A TENE TRES(3) ENTRADA HUDISIAL NA TRES(3) DIFERENTE ADRÈS DEN E BARIO DI NIKIBOKO

Aksidente entre outo i skuter

Djadumingu 15 di desèmber, alrededor di 6.45 or di atardi, ‘meldkamer’ sentral a risibí notifikashon tokante un aksidente entre dos vehíkulo riba Kaya Industria. Na yegada di polis a resultá ku un outo, ku a subi kaya for di un sitio di stashoná, a dal den un skuter. E shofùr di e outo a deklará ku un otro vehíkulo a dun’é chèns pa subi kaya pero e no a mira e skuter ku tabata aserkando, debí ku esaki no tabatin lus visibel. E shofùr di e skuter a haña raskunan na su kurpa i personal di ambulans a dun’é tratamentu na e sitio mes. E no mester a bai hòspital. Durante di kòntròl a resultá ku dokumentunan di ámbos shofùr tabata na òrdu.

KPCN ta atvertí doñonan di bestia

Djadumingu 15 di desèmber, polis a risibí notifikashon tokante un kachó ku a venená i a fayesé. Despues di investigashon a resultá ku na vários sitio den e área di Lagun, deskonosínan a pone kuminda di kachó mesklá ku e pestisida ilegal “Tres Pasitos”.

Kuerpo Polisial Hulanda Karibense(KPCN) ta atvertí doñonan di bestia pa ta alerta pa ku e fenómeno aki. Paga bon tinu pa nan no kue òf kome nada for di suela den e área menshoná. Ademas ta pidi un i tur ku tin mas informashon tokante e ponementu di venenu aki pa tuma kontakto ku polis na 715 8000 òf via di e liña di tep anónimo 9310.

Atrako ku violensia

Djadumingu 15 di desèmber, alrededor di 4 or di mardugá, ‘meldkamer’ sentral a risibí notifikashon tokante un kaso di atrako ku violensia severo ku a tuma lugá na altura di un bankomátiko riba Kaya Monseigneur Nieuwindt. Algun ratu despues, a detené dos persona en konekshon ku e kaso aki. Ta trata di dos hende hòmber di inisial R.R.A.F. di 25 aña di edat i J.R.V. di 26 aña di edat.

En konekshon ku e investigashon, a tene un entrada hudisial na kas di un di e sospechosonan den bario Nawati. Na e adrès a konfiská diferente artíkulo relevante pa investigashon.

Polis ta pidi un i tur ku tin informashon ku por ta relevante pa e investigashon pa mèldu esaki via 715 8000 òf e liña di tep anónimo 9310.

Detenshonnan pa manehá bou di influensia

Djasabra 14 di desèmber, alrededor di 10 or di anochi, ‘meldkamer’ sentral a risibí notifikashon tokante un aksidente entre dos vehíkulo riba Kaya Korona. Durante kòntròl riba dokumentunan di ámbos shofùr a resultá ku un di nan no tabatin reibeweis ni dokumentunan di seguro bálido. E shofùr a haña un but pa esaki. Durante kombersashon ku e shofùr aki e agentenan a tuma nota ku e tabata mustra diferente karakterístika di un persona ku ta bou di influensia di alkohòl. A hasi un tèst di supla kuné i a resultá ku el a konsumí mas alkohòl ku ta permití ora ta manehá un vehíkulo. A detené e hòmber di inisial W.A.R. di 44 aña di edat i a hib’é warda di polis pa un análisis di rosea.

Djabièrnè 13 di desèmber, alrededor di 9.55 or di anochi, un aksidente entre un pikòp i un outo a tuma lugá riba Kaya Korona. Konforme e maneho ‘botsen is blazen’, a hasi un tèst di supla ku ámbos shofùr di kua a detené ámbos pa manehá bou di influensia di alkohòl. A hiba un hòmber di inisial K.A.J.A. di 54 aña di edat i un hòmber di inisial J.M.C.V. warda di polis pa un análisis di rosea. A konsekuensia di e resultado di esaki, e sospechoso di inisial K.A.J.A. a haña un prohibishon pa manehá di 5 ora i e resultado a konfirmá ku e sospechoso di inisial J.M.C.V. a konsumí alkohòl, pero no riba e kantidat di alkohòl legalmente permití ku ​​un shofùr por konsumí.

Djabièrnè 13 di desèmber, alrededor di 5 or di atardi, meldkamer’ sentral a risibí notifikashon tokante un aksidente entre dos pikòp riba Kaminda Turístiko. Despues a drenta notifikashon ku e partidonan enbolbí tabata den diskushon ku otro. Na yegada di polis, konforme e maneho ‘botsen is blazen’, a hasi un tèst di supla ku ámbos shofùr. For di esaki a resultá ku un di nan a konsumí mas alkohòl ku ta permití ora ta manehá un vehíkulo. A detené un hòmber di inisial G.C.H. di 53 aña di edat i a bai kuné warda di polis pa un análisis di rosea. A konsekuensia di e resultado di esaki a konfiská su reibeweis.

