DESKONOSÍNAN A LÒS TIRU DURANTE BRINGAMENTU RIBA KAYA PRINSES MARIE.

NOTISIA DI POLIS DI DJALUNA 3 DI YÜNI TE KU DJALUNA 10 DI YÜNI 2024

Ladronisia di skuternan

Kralendijk, – Riba djadumingu 9 di yüni a drenta keho di ladronisia di un skuter koló pretu di e marka Sym, modèl Orbit. E skuter tabata stashoná na lòk, ku un lòk di stür, na un kas riba Bulevar Julio A. Abraham. Deskonosínan a bai ku e skuter entre 5.30 or di atardi di djasabra 8 di yüni i 7.30 or di anochi di djadumingu 9 di yüni.

Riba djadumingu 9 di yüni a drenta keho di ladronisia di un skuter koló shinishi ku pretu di marka Kymco, modèl Agility 50 CC, ku plachi di number MF-1822. E skuter tabata stashoná dilanti di un kas na Kaya Herman J. Pop. E skuter tabata stashoná ku un lòk di kadena pegá na e wil di patras. Deskonosínan a bai ku e skuter entre 10 or di anochi riba djasabra 8 di yüni i 6 or di mainta riba djadumingu 9 di yüni.

Riba djaweps 30 di mei a drenta keho di ladronisia di un skuter koló pretu di marka Senzo, modèl Sports 49.9 CC, ku plachi di number MF-4424. E skuter di hür tabata stashoná den un kurá habrí di un kompleho di apartamento situá na Kaya Essequibo. E skuter tabata na lòk. Deskonosínan a bai ku e skuter entre 2 or di mardugá riba djárason 29 di mei i 12 or di mèrdia riba djaweps 30 di mei. Ta investigando e kasonan.

Detenshon di persona ilegal

Riba djadumingu 9 di yüni alrededor di 5.35 or di mardugá, a detené un hòmber di inisial W.A.D. di 33 aña di edat na Kaya P.N. Antonio Neuman. Durante un intermediashon na un kas na e kaya menshoná, a bin resultá ku e hòmber tabata permanesé di forma ilegal riba nos isla. E sospechoso no tabata na kas na e momentu ei. Algun ratu despues e agentenan a mira e sospechoso tabata kore bini den un outo. Ora ku el a mira e agentenan, el a plama na kareda.  Agentenan a bai su tras i a mir’é stashoná e vehíkulo kantu di kaminda i a kore drenta den mondi. E agentenan na e momentu ei no a bai su tras i a disidí di bai ku e outo ku e sospechoso tabata kore. Algun ratu despues a mira e hòmber atrobe i nan a bai su tras. El a bula un muraya i kore bai. E agentenan a keda na e kas i a mira e sospechoso tabata aserkando atrobe na pia. Na e momentu ei a detené. E sospechoso no tabata ke koperá ku su detenshon i a resistí kontra di su detenshon, motibu pa kua e agentenan a haña nan obligá di hasi uso di téknikanan apropiá i ‘pepperspray’ pa detené e sospechoso. A hiba e sospechoso warda di polis i e pas’é over pa e Departamentu di Supervishon di Estranhero (Vreemdelingen Toezicht) di KPCN.

Detenshon pa destrukshon

Riba djasabra 8 di yüni, alrededor di 5.50 or di atardi, a detené un hòmber di inisial J.J.L.J. di 35 aña di edat na warda di polis pa destrukshon. E sospechoso a bini warda di polis i a indiká ku el a kaba kometé un destrukshon. Algun ratu despues a resultá ku e sospechoso a destruí bentananan di un vehíkulo riba Kaya Bermejo. Pa esaki a detené. Ta investigando e kaso.

Detenshon pa ladronisia di tas

Riba djasabra 8 di yüni, alrededor di 4.15 or di atardi, a detené un hóben di inisial H.D.B.E. di 16 aña di edat na Sorobon Beach pa ladronisia. E sospechoso a kue un tas di lomba ku kontenido ku tabata riba un stul di bich na Sorobon Beach i a kana bai. Esaki miéntras e doño tabata landa. Despues di investigashon mas aleu a mira e sospechoso i a detené. Ta investigando e kaso.

