THE NEXT WAVE TA YUDA HÓBENNAN NA BONEIRU KONSTRUÍ UN FUTURO SALÚ

Kralendijk – For di 7 di mart te ku 23 di aprel 2026 e proyekto pa hóben The Next Wave ta tumando lugá. E proyekto akí ta yuda hóbennan na Boneiru pa siña mas tokante salú, kuminda i empresariado.

Entidat Públiko Boneiru, GGD Boneiru / Salubridat Públiko ta ehekutá e proyekto akí ku hóbennan, empleadonan di Jong Bonaire i personal di kushina di Scholengemeenschap Bonaire (SGB).

E proyekto The Next Wave ta kombiná teoria i práktika. Hóbennan, empleadonan di Jong Bonaire i personal di kushina di SGB ta siña kiko ta kuminda saludabel, kon nan por traha pasaboka saludabel i dikon esaki ta importante. Tambe e hóbennan ta desaroyá vários abilidat riba tereno di ‘branding’ i benta. Durante e proyekto ta ofresé e hóbennan fruta tambe komo èkstra stimulashon di un estilo di bida saludabel.

E proyekto ta konsistí di kuater parti, esakinan ta:

• Cook Up: empleadonan di Jong Bonaire i personal di kushina di SGB ta haña treinen di un shèfkòk. Nan ta siña kon nan por prepará kuminda saludabel i pagabel.
• Level up: e hóbennan ta haña lès serka ekspertonan, manera un dòkter di kas, un sikólogo i algun dietista. Nan ta siña entre otro tokante supstansianan nutritivo, energia, hidratashon, lesa etiketa i influensia di kuminda riba deporte, soño i salú mental.
• Fire up: e hóbennan mes ta drenta kushina. Nan ta prepará pasaboka i kos di bebe saludabel bou di guia di e personal entrená.
• Show up: e hóbennan ta siña tokante ‘branding’, empake, preis i benta di produktonan saludabel.

E proyekto ke hasi mas ku solamente brinda konosementu i abilidat. E hóbennan ta siña tambe kon nan por inspirá otro hende. Di e manera akí nan ta krese di partisipante pa embahador di un estilo di bida saludabel.

Pa medio di trein hóbennan i empleadonan di Jong Bonaire òf personal di kushina di SGB huntu, The Next Wave ta traha riba un aserkamentu struktural di edukashon di salú na Boneiru. Meta di e proyekto ta pa siña hóbennan kon nan por hasi eskohonan mas saludabel den nan bida diario.

Hóbennan por partisipá grátis na e proyekto The Next Wave. Pa mas informashon, tuma kontakto ku Jong Bonaire via +599 717 4303 òf info@jongbonaire.org.        

FUENTE: LIVE99FM/LIVE99FM

NEDERLANDS:

THE NEXT WAVE HELPT JONGEREN OP BONAIRE BOUWEN AAN EEN GEZONDE TOEKOMST

Kralendijk – Van 7 maart tot en met 23 april loopt het jongerenproject The Next Wave. Dit project helpt jongeren op Bonaire om meer te leren over gezondheid, voeding en ondernemerschap.

Het project wordt uitgevoerd door het Openbaar Lichaam Bonaire, GGD Bonaire / Salubridat Públiko met jongeren, medewerkers van Jong Bonaire, en keukenpersoneel van Scholengemeenschap Bonaire (SGB).

Het project The Next Wave combineert theorie en praktijk. Jongeren, medewerkers van Jong Bonaire, en keukenpersoneel van SGB leren wat gezonde voeding is, hoe zij gezonde snacks kunnen maken en waarom dit belangrijk is. Ook ontwikkelen de jongeren vaardigheden op het gebied van branding en verkoop.

Tijdens het project wordt ook fruit aangeboden om een gezonde leefstijl extra te stimuleren.

Het project bestaat uit de vier onderdelen, deze zijn:  

• Cook Up: medewerkers van Jong Bonaire en keukenpersoneel van SGB krijgen trainingen van een chef. Zij leren hoe zij gezonde en betaalbare maaltijden kunnen bereiden.
• Level Up: jongeren krijgen les van deskundigen, zoals een huisarts, psycholoog en diëtisten. Zij leren onder andere over voedingsstoffen, energie, hydratatie, etiketten lezen en de invloed van voeding op sport, slaap en mentale gezondheid.
• Fire Up: jongeren gaan zelf in de keuken aan de slag. Zij bereiden gezonde snacks en drankjes onder begeleiding van het getrainde personeel.
• Show Up: jongeren leren over branding, verpakking, prijs en verkoop van gezonde producten.

Het project wil meer doen dan alleen kennis en vaardigheden geven. Jongeren leren ook hoe zij anderen kunnen inspireren. Zo groeien zij van deelnemer naar ambassadeur van een gezonde leefstijl.

Door jongeren aan de ene kant en medewerkers van Jong Bonaire of keukenpersoneel van SGB aan de andere kant samen te trainen, werkt The Next Wave aan een structurele aanpak van gezondheidseducatie op Bonaire. Het doel van het project is dat jongeren leren hoe zij gezondere keuzes kunnen maken in hun dagelijkse leven.

Jongeren kunnen gratis meedoen aan het project the Next Wave. Voor meer informatie, neem contact op met Jong Bonaire via +599 717 4303 of info@jongbonaire.org.