TRES SIUDADANO DI HONOR NOBO DI BONEIRU

Kralendijk – Entidat Públiko Boneiru ta anunsiá ku Elfried Francisco Jozephia, Lilian Paula-Crestian i Cliff Bruno Frans ta bira e tres Siudadanonan di Honor nobo di Boneiru. Djadumingu 6 di sèptèmber 2026 durante e seremonia protokolar di Dia di Boneiru ta nombra nan ofisialmente komo Siudadano di Honor. Nan ta risibí e rekonosementu spesial akí pa nan dedikashon i aporte balioso di hopi aña largu na Boneiru i na komunidat boneriano.

E tres futuro Siudadanonan di Honor kada un na nan propio manera i riba diferente tereno a komprometé nan mes pa nos komunidat. Despues di nan nominashon, Kolegio Ehekutivo a disidí pa riba Dia di Boneiru nombra nan komo Siudadano di Honor di Boneiru. 

Elfried Francisco Jozephia

Elfried Francisco Jozephia pa mas ku diessinku aña a dediká su mes na mucha i hóben na Boneiru. Pa medio di e deporte di karate e no a solamente duna hóbennan guia deportivo, pero tambe struktura i disiplina, i el a yuda nan ku nan desaroyo personal.

Su dedikashon a bai mas leu ku dunamentu di lès di karate. E tabata buska e muchanan na kas i despues di treinen e tabata trese nan kas bèk. E tabata organisá kompetensia i e tabata sòru pa paña di karate pa muchanan di famia ku ménos posibilidat finansiero. Pa su dedikashon e no tabata pidi ningun kompensashon. Ku su enbolbimentu di hopi aña largu Jozephia a duna un aporte balioso na hóbennan, na deporte i na komunidat boneriano.  

Lilian Paula-Crestian

Durante mas ku 36 aña Lilian Paula-Crestian a dediká su mes na komunidat boneriano. Su dedikashon a enfoká prinsipalmente riba enseñansa, desaroyo di hóben, nos idioma papiamentu i trabou sosial. El a traha entre otro komo dosente di papiamentu, koordinadó di èksámen i mèntòr di hóbennan.

Banda di su trabou profeshonal, durante hopi aña Lilian Paula-Crestian boluntariamente a dediká su konosementu, eksperensia i tempu na nos komunidat. Ku esaki el a kontribuí na desaroyo edukativo i personal di diferente generashon di hóbennan boneriano. Ku su enbolbimentu di hopi tempu largu ku enseñansa, hóbennan i nos komunidat, el a duna un aporte balioso i permanente na Boneiru.  

Cliff Bruno Frans

Cliff Bruno Frans a dediká su mes pa mas ku diesseis aña largu na komunidat boneriano. Pa medio di entre otro Big Papa el a saka potrèt i kubri notisia, eventonan kultural i desaroyonan na Boneiru i el a kompartí esakinan ku nos komunidat. Di e manera akí el a yuda bonerianonan tambe ku ta biba pafó di Boneiru pa keda konektá ku nos isla.

Banda di esaki Cliff Frans a dediká su mes na dokumentashon di patrimonio boneriano, entre otro huntu ku Bòi Antoin. Pa medio di dokumentá storia, imágen i otro komponentenan di nos patrimonio kultural, el a yuda konservá konosementu balioso pa e generashonnan aktual i esunnan di futuro. Ku esaki Cliff Frans a duna un aporte balioso na visibilidat i konservashon di kultura, historia i identidat di Boneiru.

Durante e seremonia protokolar di Dia di Boneiru dia 6 di sèptèmber ta nombra Elfried Jozephia, Lilian Paula-Crestian i Cliff Frans ofisialmente komo Siudadano di Honor di Boneiru. Ku e rekonosementu spesial akí Boneiru ta ekspresá su apresio i gratitut pa nan dedikashon i enbolbimentu di hopi aña largu. Boneiru ta gradisí nan pa tur loke kada un di nan na nan propio manera a nifiká pa nos isla i nos komunidat.    