Kiebro den negoshi

Den oranan di mainta riba djasabra 8 di yüni a drenta keho di kiebro i ladronisia den un negoshi na Kaya Grandi. Deskonosínan a drenta e edifisio i a bai ku diferente joya ‘stainless steel’ di plata i oro bou di kua kadenanan, ènkelbant, renchi di orea, renchi di orea chikitu, armbant i rosario. Tambe a bai ku oloshinan di marka G-force koló pretu i sèn kèsh. Ta investigando e kaso.

Insidente ku tiramentu

Den oranan di mardugá riba djasabra 8 di yüni, ‘meldkamer’ sentral a risibí notifikashon tokante un bringamentu formal riba Kaya Prinses Marie. Durante e bringamentu, deskonosínan a lòs tiru dor di kua un bala a destruí bentana di patras di un outo. Ta investigando e kaso.

Polis ta pidi kualkier persona ku por a mira algu, tende algu òf tin informashon relevante pa e investigashon, pa tuma kontakto na 715-8000, òf via e liña di tep anónimo 9310.

Detenshon pa manehá bou di influensia

Alrededor di 3.45 or di mardugá riba djasabra 8 di yüni, un aksidente entre un outo i un bròmer a tumá lugá riba Kaya General Carlos Manuel Piar. E shofùr di e bròmer a resultá heridá i ambulans a transport’é pa hòspital pa tratamentu médiko. E shofùr di e outo a deklará ku e no a mira e bròmer ku konsekuensia ku el a dal den e bròmer. E tabata mustra tambe diferente karakterístika di un persona ku ta bou di influensia di alkohòl. A hasi un tèst di supla kuné i a resultá ku el a konsumí mas alkohòl ku ta permití. A detené e hòmber di inisial R.H.C. di 33 aña di edat pa manehá bou di influensia di alkohòl i a hib’é warda di polis pa un análisis di rosea. E sospechoso no por a mustra un reibeweis i un seguro bálido pa kual motibu a hiba e outo warda di polis.

Detenshon pa kiebro den kas

Riba djasabra 8 di yüni, alrededor di 6.20 or di atardi, a detené un hóben di inisial C.C.C.D. di 17 aña di edat na warda di polis pa ladronisia. E sospechoso a kometé kiebro den un kas riba djabièrnè 7 di yüni i a detené pa esaki. Investigashon den e kaso ta kontinuá. 

Ladronisia di partinan di baiskel

Riba djaweps 6 di yüni a drenta keho di ladronisia di partinan di un baiskel koló blanku ku pretu di e marka Merida. E baiskel tabata stashoná dilanti di e entrada di hòspital na Kaya Soeur Bartola. Entre 12.30 or di mèrdia i 11 or di anochi riba e fecha menshoná, deskonosínan a bai ku un tayer di patras, e sia i e mannan di rùber di e baiskel. Ta investigando e kaso.

Detenshon pa intento di ladronisia i destrukshon

Den oranan di mardugá riba djaweps 6 di yüni a detené un hòmber di inisial B.P.C.W. di 27 aña di edat riba Kaya Vita pa intento di ladronisia i destrukshon. E sospechoso a destruí un vehíkulo koló blanku ku tabatin algun dia stashoná kantu di kaminda riba Kaya Korona i a purba bai ku esaki. Na momentu ku un patruya a para un otro outo na e mesun sitio pa un kòntròl rutinario, e agentenan a mira ku e porta di dilanti na e banda di pasahero di e vehíkulo stashoná, tabatin daño. Diripiente e agentenan a mira ku e porta di dilanti menshoná a habri. Un hòmber ful na pretu ku kara tapá, hanskun bistí i ku un pat’i kabra den su man a baha for di e vehíkulo i a kuminsá kore. Mesora a start un persekushon na pia. Durante e persekushon na pia a duna e sospechoso diferente biaha òrdu pa para, pero e no a duna oido na esaki. Na un dado momentu el a baha velosidat i a kai drumi na suela. Alrededor di 1.45 or di mardugá a detené e sospechoso. Na e momentu ei, e no tabatin e pat’i kabra huntu kuné pero a haña esaki despues den mondi. A konfiská e pat’i kabra i e vehíkulo koló blanku pa mas investigashon.