Ladronisia di outo ku detenshon

Den oranan trempan di anochi riba djabièrnè 13 di desèmber, ‘meldkamer’ sentral a risibí notifikashon ku a hòrta un outo na Kaya Prinses Marie. Ta trata di un Hyundai Grand i10 koló pretu ku plachi di number B-16998. E outo ku no tabata na lòk, tabata stashoná dilanti di un diskotèk riba e kaya menshoná, ku yabi den dje. Na momentu ku e doño a regresá, e no a haña su outo kaminda ku el a lag’é. Riba kaminda pa bai entregá un keho na warda di polis, el a mira su vehíkulo ku dos okupante den dje. El a sigui e outo i a yama polis. Riba Kaya Isla Ariba e sospechoso a stashoná e outo di kua e doño a blòkia esaki miéntras ku e tabata warda riba polis. Un pasahero femenino a baha mesora for di e outo i a kore bai, pero e doño a logra tene e shofùr maskulino. Esaki a kondusí na un konfrontashon físiko. E doño finalmente a logra tene e sospechoso te ora ku polis a yega. A detené e hòmber di inisial C.L.B.S. di 26 aña di edat pa ladronisia di vehíkulo, investigashon den e kaso ta kontinuá.

Ladronisia di skuter

Djabièrnè 13 di desèmber a drenta keho di ladronisia di un skuter di e marka Kymco, modèl Agility ku plachi di number MF-3958. Entre 1 or di mèrdia i 4 or di atardi riba e fecha menshoná, deskonosínan a bai ku e skuter. E skuter tabata stashoná dilanti di un skol básiko na Kaya Mississippi. Ta investigando e kaso.

Entradanan hudisial

Djaweps 12 di desèmber, den oranan trempan di mainta a tene entradanan hudisial na tres(3) diferente adrès den e bario di Nikiboko. E entradanan hudisial tabata den kuadro di e investigashon relashoná ku kasonan di tiroteo di último tempu. No tabatin detenshon. Investigashon den e kasonan ta kontinuá.

Bo a mira algu sospechoso? Yama 717 8000 òf e liña di tep anónimo 9310.

FUENTE: KPCN/LIVE99FM

NEDERLANDS:

POLITIEBERICHTEN VAN VRIJDAG 13 DECEMBER TOT EN MET MAANDAG 16 DECEMBER 2024

Aanrijding tussen auto en scooter

Op zondag 15 december, rond 18:45 uur, kreeg de centrale meldkamer melding over een aanrijding tussen twee voertuigen op de Kaya Industria. Bij aankomst van de politie bleek dat een auto, die vanuit een parkeerplaats de weg op reed, tegen een scooter botste. De bestuurder van de auto verklaarde dat zij door een andere voertuig de kans kreeg om de weg op te rijden maar zag de scooter niet aankomen, omdat er geen verlichting zichtbaar was. De scooterbestuurder liep schaafwonden op en werd ter plaatse door het ambulancepersoneel behandeld. Hij hoefde niet mee naar het ziekenhuis. Tijdens de controle bleken de documenten van beide bestuurders in orde te zijn.

KPCN waarschuwt diereneigenaren

Op zondag 15 december kreeg de politie melding van een hond die vergiftigd en overleden was. Bij nader onderzoek bleek dat op meerdere plekken in het omgeving van Lagoen, hondenvoer door onbekenden was neergezet, gemengd met het illegale bestrijdingsmiddel “Tres Pasitos”.

Het Korps Politie Caribisch Nederland (KPCN) waarschuwt diereneigenaren om alert te zijn op dit fenomeen. Let goed op dat er niets van de grond opgeraapt of opgegeten wordt. Daarnaast wordt iedereen verzocht die meer informatie heeft over het plaatsen van gif contact op te nemen met de politie via 715 8000 of via de anonieme tip lijn 9310.

Overval met geweld

Op zondag 15 december, rond 04:00 uur, kreeg de centrale meldkamer melding over een overval met zwaar geweld die bij een geldautomaat aan de Kaya Monseigneur Nieuwindt had plaatsgevonden. Kort daarna werden twee personen aangehouden in verband met deze zaak. Het betreft twee mannen met de initialen R.R.A.F. van 25 jaar en J.R.V. van 26 jaar.

In het kader van het onderzoek vond een huiszoeking plaats in de wijk Nawati bij de woning van een van de verdachten. Bij het adres zijn verschillende artikelen die relevant zijn voor het onderzoek in beslag genomen.