FUENTE: OLB/LIVE99FM

NEDERLAND:

DRIE NIEUWE EREBURGERS VAN BONAIRE

Kralendijk – Het Openbaar Lichaam Bonaire maakt bekend dat Elfried Francisco Jozephia, Lilian Paula-Crestian en Cliff Bruno Frans de nieuwe Ereburgers van Bonaire worden. Zij worden op zondag 6 september 2026 tijdens de protocollaire ceremonie van Dia di Boneiru officieel benoemd tot Ereburger. Zij ontvangen deze bijzondere onderscheiding voor hun jarenlange inzet en waardevolle bijdrage aan Bonaire en de Bonairiaanse gemeenschap.

De drie toekomstige ereburgers hebben zich ieder op hun eigen manier en op verschillende terreinen ingezet voor de gemeenschap. Na hun voordracht heeft het Bestuurscollege besloten hen tijdens Dia di Boneiru te benoemen tot Ereburger van Bonaire.

Elfried Francisco Jozephia

Elfried Francisco Jozephia heeft zich meer dan vijftien jaar vrijwillig ingezet voor kinderen en jongeren op Bonaire. Via de karatesport gaf hij jongeren niet alleen sportieve begeleiding, maar ook structuur en discipline en hielp hij hen bij hun persoonlijke ontwikkeling.

Zijn inzet ging verder dan het geven van karatelessen. Hij haalde kinderen thuis op en bracht hen na de training weer naar huis, organiseerde wedstrijden en zorgde voor karatekleding voor kinderen uit gezinnen met minder financiële mogelijkheden. Voor zijn inzet vroeg hij geen vergoeding. Met zijn jarenlange betrokkenheid heeft Jozephia een waardevolle bijdrage geleverd aan jongeren, de sport en de Bonairiaanse gemeenschap.

Lilian Paula-Crestian

Lilian Paula-Crestian heeft zich meer dan 36 jaar ingezet voor de Bonairiaanse gemeenschap. Haar inzet richt zich vooral op onderwijs, de ontwikkeling van jongeren, de Papiamentse taal en sociaal werk. Zij werkte onder andere als docent Papiamentu, examencoördinator en mentor van jongeren.

Naast haar professionele werk heeft Paula-Crestian haar kennis, ervaring en tijd jarenlang vrijwillig ingezet voor de gemeenschap. Daarmee heeft zij bijgedragen aan de educatieve en persoonlijke ontwikkeling van verschillende generaties Bonairiaanse jongeren. Met haar langdurige betrokkenheid bij onderwijs, jongeren en de gemeenschap heeft zij een waardevolle en blijvende bijdrage geleverd aan Bonaire.

Cliff Bruno Frans

Cliff Bruno Frans heeft zich meer dan zestien jaar vrijwillig ingezet voor de Bonairiaanse gemeenschap. Via onder andere Big Papa legde hij nieuws, foto’s, culturele evenementen en ontwikkelingen op Bonaire vast en deelde deze met de gemeenschap. Zo hielp hij ook Bonairianen buiten het eiland verbonden te blijven met Bonaire.

Daarnaast zette Frans zich in voor het vastleggen en bewaren van het Bonairiaanse erfgoed, onder andere samen met Boi Antoin. Door verhalen, beelden en andere onderdelen van het culturele erfgoed te documenteren, hielp hij waardevolle kennis te bewaren voor huidige en toekomstige generaties. Hiermee heeft Frans een waardevolle bijdrage geleverd aan de zichtbaarheid en het behoud van de cultuur, geschiedenis en identiteit van Bonaire.

Tijdens de protocollaire ceremonie van Dia di Boneiru op 6 september worden Jozephia, Paula-Crestian en Frans officieel benoemd tot Ereburger van Bonaire. Met deze bijzondere onderscheiding spreekt Bonaire zijn waardering en dank uit voor hun jarenlange inzet en betrokkenheid. Bonaire bedankt hen voor alles wat zij ieder op hun eigen manier voor het eiland en de gemeenschap hebben betekend.