Kòntròl di tráfiko

Riba djárason 5 di yüni, alrededor di 6 or di atardi, agentenan di Kuerpo Polisial Hulanda Karibense a tene un kòntròl di tráfiko riba Kaya Hermandad. Durante e kòntròl aki a kontrolá 9 vehíkulo di kua 2 skuter. A duna 6 shofùr un but.

E butnan tabata pa e siguiente infrakshonnan:

3x pa manehá sin reibeweis bálido;

2x pa manehá sin faha di seguridat bistí;

1x pa manehá sin seguro bálido.

KPCN lo kontinuá ku e tipo di kòntròlnan aki na diferente parti di nos isla i ta atvertí tur outomobilista pa e dokumentunan nesesario, ta na òrdu. Tambe ta konsehá estriktamente pa kumpli ku e reglanan di Lei di Tráfiko. Ku esaki bo tambe ta kontribuí na un tráfiko seif i sigur riba e isla. 

Bo no ta kumpli ku reglanan? Bo por haña un but. E suma di un but pa e violashonnan menshoná ta varia entre $30 te ku $225.

Entrada hudisial ku detenshon

Den oranan trempan di mainta riba djárason 5 di yüni, e Tim di Kriminalidat Finansiero Ekonómiko (Finec) di Kuerpo Polisial Hulanda Karibense (KPCN) a tene un entrada hudisial den un kas situá na Kaya Trupial. E entrada hudisial tabata den kuadro di un investigashon tokante malversashon durante trabou (verduistering in dienst betrekking). Durante di e entrada hudisial a detené un dama di 32 aña di edat i a konfiská algun artíkulo relevante pa e kaso. Investigashon den e kaso ta kontinuá.

Detenshon pa menasa i maltrato

Riba djamars 4 di yüni, alrededor di 7.45 or di anochi, a detené un hòmber di inisial L.M.H. di 39 aña di edat pa menasa i maltrato. Durante un reglamentu mutuo despues di un probabel aksidente entre dos vehíkulo, e sospechoso a kore na pia ku un machete tras di otro hòmber i a menas’é ku morto. Na momento ku e patruya a yega, e sospechoso tabatin e machete i un pida heru tené den su man miéntras e otro hòmber tabata kore p’e. A duna e sospechoso òrdu dos biaha pa benta e machete i e pida heru abou. E no a kumpli ku esaki i a hinka e machete i e pida heru den baul di su vehíkulo.

Ora e agentenan a purba habri e baul, e sospechoso a trata na tene e baul será pa e agentenan no kue e armanan. Finalmente e agentenan a logra konfiská e armanan. Na momentu ku e agentenan tabata bezig ta tuma keho di menasa ku morto di e kontrapartido, e sospechoso a bira fresku i ònbeskòp kontra e agentenan, drenta su outo i kore bai pero a para algu mas leu riba Kaya Benz. E agentenan a kore i bai den su direkshon. E agentenan na e momentu ei a partisipá na e sospechoso ku ta detené. E sospechoso no kier a koperá i a resistí fuertemente kontra su detenshon, motibu pa kua e agentenan a hañanan obligá di hasi uso di nan ‘pepperspray’ pa mantené e situashon bou di kòntròl.

Durante ku tabata transportá e sospechoso pa warda di polis, el a kuminsá ekspresá su mes i diripiente el a dal e agente ku tabata sintá banda di dje den outo, ku kabes. Dor di esaki e agente a resultá heridá na altura di su kara i mester a bai hòspital pa tratamentu médiko.

