LAMENTABLEMENTE E PLAN DI BELASTEN 2025 TA KONTINUÁ GEWOON.

Kralendijk,- Empresarionan lo bira e víktima pero tambe esnan di entrada medio, miéntras ku forsa di kompra lo bai atras.

Pa klaridat pa tur hende. Díalogo Sentral ta un órgano di konsulta lokal di dunadónan di trabou, sindikatonan afiliá na USIBO, gobièrnu lokal i Kámara di Komersio bou di presidensia di gezaghèber. Esaki ku e meta pa medio di konsenso kontribuí na un Boneiru sosialmente, ekonómikamente i ekológikamente duradero. Diálogo Sentral no ta aktua na lugá di e entidatnan individual òf na nómber di gobiernu di Ulanda.

Dálogo Sentral ta desepshoná den e último desaroyo ku e Plan di Belasting BES lo kontinuá tòg den e mesun forma ku anteriormente a proponé pa Ministerio di Finansa. E diálogo Sentral i e instansianan públiko a papia kontra di e proyekto di lei aki, pasobra no a studia sufisientemente e. E proyekto di lei tambe ta afektá tantu empresarionan komo esnan di entrada mediano i ku empresarionan chikí en partikular ta e víktimanan. Awor ku a oumentá e salario mínimo signifikantemente na 2024, e Diálogo Sentral a pidi repetidamente pa no introdusí otro medidanan, ku ta oumentá e peso finansiero tanten ku e impakto di e oumento aki no ta sufisiente konosí riba e forsa di kompra i ekonomia.

Debí na tur e desaroyonan rondó di e proyekto di lei aki den e último simannan, Diálogo Sentral ta pone un biaha mas e echonan riba un rei pa tur hende komprondé.

Proposishon original: Plan di Impuesto BES 2025

Ministerio di Finansa a bin ku un proposishon pa Lei di Belasting BES 2025. Un parti positivo di e proposishon aki ta pa konektá e salario mínimo ku e montante liber di belasting for di awor padilanti, di manera ku personanan ku un entrada mínimo no mester paga impuesto riba e salario minimo. Komo ku igualashon ta kosta plaka, komo ku ta risibí ménos belasting si oumentá e montante liber di belasting, e ministerio a buska kubrimentu pa e gastunan aki. E kobertura aki a hana parsialmente den oumento di e impuesto riba rendimentu, impjuedsto riba inmobil i e impuesto riba dividendo i den krea baha e plafòn di e di dos sgeif di belasten te na 75 mil bruto pa aña en bes di 325 mil.

Diálogo Sentral ta haña lamentabel i desepshonante ku no tabatin sufisiente konsulta entre e islanan i e ministerio tokante otro maneranan pa kubri e gastunan aki. Tampoko a duna bista riba e sifranan korespondiente pa por kalkulá diferente alternativa. Diálogo Sentral no ta nada kontra di un oumento di impuesto riba entradanan mas haltu i un mihó repartishon di e peso. Pero si e proyekto di lei aki ta kontribuí sufisiente na esaki ta keda un pregunta. Por ehèmpel, pa tur empresario e proyekto di lei aki lo ta desventahoso, ounke nan lo mira kaba un oumento grandi den gastunan di salario na 2024 debí na e oumento di salario mínimo. Esaki partikularmente lo perhudiká empresarionan chikí. Pa un negoshi chikito ku 2 of 3 empleado riba e salario minimo, unda e doño di e negoshi tambe ta koperá y ta paga su mes un tiki mas ku e salario minimo, e Plan di Impuesto ta duna e doño aki un desbentaha di USD 50 pa USD 130 pa luna pa entradanan nèto di mas o ménos USD 2.000 pa USD 4.000 pa luna.

Diálogo Sentral a hasi vários sugerensia pa investigá solushonnan alternativo, manera un kompensashon liber di belasting relashoná ku entrada. Ta un lástima ku no a investigá esaki seriamente i ku no a hasi nada ku e sugerensia pa laga mas kompania paga mas opbrengstbelasting en bes di oumentá e impuesto riba rendimento. Aktualmente, filialnan Boneiru di kompanianan situá pafó di Hulanda Karibense no mester paga impuesto riba ganashi.

Amienda ku posponemento di partinan di e Plan di Impuesto

P’esei e Diálogo Sentral a keda aliviá ora a akseptá un amienda den kua lo a posponé partinan di e plan di belasting i ku  lo mester tuma lugá promé mas konsultanan riba e medidanan i alternativanan. E splikashon di e amienda aki a bisa ku a asumí ku esaki lo no tin konsekuensia pa e vínkulo entre e salario mínimo i e toelage liber di belasting promé ku 2025, pasobra esakinan lo ta meskos na 2024 i tur dos lo oumentá ku inflashon. Ku e kordinashon nesesario pa brùg e diferensianan tékniko den e kalkulashon aki, esaki no mester tabatin ningun konsekuensia negativo pa personanan ku un entrada mínimo.

Lamentablemente, e ministerionan  a resultá di no por a solushoná esaki téknikamente, pues e inisiadónan di e amienda a sinti nan mes obligá pa drecha esaki. E siman aki, e Plan di Belasting BES 2025 lo wòrdu adoptá ainda pa e Kámara di Representantenan i probablemente lo drenta na vigor den un forma sin kambio dia 1 di yanüari 2025.

Yamada pa konsulta konstruktivo

Diálogo Sentral ta positivo tokante e esfuersonan di un kantidat di partido polítiko pa purba kambia e proyekto di lei i tuma e preokupashonnan di e islanan na serio. Gobièrnu tambe a komprometé dia 6 di desèmber pa bolbe enbolbí nos den Caribe den diskushonnan na 2025, pa monitoriá e efektonan di poder di kompra i pa drecha nan si ta nesesario. Lamentablemente, esaki no a resulta exitoso awor, pero Diálogo Sentral lo sigui traha na 2025 pa un sistema di belasting hustoku no ta perhudiká nos economia. Diálogo Sentral un biaha mas ta yama tur ministerio pa wak e maneho pa Hulanda Karibense na un manera mas konhunto i integral i pa drenta den muchu mas diálogo ku e islanan pa un aserkamentu struktural.

FUENTE: DIÁLOGO SENTRAL/LIVE99FM