BIAHE DI ESTUDIO NA HULANDA PA HAVO 4 I VWO 5 FOR DI LISEO BONERIANO

Kralendijk,- For di djasabra, 21 di mart te ku djaweps, 2 di aprel, alumnonan di Havo 4 i Vwo 5 di Liseo Boneriano (Scholengemeenschap Bonaire) ta riba un biahe di estudio na Hulanda.

E biahe akí ta enfoká riba independensia, orientashon di estudio, i introdukshon kultural. Durante nan estadia, e alumnonan ta keda den bungalow, kaminda nan ta responsabel pa kushiná i hasi trabounan di kas nan mes.

Pa medio di esaki, nan ta haña eksperensia balioso den biba independiente i traha huntu. Un parti importante di e biahe ta eksplorá mas estudio. Alumnonan di Havo ta bishitá shete diferente programa di HBO plamá rònt Hulanda, miéntras alumnonan di Vwo lo sera konosí ku vários universidat.

Ademas, un bishita na e dia habrí di Universidat di Siensia Apliká Arnhem i Nijmegen (HAN) ta riba e programa. Na vários instituto di enseñansa, e alumnonan lo topa tambe ku èks alumnonan di Liseo Boneriano.

Nan ta kompartí nan eksperensianan studiando i bibando na Hulanda, i ta duna informashon práktiko riba tópikonan entre otro bibienda, finansa di estudio, i kustumbrá na un klima nobo. Banda di e programa edukativo, tin espasio pa eksperensiá kultura hulandes. Dor di bishitá siudatnan, institutonan edukativo, i partisipando den aktividatnan manera skate riba ijs, e alumnonan ta haña un bon komprenshon di e bida diario na Hulanda. E biahe di estudio a bira posibel parsialmente dor di un kombinashon di kontribushon di mayornan, aktividatnan pa rekoudá fondo dor di e alumnonan mes, SGB i OCW, i sosten di spònsernan, entre otro Ennia i FWNB. Ku e biahe akí, e alumnonan ta haña un oportunidat balioso pa prepará pa nan futuro, tantu personalmente komo akadémikamente.

FUENTE: LISEO BONERIANO SGB/LIVE99FM

STUDIEREIS NAAR NEDERLAND VOOR HAVO 4 EN VWO 5 VAN LISEO BONERIANO

Kralendijk,- Van zaterdag 21 maart tot en met donderdag 2 april zijn leerlingen van Havo 4 en Vwo 5 van Liseo Boneriano (Scholengemeenschap Bonaire) op studiereis naar Nederland.

Deze reis staat in het teken van zelfstandigheid, studieoriëntatie en culturele kennismaking. Tijdens hun verblijf overnachten de leerlingen in bungalows, waar zij zelf verantwoordelijk zijn voor het koken en het uitvoeren van huishoudelijke taken.

Hiermee doen zij waardevolle ervaring op in zelfstandig wonen en samenwerken. Een belangrijk onderdeel van de reis is de oriëntatie op vervolgstudies.

Havo-leerlingen bezoeken verspreid over Nederland zeven verschillende hbo-opleidingen, terwijl vwo leerlingen kennismaken met diverse universiteiten. Daarnaast staat een bezoek aan de open dag van de Hogeschool van Arnhem en Nijmegen (HAN) op het programma.

Op verschillende onderwijsinstellingen ontmoeten de leerlingen ook oud-leerlingen van Liseo Boneriano.

Zij delen hun ervaringen over studeren en wonen in Nederland, en geven praktische informatie over onder andere huisvesting, studiefinanciering en het wennen aan een nieuw klimaat. Naast het educatieve programma is er ruimte om de Nederlandse cultuur te ervaren.

Door het bezoeken van steden, onderwijsinstellingen en activiteiten zoals schaatsen krijgen de leerlingen een goed beeld van het dagelijks leven in Nederland.

De studiereis is mede mogelijk gemaakt door een combinatie van ouderbijdragen, fondsenwervende activiteiten van de leerlingen zelf, SGB en OCW en steun van sponsoren, waaronder Ennia Verzekeringen en FWNB.

Met deze reis krijgen de leerlingen een waardevolle kans om zich voor te bereiden op hun toekomst, zowel op persoonlijk als op studievlak.