Kuerpo Polisial Hulanda Karibense ta rekordá un i tur ku no ta tolerá niun tipo di violensia ferbal òf físiko kontra agentenan polisial.  Agentenan tin tur derecho pa entregá un keho kontra sospechoso(nan) pa kualkier forma di maltrato ku nan eksperensiá tantu ku unifòrm òf sin unifòrm. Un komportashon trankil di un i tur durante kòntròl i na momentu ku konstatá violashon, ta kondusí na un solushon pasífiko ku ta deseabel pa un i tur.

Aksidente entre pikòp i siklista

Riba djamars 4 di yüni, alrededor di 7.20 or di mainta, ‘meldkamer’ sentral a risibí notifikashon tokante un aksidente riba Kaya Korona na altura di Kaya Tribon. Un pikòp a alkansá un siklista pa kual motibu e siklista a kai. E siklista a deklará ku e tabata kore riba Kaya Tribon direkshon di Kaya Korona na momentu ku un pikòp ku tabata bini for di Kaya Korona a lora na su man robes pa subi Kaya Tribon i a alkans’é. Ambos partido a regla e daño entre nan. Personal di ambulans a hasi un chekeo médiko ku e víktima na e sitio mes i e no mester a bai hòspital.

Aksidente

Riba djaluna 3 di yüni, alrededor di 4.10 or di atardi, ‘meldkamer’ sentral a risibí notifikashon tokante un pikòp ku a dal den diferente outo stashoná kantu di kaminda riba Bulevar EEG. Na e sitio a resultá ku e shofùr di e pikòp tabata ke hala pasa un mini-vèn nèt na momentu ku e vehíkulo aki tambe tabata ke lora na su man robes pa kual motibu e shofùr di e pikòp a pèrdè kòntròl i bai dal den kuater outo ku tabata stashoná. Den e pikòp tabatin 7 persona bou di kua 4 tabata den baki. Personal di ambulans a hasi un chekeo médiko ku tur bou di kua ambulans a transportá 1 pa hòspital pa kòntròl médiko.

KPCN ta enfatisá ku transportashon di pasahero den baki di pikòp ta prohibí pa lei. Banda di ku esaki ta prohibí, e ta un aktividat peligroso i no seif ku por trese konsekuensianan pisá i serio pa esnan ku ta partisipá na esaki. Den kaso di un aksidente hende por sali bai, ku tur posibel konsekuensia di esaki. Kontribuí na un tráfiko sigur riba e isla dor di tene bo mes na e reglanan vigente i di e ordenansa di tráfiko.

A topa ku kurpa sin bida den kas

Riba djaluna 3 di yüni, alrededor di 1.30 or di atardi, ‘meldkamer’ sentral a risibí un notifikashon ku a topa un kurpa sin bida den un kas na Kaya Catalina Diaz-Leonora. Polis, personal di ambulans, personal di e departamento forénsiko di KPCN i dòkter a bai na e sitio. Despues di investigashon di e departamento forénsiko, dòkter a konstatá morto di un hende hòmber di 63 aña di edat di inisial L.R.D. nasé riba 8 di yanüari 1961 na Aruba.

Detenshonnan

Riba djaluna 3 di yüni, alrededor di 9 or di mainta, a detené tres hòmber na warda di polis. A detené un hòmber di inisial G.L.H. di 35 aña di edat pa menasa i destrukshon, un hòmber di inisial S.L.V. di 24 aña di edat pa destrukshon i un hòmber di inisial R.G.R.S. di 20 aña di edat pa menasa i maltrato.

E sospechoso di inisialnan G.L.H. a blòkia vehíkulo di un di e sospechosonan riba Kaya Internashonal i a baha for di su vehíkulo ku un machete di kua el a zuai i hasi diferente moveshon ku e machete den direkshon di e vehíkulo ku el a blòkia. Despues el a skòp e vehíkulo i seguidamente a kore bai den direkshon di warda di polis. Dilanti di warda di polis a surgi un interkambio di palabra entre e partidonan. A detené e sospechoso di inisial S.L.V. riba e sitio di stashoná outo na warda di polis pa motibu ku el a skòp outo di un di e sospechosonan ku tabata pará den e sitio di stashoná outo na warda di polis. E sospechoso di inisial R.G.R.S. a purba dal den outo di un di e sospechosonan i a destruí tayernan di un outo di hür. Ademas el a menasa un famia ku morto.

