CITRO BONEIRU PRESENTE NA E EVENTO “SWIM TO KLEIN BONAIRE”.

Kralendijk,- CITRO Boneiru tin awor un aña i mei di eksistencia, i tur esaki danki na KNRM (Koninklijke Nederlandse Redding Maatschappij) , a desaroyá bon pa salba bida na laman i riba kosta di Boneiru.

E promé mishon di CITRO Boneiru ta un realidat. Riba djadumingu 6 di Oktober, CITRO Boneiru tabata presente preventivo na e evento “Swim to Klein Bonaire”.

Kada aña, Jong Bonaire ta organisá e evento aki, na unda tur hende di tur edat por partisipá den e swim ku ta kuminsá na Eden Beach i kaba na Klein Bonaire, un distansia di mas o ménos 800 meter.

Komo kad’año tin partisipante di diferente edat, e evento aki ta bin ku sierto riesgo Kune. Supervisón durante e evento ta esensial, pasobra un incidente por pasa na kualke momento.

Sostené CITRO Boneiru Tin diferente manera pa bo por yudá. Si bo ke duna un donashon via nos website òf bo ke bira voluntario, tur yudansa ta bon bini! Huntu nos por hasi un diferencia grandi, awor i den futuro, pasobra kada bida ta kontá! Pa mas informashon, por bishitá nos website i redes sosial.

FUENTE:CITRO BONAIRE/LIVE99FM