A STIPULÁ MANEHO DI ARMA DI KANDELA BONEIRU.

TA POSIBEL ATROBE PA HASI PETISHON BOU DI KONDISHONNAN DI SIGURIDAT MAS ESTRIKTO

Kralendijk – Gezaghèber di Boneiru a stipulá e maneho nobo di arma di kandela. Ku implementashon di e maneho akí, e paro temporal pa loke ta trata petishon nobo pa un pèrmit pa arma di kandela ta keda anulá. Habitantenan por entregá un petishon atrobe pa importá, eksportá òf poseé un arma di kandela pa metanan pèrmití. Na mes momentu ta implementá kondishonnan mas estrikto pa fortifiká poseshon responsabel di arma di kandela i siguridat na Boneiru mas aleu.

E maneho di arma di kandela a keda realisá despues di konsultashon ku stakeholdernan i el a keda sinkronisá ku e partnernan den e Triángulo Boneiru. E maneho ta enfoká riba regulashon di poseshon di arma di kandela ku pèrmit i e no ta intenshoná pa atendé ku e problemátika di arma di kandela ilegal.

Kondishonnan nobo di siguridat

Pa oumentá siguridat, for di awor tin kondishonnan adishonal na vigor pa hasi petishon pa un pèrmit di arma di kandela. E personanan ku ta hasi petishon entre otro mester: 

• entregá un deklarashon médiko di tantu nan dòkter di kas komo di un optometrista;
• komprobá ku nan tin sufisiente konosementu di arma di kandela i ku nan por anda na un manera seif ku esakinan, pa medio di un deklarashon di e asosiashon di tiru òf di polis;
• kumpli ku e reglanan pa e tipo di arma di kandela i e munishon ku ta pèrmití pa e meta pa kua a hasi petishon.

Banda di esaki e maneho ta kontené tambe instrukshon pa skopèt di aire, arma di ‘airsoft’ i arma di ‘paintball’, pa evitá maluso di e ophetonan akí.

Hasi petishon ta posibel atrobe

Ku stipulashon di e maneho, e paro temporal pa loke ta trata petishon nobo a keda anulá. Habitantenan ku ke hasi petishon pa un pèrmit pa arma di kandela pa un meta ku ta pèrmití pa esaki, por entregá nan petishon na Gabinete di Gezaghèber via wapenmachtiging@bonairegov.com. Ta evaluá petishonnan nobo a base di e maneho nobo.

Un pèrmit pa arma di kandela ta bálido pa un (1) aña i mester prolongá esaki tur aña. Por entregá petishon pa prolongashon pa pèrmit personal i general eksistente entre 1 di sèptèmber i 15 di òktober 2026. No ta tuma petishon ku a keda entregá despues di 15 di òktober den tratamentu mas.

E proseso pa hasi petishon

Pa mehorá e servisio, di awor en adelante habitantenan por entregá e petishon pa un Deklarashon tokante Kondukta (VOG) i e petishon pa un pèrmit pa arma di kandela na mes momentu na Gabinete di Gezaghèber. Ta evaluá e Deklarashon tokante Kondukta (VOG) promé. Den kaso di un evaluashon positivo ta tuma e petishon pa e pèrmit pa arma di kandela outomátikamente den tratamentu mas aleu.

Entregá arma di kandela na tempu

Den kolaborashon ku polis, ta intensivá e supervishon i mantenshon di lei pa loke ta trata e kondishonnan pa un pèrmit di arma di kandela. Pa e motibu akí personanan ku ta poseé un arma di kandela sin un pèrmit bálido pa arma di kandela, òf ku tin un pèrmit ku a kaduká, ta haña oportunidat pa entregá nan arma di kandela te ku 31 di ougùstùs 2026 na polis.

Despues di e fecha akí, personanan ku nan haña ku un arma di kandela sin un pèrmit bálido pa arma di kandela, ta kore riesgo pa persekushon penal di parti di Ministerio Públiko. Pa traha un sita pa entregá un arma di kandela, por tuma kontakto ku Kuerpo Polisial Hulanda Karibense via +599 715 8000.