A konfiská tambe un machete. Ta investigando e kaso.

Bo a mira algu sospechoso? Yama 717 8000 òf e liña di tep anónimo 9310.

FUENTE: KPCN\LIVE99FM

=========================================================================

POLITIEBERICHTEN VAN MAANDAG 3 JUNI TOT EN MET MAANDAG 10 JUNI 2024

Diefstal scooters

Kralendijk, – Op zondag 9 juni werd aangifte gedaan van diefstal van een zwarte scooter van het merk Sym, model Orbit. De scooter stond op slot, met een stuurslot, bij een woning aan de Julio A. Abraham Boulevard geparkeerd. Tussen 17:30 uur op zaterdag 8 juni en 19:30 uur op zondag 9 juni werd de scooter door onbekenden meegenomen.

Op zondag 9 juni werd aangifte gedaan van diefstal van een grijs/zwart kleurige scooter van het merk Kymco, model Agility 50 CC, met kentekenplaat MF-1822. De scooter stond voor een woning aan de Kaya Herman J. Pop, geparkeerd. De scooter stond met een kettingslot bevestigd aan het achterwiel. Tussen 22:00 uur op zaterdag 8 juni en 06:00 uur op zondag 9 juni werd de scooter door onbekenden meegenomen.

Op donderdag 30 mei werd aangifte gedaan van diefstal van een matzwarte scooter van het merk Senzo, model Sports 49.9 CC, met kentekenplaat MF-4424. De gehuurde scooter stond op een open erf van een appartementencomplex aan de Kaya Essequibo, geparkeerd. De scooter stond met een slot bevestigd. Tussen 02:00 uur op woensdag 29 mei en 12:00 uur op donderdag 30 mei werd de scooter door onbekenden meegenomen. De zaken worden onderzocht.

Aanhouding illegaal persoon

Op zondag 9 juni, rond 05:35 uur, werd een 33-jarige man met initialen W.A.D. aan de Kaya P.N. Antonio Neuman aangehouden. Tijdens een bemiddeling bij een woning aan de genoemde straat, bleek dat de man zich illegaal bevond op ons eiland. De verdachte was op dat moment niet thuis. Iets later zagen de agenten de verdachte in een auto aan komen rijden. Toen hij de agenten zag, ging hij ervandoor. De agenten gingen achter hem aan en zagen hem vervolgens het voertuig aan de kant van de weg parkeren en rende de mondi in. De agenten gingen op dat moment niet achter hem aan en besloten de auto mee te nemen. Iets later werd de man weer gespot en ging men achter hem aan. Hij sprong over een muur en rende weg. De agenten bleven bij de woning staan toen de verdachte nog een keer aan kwam lopen. Hij werd op dat moment aangehouden. De verdachte wilde niet mee werken en verzette zich hevig tegen zijn aanhouding, waardoor de agenten genoodzaakt waren om gebruik te maken van gepaste technieken en ‘pepperspray’ om de verdachte in boeien te brengen. Hij werd naar het politiebureau gebracht en overgedragen aan de afdeling Vreemdelingen Toezicht van het KPCN.

Aanhouding vernieling

Op zaterdag 8 juni, rond 17:50 uur, werd een 35-jarige man met initialen J.J.L.J. bij het politiebureau aangehouden voor vernieling. De verdachte kwam bij het politiebureau en gaf aan dat hij een vernieling had gepleegd. Iets later bleek dat de verdachte de ruiten van een voertuig op de Kaya Bermejo had vernield. Hierop werd hij aangehouden. De zaak wordt onderzocht.

Aanhouding diefstal tas

Op zaterdag 8 juni, rond 16:15 uur, werd een 16-jarige jongeman met initialen H.D.B.E. op Sorobon Beach aangehouden voor diefstal. De verdachte pakte een rugtas met inhoud die op een strandstoel bij een horecagelegenheid op Sorobon Beach lag en liep vervolgens weg. Dit terwijl de eigenaar aan het zwemmen was. Na nader onderzoek werd de verdachte gespot en aangehouden. Onderzoek in de zaak loopt.

