DT&H TA KONTROLÁ STÈNT DI KUMINDA DURANTE FESTIVAL DI REGATA

Kralendijk –Direktorado di Supervishon i Mantenshon di Lei (DT&H), manera kustumber, a duna informashon importante na tur doño di stènt ku ta bende kuminda, promé ku Festival di Regata. E seshon informativo a tuma lugá dia 9 di òktober na SKAL. Funshonarionan di Departamento di Komunidat i Kuido a splika e doñonan di stènt e reglanan pa prepará i atendé ku kuminda na un manera seif.

Durante e kontròlnan a konstatá ku mayoria stènt di kuminda tabata na òrdu. Algun stènt a risibí instrukshon riba algun punto relashoná ku higiena ku mester a mehorá. Un establesimentu di hóreka den e área di festival mester a sera pa motibu di higiena. DT&H lo sigui ku kontròlnan riguroso durante Regatta.

DT&H ta pidi tur doño di stènt pa kumpli ku e reglanan di higiena i siguridat di kuminda. Asina nos por yuda salbaguardiá salubridat públiko i gosa di un siman di Regata mas seif ku ta posibel.

FUENTE: OLB/LIVE99FM

NEDERLAND:

DT&H CONTROLEERT EETKRAAMPJES TIJDENS REGATTA FESTIVAL

Kralendijk – De Directie Toezicht en Handhaving heeft zoals gebruikelijk belangrijke informatie verstrekt aan alle eigenaren van kraampjes waar eten verkocht wordt, voordat de Regatta Festival van start ging. De informatiesessie heeft op 9 oktober plaatsgevonden bij de SKAL. Medewerkers van de Afdeling Samenleving en Zorg heeft de regels voor het veilig bereiden en omgaan met eten uitgelegd aan de kraampjeseigenaren.

Tijdens de controles bleek dat de meeste eetkraampjes in orde waren. Een aantal kraampjes kreeg instructies, omdat sommige punten over hygiëne beter moesten. Eén horecagelegenheid op het festivalterrein moest sluiten vanwege de hygiëne. DT&H blijft tijdens Regatta streng controleren.

DT&H vraagt aan alle eigenaren van eetkraampjes om zich te houden aan de regels met betrekking tot hygiëne en voedselveiligheid. Op die manier kunnen wij de publieke gezondheid helpen waarborgen en genieten van een zo veilig mogelijke Regatta-week.