A DETENÉ HÒMBER DI INISIAL R.D.C. DI 53 AÑA DI EDAT PA MALTRATO KU UN ARMA.

Bringamentu ku herido i detenshon

Djaluna 12 di yanüari, alrededor di 2 or di mardugá, ‘meldkamer’ sentral a risibí notifikashon tokante un bringamentu entre un grupo di persona na un establesimentu di hóreka na Kaya Nikiboko Nort. Na yegada di polis a topa ku un grupo grandi di hende pafó dilanti entrada di e establesimentu.

A pidi asistensia di ambulans tambe, pa motibu ku dos persona a resultá heridá ku machete durante e bringamentu. A transportá ámbos víktima pa hòspital pa tratamentu médiko. A detené un hòmber di inisial R.D.C. di 53 aña di edat na e sitio pa maltrato ku un arma. A listra vehíkulo di e sospechoso di kua a haña i konfiská e machete usá.

Aksidente entre bròmer i outo

Djadumingu 11 di yanüari, alrededor di 7.25 or di anochi, ‘meldkamer’ sentral a risibí notifikashon tokante un aksidente riba Kaya Korona. Na yegada di polis a topa ku un bròmer ku daño signifikante bentá riba kaya.

A resultá ku ta trata di un aksidente entre un bròmer i un outo. E outo a lora dilanti di e bròmer pa drenta Kaya Isabella, di kua e bròmer a dal den e outo. A konsekuensia di e impakto, tantu e shofùr di e bròmer komo e pasahero, un mucha, a resultá heridá. A hiba ámbos víktima hòspital den un vehíkulo partikular promé ku polis a yega na e sitio.

Mas despues, personal di ambulans a presentá na e sitio i a duna asistensia médiko na pasahero di e outo. No mester a transport’é pa hòspital. Konforme e maneho di ‘botsen is blazen’, a hasi tèst di supla ku shofùr di e outo, i shofùr di e skuter na hòspital. Den tur dos kaso no tabatin señal di uso di alkohòl.

Departamentu di Tráfiko di KPCN ta enkargá ku e investigashon.

Kandela na lèntfel

Djadumingu 11 di yanüari, alrededor di 3.10 or di mardugá, ‘meldkamer’ sentral a risibí notifikashon tokante un kandela na lèntfel na Kaminda Lagun. Na yegada di polis i brantwer a konfirmá ku en bèrdat tabatin un kandela riba e tereno. Na entrada di lèntfel por a komprondé ku un èkskavetor (excavator) ya tabata tapa e kandela ku tera.

Detenshon pa destrukshon

Djadumingu 11 di yanüari, alrededor di 01.40 or di mardugá, a detené un hòmber di inisial J.M. di 31 aña di edat na Kaya Amsterdam pa destrukshon. E detenshon a tuma lugá despues ku ‘meldkamer’ sentral a risibí notifikashon tokante un hòmber deskonosí ku tabata bula dilanti di vehíkulonan ku tabata pasa. Poko despues a drenta notifikashon ku e hòmber a tira piedra riba dos outo ku tabata pasa. Un vehíkulo a haña daño na su winshil dilanti i e otro na su banda robes. A topa ku e sospechoso den serkania na un kas i a detené.

Kòntròl planiá di tráfiko

Den oranan trempan di anochi di djasabra 10 di yanüari, a tene un kòntròl planiá di tráfiko na Kaya Nikiboko Nort. A para i kontrolá un total di dies (10) vehíkulo, di kua a duna sinku (5) but.

E butnan tabata pa e siguiente violashonnan:

2x pa manehá sin seguro bálido;

2x pa manehá sin reibeweis bálido;

1x pa no tin faha di seguridat bistí.

Djabièrnè 9 di yanüari tambe a tene un kòntròl planiá di tráfiko. E kòntròl a tuma lugá riba Kaya Korona. A para i kontrolá un total di dieskuater (14) vehíkulo, di kua a duna kuater (4) but.