Inbraak bedrijf  

In de ochtenduren op zaterdag 8 juni werd aangifte gedaan van inbraak en diefstal in een bedrijf aan de Kaya Grandi. Onbekenden hebben zich toegang tot het gebouw verschaft en hebben verschillende zilver met goudkleurige stainless steel sieraden weggenomen waaronder kettingen, enkelbanden, oorbellen, oorknopjes, armbanden en rozenkransen. Verder werden ook zwarte horloges van het merk G-force en contant geld weggenomen. De zaak wordt onderzocht.

Schietincident

In de nachtelijke uren van zaterdag 8 juni, kreeg de centrale meldkamer melding over een grote vechtpartij op de Kaya Prinses Marie. Tijdens de vechtpartij werd er ook door onbekenden geschoten waardoor het achterruit van een auto door een kogel werd vernield. De zaak wordt onderzocht.

Heeft u iets gezien of gehoord, wat het onderzoek verder zou kunnen helpen? U kunt dit melden via 715 8000 of anoniem via de anonieme tip lijn, 9310.

Aanhouding rijden onder invloed

Rond 03:45 uur op zaterdag 8 juni vond een aanrijding tussen een auto en een brommer plaats op de Kaya General Carlos Manuel Piar. De bestuurder van de motorfiets raakte gewond en werd met de ambulance naar het ziekenhuis gebracht. De bestuurder van de auto verklaarde dat hij de bromfiets niet zag met als gevolg dat ze tegen de motorfiets botste. Hij vertoonde ook verschillende kenmerken van iemand die onder invloed van alcohol was. Naar aanleiding van een blaastest die werd afgenomen bleek dat hij meer dan de toegestane hoeveelheid alcohol had genuttigd. Een 33-jarige man met initialen R.H.C. werd aangehouden voor het rijden onder invloed van alcohol en naar het politiebureau gebracht voor een ademanalyse. De verdachte kon ook geen geldig rijbewijs en geldige verzekering tonen waardoor de auto naar het politiebureau werd gebracht ter bewaring.

Aanhouding woning inbraak

Op zaterdag 8 juni, rond 18:20 uur, werd een 17-jarige jongeman met initialen C.C.C.D. bij het politiebureau aangehouden voor diefstal. De verdachte pleegde een woninginbraak op vrijdag 7 juni en werd hiervoor aangehouden. Onderzoek in de zaak loopt.

Diefstal onderdelen van fiets

Op donderdag 6 juni werd aangifte gedaan van diefstal van onderdelen van een zwart/witte fiets van het merk Merida. De fiets stond voor de ingang van het ziekenhuis aan de Kaya Soeur Bartola. Tussen 12:30 uur en 23:00 uur op de genoemde datum hebben onbekenden het achterwiel, het zadel en de rubberen handvatten van de fiets meegenomen. De zaak wordt onderzocht.

Aanhouding poging diefstal en vernieling

In de nachtelijke uren op donderdag 6 juni werd een 27-jarige man met initialen B.P.C.W. op de Kaya Vita aangehouden voor poging diefstal en vernieling. De verdachte vernielde een witte voertuig die een paar dagen langs de weg op de Kaya Korona geparkeerd stond en probeerde deze weg te nemen. Toen een dienstdoende patrouille een andere auto op dezelfde plek had gestopt voor een routine controle, zagen de agenten dat de voorportier aan de bijrijderskant van de geparkeerde witte voertuig beschadigd was. Ineens zagen de agenten dat de genoemde voorportier open ging. Een man helemaal in het zwart gekleed met bivakmuts, handschoenen en met een koevoet in zijn hand stapte uit het voertuig en begon te rennen. Er werd direct een achtervolging te voet ingezet. Tijdens de achtervolging te voet werd de verdachte meerdere keren gevorderd om te stoppen, maar hier gaf hij geen gehoor aan. Op een gegeven moment verminderde hij zijn snelheid en ging op de grond liggen. Rond 01:45 uur werd hij aangehouden. Hij had op dat moment de koevoet niet meer bijzich maar deze werd later in het bosschage aangetroffen. De koevoet en het witte voertuig werd in beslag genomen voor verder onderzoek.