De politie vraagt ​​iedereen die informatie heeft die relevant kan zijn voor het onderzoek, om dit te melden via 715 8000 of de anonieme tip lijn 9310.

Aanhoudingen rijden onder invloed

Op zaterdag 14 december, rond 22:00 uur, kreeg de centrale meldkamer melding over een aanrijding tussen twee voertuigen op de Kaya Korona. Bij controle van de documenten van beide bestuurders bleek dat één van hen niet in het bezit was van een rijbewijs en ook geen geldige verzekeringsdocumenten. Deze bestuurder kreeg hiervoor een proces-verbaal. Tijdens het gesprek met deze bestuurder merkten de agenten dat hij verschillende kenmerken vertoonde van iemand die onder invloed van alcohol is. Er werd een blaastest afgenomen waaruit bleek dat hij meer dan de toegestane hoeveelheid alcohol had genuttigd. Een 44-jarige man met initialen W.A.R. werd aangehouden en naar het politiebureau gebracht.

Op vrijdag 13 december, rond 21:55 uur, vond een aanrijding tussen een pick-up en een auto plaats op de Kaya Korona. Volgens het ‘botsen is blazen’ beleid werd er een blaastest bij beide bestuurders afgenomen waardoor beiden werden aangehouden voor het rijden onder invloed van alcohol. Een 54-jarige man met initialen K.A.J.A. en een 43-jarige man met initialen J.M.C.V. werden naar het politiebureau gebracht voor een ademanalyse. Naar aanleiding van het resultaat hiervan kreeg de verdachte met initialen K.A.J.A. een rijverbod van 5 uur en het resultaat bevestigde dat de verdachte met initialen J.M.C.V. alcohol had gedronken, maar niet boven de wettelijke toegestane hoeveelheid alcohol dat een bestuurder mag nuttigen.

Op vrijdag 13 december, rond 17:00 uur, kreeg de centrale meldkamer melding over een aanrijding tussen twee pick-ups op de ‘Queens Highway’, ook wel Toeristenweg genoemd. Daarna kwam een melding binnen dat de betrokkenen in discussie met elkaar waren. Bij aankomst van de politie werd, conform het ‘botsen is blazen’ beleid, bij beide bestuurders een blaastest afgenomen. Hieruit bleek dat één van hen meer dan de toegestane hoeveelheid alcohol had genuttigd. Een 53-jarige man met initialen G.C.H. werd aangehouden en naar het politiebureau gebracht voor een ademanalyse. Naar aanleiding van het resultaat hiervan werd zijn rijbewijs ingevorderd.

Diefstal auto met aanhouding

In de vroege avonduren op vrijdag 13 december, kreeg de centrale meldkamer melding over een auto die gestolen was aan de Kaya Prinses Marie. Het betreft een zwarte Hyundai Grand i10 met kentekenplaat B-16998. De auto, die niet op slot was, stond met de sleutels erin voor een club op de genoemde straat. Toen de eigenaar terugkeerde, was zijn auto niet waar hij deze achter liet. Onderweg naar het politiebureau om aangifte te doen, zag hij zijn voertuig met twee inzittenden. Hij volgde de auto en belde de politie. Op de Kaya Isla Ariba parkeerde de verdachte de auto waar hij door de eigenaar geblokkeerd werd in afwachting van de politie. Een vrouwelijke passagier stapte direct uit de auto en rende weg, maar de mannelijke bestuurder werd door de eigenaar tegengehouden. Hierop ontstond er een fysieke confrontatie. Het lukte de eigenaar uiteindelijk de verdachte vast te houden totdat de politie arriveerde. Een 26-jarige man met initialen C.L.B.S. werd aangehouden voor diefstal van een motorrijtuig. Onderzoek in de zaak loopt.

Diefstal scooter

Op vrijdag 13 december werd aangifte gedaan van diefstal van een scooter van het merk Kymco, model Agility met kentekenplaat MF-3958. Tussen 13:00 uur en 16:00 uur op de genoemde datum hebben onbekenden de scooter meegenomen. De scooter stond voor een basisschool aan de Kaya Mississipi, geparkeerd. De zaak wordt onderzocht.

Huiszoekingen

In de vroege ochtenduren op donderdag 12 december, werden huiszoekingen bij drie (3) verschillende adressen in de wijk Nikiboko gehouden. De huiszoekingen vonden plaats in het kader van het onderzoek naar recente schietincidenten. Er waren geen aanhoudingen. Onderzoek naar de zaken loopt.

Heeft u iets verdachts gezien? Bel 911 of 717 8000 of de anonieme tip lijn 9310.