E butnan tabata pa e siguiente violashonnan:

2x pa manehá sin seguro bálido;

1x pa manehá sin reibeweis bálido;

1x pa no tin faha di seguridat bistí.

Durante e kòntròl aki a konfiská un bròmer pa motibu ku e shofùr no por a mustra ningun dokumentu. E tabata manehá riba kaminda públiko sin hèlm bistí, sin reibeweis i sin seguro. Ademas el a mustra un karchi di identifikashon (sédula) kaduká. E bròmer ta keda na warda di polis te ora ku e doño por mustra tur e dokumentunan bálido nesesario.

Lo tene e kòntròlnan aki regularmente na kua lo aktua ku man duru na momentu ku shofùrnan no tin e dokumentunan na òrdu i tambe si no ta kumpli ku reglanan di tráfiko. Bo no ta kumpli ku reglanan? Bo por haña un but. E suma di un but pa e violashonnan menshoná ta varia entre $30 te ku $225

Detenshon pa manehá bou di influensia di alkohòl

Djasabra 10 di yanüari, alrededor di 2.45 or di mardugá, a detené un hòmber di inisial M.B. di 47 aña di edat riba Bulevar Gobernador N. Debrot pa manehá bou di influensia di alkohòl. Polis a par’é pa un kòntròl despues ku e tabata kore zeilu riba un skuter.  Durante e kòntròl, e sospechoso no por a mustra ningun dokumentu i tabata mustra señal di un persona ku a konsumí alkohòl, di kua a hasi un tèst di supla kuné. For di esaki a resultá ku el a supla riba e límite pèrmití pa lei. Despues di mas investigashon a konfiská reibeweis di e sospechoso. Ademas e sospechoso a haña but pa manehá sin prueba di seguro i pa no por mustra un reibeweis na momentu ku a pidi esaki.

A konfiská artíkulonan durante kòntròl di seguridat na skol

Djabièrnè 9 di yanüari, polis a konfiská vürwèrk, sigaria i seis pòchi ku tabata kontené saku ku un puiru deskonosí. A topa ku e artíkulonan aki durante un kòntròl di seguridat na un skol na Kaya Frater Odulfinus.

Alabes a haña dos laiter, dos kuchú (stanleymes) i un ‘vape’ serka algun alumno. Ta urgi mayornan pa konsientisá nan yu(nan) riba esaki i pa kontrolá kiko nan ta bai skol kuné. Polis lo aktua debidamente den kaso di infrakshon.

FUENTE: KPCN/LIVE99FM

NEDERLANDS:

POLITIEBERICHTEN VAN VRIJDAG 9 JANUARI TOT EN MET MAANDAG 12 JANUARI 2026

Vechtpartij met gewonden en aanhouding

Op maandag 12 januari, rond 02:00 uur, kreeg de centrale meldkamer melding over een vechtpartij tussen een groep personen bij een horecagelegenheid aan de Kaya Nikiboko Noord. Bij aankomst van de politie werd een grote groep mensen voor de ingang aangetroffen.

Er werd ook assistentie van de ambulance gevraagd, aangezien twee personen tijdens de worsteling gewond waren geraakt door een kapmes. Beide slachtoffers zijn naar het ziekenhuis gebracht voor medische behandeling. Ter plaatse werd een 53-jarige man met de initialen R.D.C. aangehouden voor mishandeling met een wapen. Het voertuig van de verdachte werd doorzocht, waarbij het kapmes dat gebruikt was, in beslag is genomen.

Aanrijding tussen brommer en auto

Op zondag 11 januari, rond 19:25 uur, kreeg de centrale meldkamer melding over een aanrijding op de Kaya Korona. Bij aankomst van de politie werd een brommer met aanzienlijke schade op het wegdek aangetroffen.

Het bleek te gaan om een aanrijding tussen de brommer en een auto. De auto sloeg voor de bromfiets af om de Kaya Isabella in te rijden, waardoor de brommer tegen de auto botste. Als gevolg van de botsing raakten zowel de bestuurder van de bromfiets als de passagier, een kind, gewond. Beide slachtoffers waren al met een privévoertuig naar het ziekenhuis gebracht voordat de politie ter plaatse kwam.