Verkeerscontrole

Op woensdag 5 juni, rond 18:00 uur, hebben agenten van het Korps Politie Caribisch Nederland (KPCN) een verkeerscontrole op de Kaya Hermandad gehouden. Tijdens deze controle zijn 9 voertuigen gecontroleerd waaronder 2 scooters. Er werden 6 bekeuringen uitgeschreven.

De bekeuringen waren voor het volgende overtredingen:

3x voor rijden zonder geldig rijbewijs;

2x voor het rijden zonder veiligheidsgordel om;

1x voor het rijden zonder geldige verzekering.

Het KPCN zal op verschillende locaties op het eiland controles blijven uitvoeren en waarschuwt automobilisten om de nodige documenten op orde te hebben. Ook wordt er streng geadviseerd om zich te houden aan de regels van de verkeersregels. Hiermee draag je ook bij aan een veilig verkeer op het eiland.

Houdt jij je niet aan de regels? Dan kan je een bekeuring krijgen. Het bedrag van een boete voor bovengenoemde overtredingen varieert tussen de $30 en $225.

Huiszoeking met aanhouding

In de vroege ochtenduren op woensdag 5 juni, heeft het Team Financieel Economische Criminaliteit (Finec) van het Korps Politie Caribisch Nederland een huiszoeking gedaan in een woning gelegen aan de Kaya Trupial. De huiszoeking was in het kader van een onderzoek op verduistering in dienst betrekking. Tijdens de huiszoeking werd een 32-jarige vrouw aangehouden en zijn enkele relevante artikelen voor de zaak in beslag genomen. Onderzoek in deze zaak loopt.

Aanhouding bedreiging en mishandeling

Op dinsdag 4 juni, rond 19:45 uur, werd een 39-jarige man met initialen L.M.H. op de Kaya Benz aangehouden voor bedreiging en mishandeling. Tijdens een onderlinge regeling na een vermoedelijke aanrijding tussen twee voertuigen, rende de verdachte te voet met een kapmes achter een andere man aan en bedreigde hem met de dood. Toen de patrouille arriveerde had de verdachte de kapmes en een ijzeren staaf in zijn hand vast terwijl de andere man aan het rennen was. De verdachte werd twee keer bevorderd om de kapmes en de ijzeren staaf op de grond te gooien. Hij voldeed hier niet aan en stopte de kapmes en de ijzeren staaf in de kofferbak van zijn voertuig.

Toen de agenten de kofferbak probeerden te openen, deed de verdachte een poging om de kofferbak dicht te houden zodat de agenten er niet bij konden. Het lukte de agenten uiteindelijk toch wel om de wapens in beslag te nemen. Toen de agenten bezig waren om aangifte van bedreiging met de dood op te nemen van de tegenpartij, werd de verdachte brutaal en onbeschoft tegen de agenten, stapte in zijn auto en reed weg maar stopte iets verderop op de Kaya Benz. De agenten reden in zijn richting. Op dat moment werd de verdachte meegedeeld dat hij aangehouden werd. De verdachte wilde niet mee werken en verzette zich hevig tegen zijn aanhouding, waardoor de agenten genoodzaakt waren om gebruik te maken van ‘pepperspray’ om de situatie onder controle te houden.

Tijdens de transport van de verdachte naar het politiebureau, begon hij zich agressief te uiten en gaf plotseling de agent die naast hem in de auto zat, een kopstoot. Hierdoor raakte de agent gewond ter hoogte van zijn gezicht en moest naar het ziekenhuis voor medische behandeling.

Het Korps Politie Caribisch Nederland wil een ieder erop attenderen dat geen enkel vorm van verbaal of fysiek geweld getolereerd wordt tegen agenten. De agenten hebben het volste recht om aangifte te doen tegen verdachten voor enige vorm van mishandeling die ze ervaren zowel met of zonder uniform aan. Een rustige medewerking van een ieder bij controles en bij constatering van overtredingen leidt tot een vreedzame oplossing wat wenselijk is voor een ieder.

