SITIONAN TURISTIKO EMPEORANDO

Kralendijk,- Pueblo por a skucha dia diesshete di yüli 2026 direktor di TCB sra. Elisiër ‘ELY’ Angel via media sosial a trese nan preokupashon dilanti pa ku e falta di invershon di parti di Gobiernu di Boneiru kua a soru ku desaroyo di sitionan pa turista a keda atras e ultimo anjanan aki.

Dia diessocho di yüli 2026 UMN Services dieskuater luna despues ku nos a limpia for donkey beach te ku te amo beach limpi limpi ku yudansa di otronan, nos a bai notisianan lokal, media sosial, serka ex-diputado Cicilia pa trese konsiensia di e problema di negligensia na e areanan turistiko aki i ofrese un posibel solushon momentanio.

Pero remarkabel ta ku kadabes e ultimo dieskuater lunanan aki nos yega na e sitionan aki e situashon ta indika evidentemente di ta emperorando.

Turista indiganá ta limpia beach. Diasabra ultimo mainta tempran UMN Services a yega te amo beach i haña atrobe kantidat di shushi abou benta.

Bientu fuerte ta suplando mandando kantidat di plastic, papel i bleki laman. Ariba inisiativa di UMN Services huntu ku un pareha hulandes europeo indigna i otro suidadana lokal nos a limpia e sitio na te amo beach un bia mas.

Ta difisil pa kompronde dikon no ta duna atenshon na e sitionan aki. Den nos sita ku ex-diputado sra. Cicilia na yüni 2025 nos a kompronde ku Gobierno ta pensando riba plannan struktura pa atende ku e sitonan aki pero ku no tin vishon ainda ki dia ta bai kuminsa.

Nos di UMN Services a proponé pa duna nos e oportunidat pa mantene e beachnan aki na ordu te dia ku e plan aki yega na vigor i bira realidat.

Nos a manda un oferta na yanuari 2026 BC i R&O relashona ku esaki. Nos a risibi tambe sosten di Stinapa pa saka shushinan ku nos a akumula na e beachnan na mei 2025 hiba lentfel. Nos a duna Stinapa un idea pa kon solushoná e problematiko di plamamentu di shushi dor di buriku na e hokinan kibra, ku falta mantenshon i ku ta den un estado inaseptabel asina na sitionan turistikó, pero lamentablemente nada no a sosodé pasobra no tin fondonan disponibel.

Airport tax Ta inkomprendibel ku Boneiru ta akumulando kasi 20 millon pa aña na headtax i ta bisa ku no tin sen pa invertí den limpiesa di e produkto turistiko Boneiru den su totalidat. Nos a papia na luna di yanuari 2026 ku sr. Kirindogo di Selibon N.V. e ta bisa nos ku nan no tin sen pa yuda UMN Services saka shushi ku nos ta akumula riba terenonan publiko.

Na mei 2026 nos a pidi un sita ku ex-diputado sr. Statie i a logra haña sra. Jolinda Craane pa kombersa ku ne i el a bisa nos ku no tin sen disponibel.

Na luna di yuli 2026 nos tabatin un sita ku direktor interino di R&O sr. Luigino Leito i e tambe ta bisa nos ku no tin sen..

Awor mi ta puntra mi mes kon porta posibel ku nos ta desea pa nos isla ta limpi pero no tin fondonan ta kubri e gastunan nesesario a por duna e resultadonan eksihí?

FUENTE: NOËL JOHN JANGA