PETISHON PA ASISTENSIA TA APROBÁ

 

Kralendijk,- E kandela ku a surgi dia 5 di novèmber, pa un gran parti a kaba kima. Te ainda tin kestion di desaroyo di huma. E personanan ku ta biba den bisindario direkto, por lo pronto ta keda den evakuashon pa motibu di molèster di huma.

Investigashon ku RIVM a hasi den pasado ta mustra ku pafó di un rayo di 1 kilometer for di e kandela, normalmente no ta midi supstansia dañino. Tòg hende ku ta biba den e áreanan rònt di lèntfel, te ainda por eksperensiá molèster di e holó iritante di huma i presensia di partíkulanan chikitu den aire, na hulandes konosí komo ‘fijnstof’. Esaki ta konta prinsipalmente pa hende ku keho di via respiratorio (nanishi, garganta, pulmon) òf malesa kardiovaskular (kurason, preshon haltu).

E produkshon di huma lo sigui bira ménos, pa motibu ku tur e material inflamabel ku a sobra a kima bai i ku tera ta tapando e material ku ainda ta kimando pokopoko. Awor ku e desaroyo di huma ta birando ménos, ta posibel atrobe pa ventilá den kas. Sinembargo, si ainda bo ta ripará holó di huma den bo bisindario, bo tin ku warda ku ventilashon te ora e holó a disparsé.

Sosten ku midimentu

Gobièrnu di Reino a aprobá e petishon pa asistensia serka e Servisio di Aksidente Ambiental (Milieu Ongevallen Dienst – MOD) pa ehekushon di midimentu. Den konsulta ku departamento di Salubridat Públiko ta trahando riba kon pa duna kontenido na e plan di investigashon. Na e momentu akí ta wardando riba aprobashon formal di e plan akí.

Pa mas informashon i kontesta riba e preguntanan ku hende ta hasi mas tantu biaha, bo por akudí riba www.bonairecrisis.com.   

FUENTE:OLB/LIVE99FM

NEDERLANDS:

AANVRAAG VOOR BIJSTAND GOEDGEKEURD

Kralendijk,- De brand die op 5 november is ontstaan, is grotendeels uitgebrand. Er is nog sprake van rookontwikkeling. De direct omwonenden blijven voorlopig geëvacueerd vanwege de rookoverlast. 

Onderzoek van het RIVM uit het verleden toont aan dat buiten een straal van 1 kilometer van de brand doorgaans geen schadelijke stoffen worden gemeten. Toch kunnen mensen in de omliggende gebieden nog steeds hinder ondervinden van de prikkelende rooklucht en de aanwezigheid van fijnstof. Dit geldt vooral voor mensen met luchtwegklachten of hart- en vaatziekten. 

De rookproductie zal verder afnemen doordat al het resterende brandbare materiaal is weggebrand en het smeulende materiaal wordt afgedekt met zand. Nu de rookontwikkeling vermindert, is het weer mogelijk om binnen te ventileren. Merk je echter nog rookgeur op in jouw omgeving, wacht dan met ventileren totdat de geur verdwenen is. 

Ondersteuning bij metingen 

De aanvraag voor bijstand aan de Milieu Ongevallen Dienst (MOD) van het RIVM voor het uitvoeren van metingen is goedgekeurd door de Rijksoverheid. In overleg met de afdeling publieke gezondheid wordt gewerkt aan de invulling van het onderzoeksplan. De formele goedkeuring van dit plan wordt momenteel afgewacht.   

Volg het nieuws via officiële kanalen. Voor meer informatie en antwoorden op veelgestelde vragen kunt u terecht op www.bonairecrisis.com.