Aanrijding tussen pick-up en fietser

Op dinsdag 4 juni, rond 07:20 uur, kreeg de centrale meldkamer melding van een aanrijding op de Kaya Korona ter hoogte van de Kaya Tribon. Een pick-up botste tegen een fietser waardoor de fietser op de grond viel. De fietser verklaarde dat hij op de Kaya Tribon richting Kaya Korona fietste toen een pick-up vanuit de Kaya Korona, linksaf sloegde om op de Kaya Tribon te rijden en hem aanreed. Beide partijen regelden de schade onderling. Het slachtoffer werd door de ambulancepersoneel ter plekke medisch gecheckt en hoefde niet mee naar het ziekenhuis.

Aanrijding

Op maandag 3 juni, rond 16:10 uur, kreeg de centrale meldkamer melding over een pick-up die op de EEG Boulevard tegen meerdere, langs de weg geparkeerde auto’s aanreed. Ter plaatse bleek dat de bestuurder van de pick up een mini-bus wilde inhalen toen deze voertuig ook linksaf afsloeg waardoor de bestuurder van de pick-up de macht over het stuur verloor en tegen de vier geparkeerde auto’s botste. In de pick-up zaten 7 personen waaronder 4 in de achterbak. Zij werden allemaal medisch gecontroleerd door het ambulancepersoneel waaronder één naar het ziekenhuis met de ambulance werd gebracht voor medische controle.

Het KPCN wil nogmaals benadrukken dat het wettelijk verboden is om passagiers in de achterbak van pick-ups te vervoeren. Naast dat het verboden is, is het ook een onveilige en gevaarlijke activiteit die erge/zware consequenties met zich mee kan brengen voor de personen die hieraan meedoen. In het geval van een ongeluk worden mensen weggeslingerd met alle mogelijke gevolgen van dien. Draag bij aan een veilig verkeer op het eiland door je te houden aan de regels van de verkeersverordening.

Levenloos lichaam aangetroffen

Op maandag 3 juni, rond 13:00 uur, kreeg de centrale meldkamer melding dat er een levenloos lichaam in een woning aan de Kaya Catalina Diaz-Leonora werd aangetroffen. Een patrouille, personeel van de ambulance, personeel van de forensische afdeling van het KPCN en de schouwarts gingen ter plekke. Na onderzoek van de forensische afdeling, constateerde de schouwarts de dood van een 63-jarige man met initialen L.R.D. geboren op 8 januari 1961 in Aruba.

Aanhoudingen

Op maandag 3 juni, rond 09:00 uur, werden drie mannen bij het politiebureau aangehouden. Het betreft een 35-jarige man met initialen G.L.H. die werd aangehouden voor bedreiging en vernieling, een 24-jarige man met initialen S.L.V. die werd aangehouden voor vernieling en een 20-jarige man met initialen R.G.R.S. die werd aangehouden voor bedreiging en mishandeling.

De verdachte met initialen G.L.H. blokkeerde het voertuig van één van de verdachten op de Kaya International en stapte uit het voertuig met een kapmes waarmee hij verschillende zwaaiende bewegingen maakte richting het geblokkeerde voertuig. Hierna gaf de verdachte een trap tegen het voertuig en reed vervolgens weg richting het politiebureau. Voor het politiebureau ontstond er een woordenwisseling tussen de partijen. De verdachte met initialen S.L.V. werd op de parkeerplaats van het politiebureau aangehouden omdat hij tegen de auto van één van de verdachten die op de parkeerplaats van het politiebureau stond, had getrapt. De verdachte met initialen R.G.R.S. probeerde de auto van één van de verdachten aan te rijden en heeft de autobanden van een verhuurde auto vernield. Bovendien heeft hij ook een familielid met de dood bedreigd.

Het kapmes werd in beslag genomen. De zaak wordt onderzocht.

Heeft u iets verdachts gezien? Bel 911 of 717 8000 of de anonieme tip lijn 9310.

BRON: KPCN\LIVE99FM