ALERTA NA TUR KUNUKERO: E WAYANAN A YEGA. PASA PAGA DIBO I BAN PREPARÁ PA FUTURO! SIGURÁ BO KUNUKU KU RÒL DI WAYA DI KABRITU PROMÉ KU TA LAT!

Kralendijk,- E mundu rònt di nos ta kambiando na un velosidat hopi rápido i alarmante. Tenshonnan geopolítiko ta oumentando drástikamente, rutanan di komèrsio internashonal ta bou di preshon severo i preisnan di nesesidatnan básiko ta fluktuá i subi drástikamente rònt mundu sin miserikòrdia.

Komo kunukero riba nos isla, nos sa mas ku kualke otro kon krusial ta pa ta independiente i outosufisiente den e tempunan skur akí. Siguridat di kuminda pa nos komunidat ta kuminsá na e base: un kunuku ku ta funshoná bon, bon protehá i ku ta prepará pa e tempunan difísil ku ta na kaminda.

Pa protehá nos agrikultura lokal kontra e insiguridatnan mundial akí i e posibel krisis di skarsedat, direktiva di Kriabon konhuntamente ku Entidat Públiko di Boneiru a aktua di forma proaktivo i urgente. Nos a pidi un karga grandi ròl di waya di kabritu i staka di heru direktamente for di China. E konteiner akí ta aktualmente tan a Korsou, na kaminda pa Boneiru.

UN PA HENTER BONEIRU

Normalmente, ofertanan asina ta eksklusivo pa miembronan di Kriabon. Pero mirando e tempunan krítiko i di bérans ku ta aserkando, nos no por laga ningun kunukero na kaya. P’esei, nos ta hasi un eksepshon grandi: E oferta akí ta habrí pa TUR hende, miembro òf no-miembro! Miembronan naturalmente tin prioridat. E sobrebibensia di nos agrikultura i nos siguridat di kuminda ta surpasá kualke regla. Tur kunukero mester por protehá su tereno!

Dikon invertí den ròl di waya di kabritu AWOR MES?

Den tempu di konfliktonan mundial i retonan logístiko sin presedente, ta krusial pa pensa pa dilanti. Importashon di rekursonan esensial ta birando mas karu i kasi imposibel pa haña rònt mundu. Despues di a hasi e pago pa e kontainernan, Kriabon mester  a paga $1000 extra pa kada kontianer. Esaki pa motibu di e gera andando. Kriabon ta mantene e prijs manera palabrá i ta tuma e subida aki pa su kuenta. Dor di reservá bo kantidat di ròlnan di waya di kabritu i staka for di awor, bo ta kubri bo mes kontra e skarsedat inevitabel i oumento di preis drástiko den futuro.

• Siguridat di Kuminda Garantisá: Ku sufisiente waya di kunuku, bo ta sigurá bo mes di un operashon di kunuku stabil i protehá kontra bestia i intruso, sin importá kiko pasa den restu di mundu.

• Independensia Total: Ménos dependensia di e merkado mundial kaótiko ta nifiká mas kontrol riba bo propio kunuku i bo propio destino.

• Forsa Lokal Inkebrantabel: Huntu nos ta traha riba un sektor agrario fuerte i outosufisiente ku por sigui alimentá nos komunidat, asta den e tempunan di mas difísil.

Sea na tempu! Awor te ora.

Aunke e konteiner ta na kaminda ainda, nos ta ofresé bo for di awor e oportunidat eksklusivo pa hasi bo pedido. E demanda ta inmenso i e stòk ta limitá. No warda te ora preisnan subi mas òf e stòk kaba kompletamente. Tuma e rienda den bo propio man i protehá e futuro di bo kunuku awe mes. Dor di un supsidio di Entidat Públiko di Boneiru, Kriabon ta ofresé un preis super abou ku ningun hende no por igualá.

Huntu nos ta para fuerte pa e siguridat di kuminda di nos isla! No laga e krisis kue bo di sorpresa! Kriabon aktualmente ta den negosashon fuerte i pisá pa asina por mitigá e preisnan di kuminda di bestia ku lo bai konosé un oumento drástiko pa fin di juni 2026. Pero ku fé i forsa di nos miembronan direktiva lo sigui lucha pa asina kriadónan di bestia por sigui ku nan aktividat sin ku nan mester deshasí di un gran parti di nan krio pasobra kuminda a bira karu.

Tuma kontakto awe mes ku Kriabon òf pasa un ratu na Kaminda Jato Bako pa hasi bo reservashon i sigurá bo ròl di waya pa kabritu. Bo por yama tambe na 717-5846 òf manda un email na management@kriabon.com.

Na nòmber di direktiva di Kriabon

FUENTE: REGINALD (YONCHI) DORTALINA NA NÒMBER DI DIREKTIVA DI KRIABON/LIVE99FM