Mas informashon

Mas informashon tokante e maneho di arma di kandela ta disponibel via wèpsait di Entidat Públiko Boneiru. Pa pregunta, habitantenan por tuma kontakto ku Gabinete di Gezaghèber via wapenmachtiging@bonairegov.com òf via telefòn +599 715 5330.

FUENTE: OLB/LIVE99FM

NL

VUURWAPENBELEID BONAIRE VASTGESTELD: AANVRAGEN WEER MOGELIJK ONDER STRENGERE VEILIGHEIDSVOORWAARDEN

Kralendijk – De gezaghebber van Bonaire heeft het nieuwe vuurwapenbeleid vastgesteld. Met de invoering van dit beleid wordt de tijdelijke stop op nieuwe aanvragen voor een wapenmachtiging opgeheven. Inwoners kunnen weer een aanvraag indienen voor het invoeren, uitvoeren of bezitten van een vuurwapen voor toegestane doeleinden. Tegelijkertijd worden strengere voorwaarden ingevoerd om verantwoord vuurwapenbezit en de veiligheid op Bonaire verder te versterken.

Het vuurwapenbeleid is tot stand gekomen na consultatie van stakeholders en is afgestemd met de partners binnen de Driehoek Bonaire. Het beleid richt zich op het reguleren van vergund vuurwapenbezit en is niet bedoeld om de illegale vuurwapenproblematiek aan te pakken.

Nieuwe veiligheidsvoorwaarden

Om de veiligheid te vergroten gelden vanaf nu aanvullende voorwaarden voor het aanvragen van een wapenmachtiging. Aanvragers moeten onder andere:

• een medische verklaring overleggen van zowel de huisarts als de optometrist;
• aantonen dat zij voldoende kennis hebben van vuurwapens en hier veilig mee kunnen omgaan, via een verklaring van de schietvereniging of de politie;
• voldoen aan de regels voor het type vuurwapen en de munitie die voor het aangevraagde doel zijn toegestaan.

Daarnaast bevat het beleid ook richtlijnen voor luchtbuksen, airsoft- en paintballwapens om misbruik van deze voorwerpen te voorkomen.

Aanvragen weer mogelijk

Met de vaststelling van het beleid is de tijdelijke stop op nieuwe aanvragen opgeheven. Inwoners die een wapenmachtiging voor een toegestaan doel willen aanvragen, kunnen hun aanvraag indienen bij het Kabinet van de Gezaghebber via wapenmachtiging@bonairegov.com. Nieuwe aanvragen worden beoordeeld op basis van het nieuw beleid.

Een wapenmachtiging is één jaar geldig en moet jaarlijks worden verlengd. Verlengingsaanvragen voor bestaande persoonlijke en algemene machtigingen kunnen worden ingediend tussen 1 september en 15 oktober 2026. Aanvragen die na 15 oktober worden ingediend, worden niet meer in behandeling genomen.

Aanvraagproces

Om de dienstverlening te verbeteren kunnen inwoners de aanvraag voor een Verklaring Omtrent het Gedrag (VOG) en de aanvraag voor een wapenmachtiging voortaan gelijktijdig indienen bij het Kabinet van de Gezaghebber. Eerst wordt de VOG beoordeeld. Bij een positieve beoordeling wordt de aanvraag voor de wapenmachtiging automatisch verder in behandeling genomen.

Lever oude wapens tijdig in

In samenwerking met de politie worden het toezicht en de handhaving op de voorwaarden van een wapenmachtiging geïntensiveerd. Daarom krijgen personen die een vuurwapen bezitten zonder geldige wapenmachtiging, of met een verlopen machtiging, de gelegenheid om hun vuurwapen tot en met 31 augustus 2026 in te leveren bij de politie.

Na deze datum lopen personen die worden aangetroffen met een vuurwapen zonder geldige wapenmachtiging het risico op strafrechtelijke vervolging door het Openbaar Ministerie. Voor het maken van een afspraak voor het inleveren van een vuurwapen kan contact worden opgenomen met het Korps Politie Caribisch Nederland via +599 715 8000.

Meer informatie

Meer informatie over het vuurwapenbeleid is beschikbaar via de website van het Openbaar Lichaam Bonaire. Voor vragen kunnen inwoners contact opnemen met het Kabinet van de Gezaghebber via wapenmachtiging@bonairegov.com of telefonisch via +599 715 5330