BONAIRE INTERNATIONAL ART & TALENT ACADEMY (BIATA), A SER KREÁ KU E META PA YUDA MUCHA I HÓBENNAN DESKUBRÍ, DESAROYÁ NAN ABILIDAT, TALENTO I PASHON.

Kralendijk,- Esaki pa medio di guía profeshonal atrabes di arte, kreaktividat, ekspreshon, moda i beyesa. Stimulá e mucha/hóben yudando e konosé su mes i yegá na un mihó vershon di su mes.

Pa na momentu ku e mucha/hóben ta bon ekipá, e por ser suidadano ehemplar ku porta lider i duna bèk na komunidat. Atrabes di e servisio aki mucha i hóben ta haña oportunidat pa rekreá i partisipá na un evento sosial i kultural.

E aña aki pa prome bes BIATA a organisá Mini & Miss Pre-Teen Bonaire, kual ta un sertamen di beyesa infantil pa mucha entre 7 pa 13 aña di edat. Kreá pa deskubrí i nutri talento di mucha muhé boneriano for di edat yòn. Kaminda ta prepará nan pa representá Boneiru riba plataforma internashonal. Atrabes di esaki, nos ke enfoká no solamente riba beyesa físiko, pero tambe desaroyá karàkter, konfiansa i abilidatnan di liderazgo den e partisipantenan.

E enfoke ta riba guía nan for di edat trempan, stimulando nan kresementu personal i profeshonal, pa keda prepara nan mes pa bira reina di beyesa ku por reflektá ku orguyo e kultura i balornan boneriano.

Djadumingu 15 december tabata kulminashon di e sertamen aki, unda den e tema Barbie anochi a habri ku un opening: 7 kandidata kompaña pa grupo di baile i tambe 18 modelonan di e proyekto Akademia di Transformashon.

I-Shilah Benitah a fungi komo maestro di seremonia.

Anochi a sigi ku presentashon di introdukshon i tambe trahe di baño sigí pa trahe di gala. Durante show time, nos modelonan a desfila den trahe di kasnan di moda Aimee Kids Fashion i tambe Chez Claudette.

Na final, tur 18 modelo a risibí nan medaya di partisipashon na 3 luna di e kurso di mundu di beyesa, i huradonan a saka resultado di Mini & Preteen Bonaire:

Mini Miss Bonaire

                •              Aria Peiliker

                •              Mini Miss Elegansia

                •              Mini Miss Discipline

                •              Mini Miss Pasarela

                •              Faith Alonzo Mosquea

                •              Mini Miss Charm Bonaire

                •              Mini Miss Best Speech

                •              Mini Miss Personality

                •              Mini Miss Empowerment

                •              Raeesha Sint Jago

                •              Mini Miss Tourism Bonaire

                •              Mini Miss Dynamic

                •              Mini Miss Best Evening Gown

                •              Best Supportive Parent Award

                •              Mini Miss Fotogenika

                •              Jeady-Ann Mercera

                •              Mini Miss Princess Bonaire

                •              Mini Miss Congeniality

Miss Preteen Bonaire

                •              Kei’anna Nieuwkerk

                •              Miss Preteen Best Speech

                •              Miss Preteen Personality

                •              Miss Preteen Best Evening Gown

                •              Joviëlly Morillo

                •              Miss Preteen Charm Bonaire

                •              Miss Preteen Elegansia

                •              Miss Preteen Pasarela

                •              Miss Preteen Discipline

                •              Jurnaishelly Martis

                •              Miss Preteen Tourism Bonaire

                •              Miss Preteen Empowerment

                •              Miss Preteen Fotogenika

Fundashon BIATA ta mira bèk riba un otro proyekto mas edukativo i inovativo eksitoso tras di lomba i ya kaba ta trahando duru pa nos 6 reinan representa Boneiru na aña 2025 na Colombia i Punta Cana.

Den mes rosea kier a yama danki na nos sponsornan ku a kere den nos:

                •              Opourier Photography

                •              Delfins Beach Resort

                •              Boneriaanse Wegenbouw Maatschappij

                •              Wimpy Saragoza

                •              NOSTV Bonaire

FUENTE: BIATA/LIVE99FM