekoushon nesesario pa salbaguardiá bida i propiedat.

E sentro su último posishon i pronóstiko:

BONEIRU:

Te ku djasabra 6 di yüli 8’or di mainta ora lokal (AST), e posishon mas serka ta pronostiká na:

Djamars 2 di yüli 7’or di mainta ora lokal (AST) 14.4N 67.5W Orkan di kategoria 3 (Major) 162 mi (260 km) NNE di Boneiru

Djaluna 1 di yüli 11’or di mainta ora lokal (AST) 12.4N 61.3W Orkan di kategoria 4 (Major) 470 mi (756 km) E di Boneiru

Djaluna 1 di yüli 8’or di anochi ora lokal (AST) 13.3N 64.1W Orkan di kategoria 4 (Major) 291 mi (468 km) ONO di Boneiru

Djamars 2 di yüli 8’or di mainta ora lokal (AST) 14.5N 67.8W Orkan di kategoria 4 (Major) 163 mi (263 km) N di Boneiru

Djamars 2 di yüli 8’or di anochi ora lokal (AST) 15.6N 71.7W Orkan di kategoria 3 (Major) 330 mi (532 km) NW di Boneiru

Djárason 3 di yüli 8’or di mainta ora lokal (AST) 16.4N 75.6W Orkan di kategoria 2 571 mi (920 km) WNW di Boneiru

Djárason 3 di yüli 8’or di anochi ora lokal (AST) 17.2N 79.2W Orkan di kategoria 2 809 mi (1302 km) WNW di Boneiru

Djaweps 4 di yüli 8’or di mainta ora lokal (AST) 17.8N 82.6W Orkan di kategoria 1 1032 mi (1662 km) WNW di Boneiru

Djabièrnè 5 di yüli 8’or di mainta ora lokal (AST) 19.0N 88.5W Orkan di kategoria 1 1426 mi (2295 km) WNW di Boneiru

Djasabra 6 di yüli 8’or di mainta ora lokal (AST) 20.5N 93.0W Tormenta tropikal severo 1736 mi (2793 km) WNW di Boneiru

Definishonnan:

BOLETIN DI ATVERTENSIA: Ta ferwagt yobida fuerte i/òf laman brutu den e áreanan spesífiko. No ta spera un tormenta tropikal òf orkan.

FUENTE: KNMI/LIVE99FM

What do you think?

Written by Gian Carlo Maduro

Leave a Reply

Your email address will not be published. Required fields are marked *

GIPHY App Key not set. Please check settings

NOMBRAMENTU DI SR.RAYMOND (ROY) SILBERIE KOMO DIREKTOR GENERAL DI WATER -EN ENERGIEBEDRIJF BONAIRE (WEB)

PROMÉ DI YÜLI A LANSA PÒSTBÙS DIGITAL PA SERVISIONAN GUBERNAMENTAL NA HULANDA KARIBENSE