BONAIRE TA DOS SIMAN DEN UN SITUASHON KU POR KLASIFIKÁ KOMO UN GUERA PA PODER ANSHÁ PA YEGA NA POSISHON, PRESTIGIO, PLAKA I PODER.

 Kralendijk,- Ningun kaminda bo no ta mira ni tende ku ta kuestioná aktitut di e frakshonnan ku a forma un koalishon.

Tin solamente formashon pa mas poder i haragan pa posishon. Anshá pa bisa ku tin problemanan ku no por warda. Bo ta kere un kolegio Ehekutivo awor si den un par di luna por solushoná nan. Ta ple sabí bira importante, lusi hasi interesante sin a presta nada.

Mi pensamentu ta basá riba reformashon di e sistema kon manehá Bonaire. Ta tende i lesa ku formashon di un koalishon nobo a frakasá. Si UPB i MPB ta serio i ta kere ku di bèrdat, manera señora Craane a bisa ku mester di profeshonal pa reformá henter nos situashon finansiero, ta mas ku klaro ku no por tin M21 den un koalishon nobo.

Konsehal Serberie a kita sosten for di su partido, pero M21 no a kibra ku e akuerdo ku DP. M21 ta mustra di no ta konfiabel i MPB mester sa kon konfiabel lider di M21 ta. Un koalishon ku M21 ta nifiká morto di MPB, kisas ta meta di M21 ku tin renkor ku no a buska drecha di e miembro, awor lider di M21, tempu di su malesa.

Laga MPB bolbe bisa ku e lider ta gaña meskos ku sr Vrolijk ku no ta kumpli ku su palabra di subi para blou si e koalishon no ta funshoná. E odio, vengansa i arogansia di M21 i frakshon Vrolijk ta visibel den e formashon aki. Ta lógiko ku UPB  a pone bon kla ku no ta traha ku M21 pa motibu di no ta konfiabel meskos ku VVD i D’66 a bisa ku no ta traha ku PVV i VVD a bisa no ta forma ku GL-PVDA.

Den e situashon aktual ningun hende ku sa un tiki di istoria di polítika i funshonamentu di maneho di Bonaire no por aseptá ku un partido ta sostené e Kolegio Ehekutivo pero ta trahando riba un otro koalishon. Esaki ta traishon.

FUENTE: ARTHUR SEALY