Later kwam het ambulancepersoneel ter plaatse om medische assistentie te verlenen aan de passagier van de auto. Zij hoefde niet naar het ziekenhuis te worden overgebracht. Conform het beleid ‘botsen is blazen’ werd een ademtest bij de bestuurder van de auto afgenomen, en bij de bestuurder van de brommer bij het ziekenhuis. In beide gevallen werd er geen alcoholgebruik vastgesteld.

De verkeersafdeling van het KPCN is belast met het onderzoek.

Brand bij vuilnisbelt

Op zondag 11 januari, rond 03:10 uur, kreeg de centrale meldkamer melding over een brand op de vuilnisbelt (landfill) aan de Kaminda Lagun. Bij aankomst van de politie en de brandweer werd bevestigd dat er inderdaad brand was op het terrein. Er kon begrepen worden bij de ingang van de vuilnisbelt dat een graafmachine al bezig was met het storten van zand om het vuur te doven.

Aanhouding voor vernieling

Op zondag 11 januari, werd rond 01:40 uur, een 31-jarige man met de initialen J.M. aangehouden aan de Kaya Amsterdam voor vernieling. De aanhouding vond plaats nadat de centrale meldkamer melding kreeg over een onbekende man die voor rijdende voertuigen sprong. Kort daarna werd gemeld dat de man twee passerende auto’s met stenen had bekogeld. Eén voertuig liep schade op aan de voorruit, het andere aan de linkerzijde. De verdachte werd in de buurt bij een woning aangetroffen en aangehouden.

Geplande verkeerscontrole

In de vroege avonduren op zaterdag 10 januari werd een geplande verkeerscontrole aan de Kaya Nikiboko Noord uitgevoerd. Er werden in totaal tien (10) voertuigen gestopt en gecontroleerd, waarbij vijf (5) bekeuringen werden uitgereikt.

De bekeuringen werden uitgeschreven voor de volgende overtredingen:

2x voor het rijden zonder geldige verzekering;

2x voor het rijden zonder geldig rijbewijs:

1x voor het rijden zonder veiligheidsgordel aan.

Op vrijdag 9 januari werd ook een geplande verkeerscontrole uitgevoerd. De controle vond plaats op de Kaya Korona. Er werden in totaal veertien (14) voertuigen gestopt en gecontroleerd, waarbij vier (4) bekeuringen werden uitgereikt.

De bekeuringen werden uitgeschreven voor de volgende overtredingen:

2x voor het rijden zonder geldige verzekering;

1x voor het rijden zonder geldig rijbewijs:

1x voor het rijden zonder veiligheidsgordel aan.

Tijdens deze controle werd een motorfiets in beslag genomen doordat de bestuurder geen enkel document kon tonen. Hij reed zonder helm op, zonder rijbewijs en zonder verzekering op de openbare weg reed. Tevens toonde hij ook een verlopen identiteitskaart. Deze blijf bij het politiebureau totdat de eigenaar alle benodigde geldige documenten kunnen tonen.

Er zullen regelmatig controles worden gehouden, waarbij streng wordt opgetreden wanneer bestuurders hun bescheiden niet in orde hebben of zich niet aan de verkeersregels houden. Houdt u zich niet aan de regels, dan kunt u een bekeuring krijgen. Het boetebedrag voor bovengenoemde overtredingen varieert tussen $30 en $225.

Aanhouding rijden onder invloed van alcohol

Op zaterdag 10 januari, werd rond 02:45 uur, een 47-jarige man met de initialen M.B. aangehouden op de Boulevard Gobernador N. Debrot voor het rijden onder invloed van alcohol. De politie stopte hem voor een controle nadat hij slingerend op een scooter reed. De verdachte kon tijdens de controle geen enkel document tonen en vertoonde signalen van alcoholgebruik, waarna een blaastest werd afgenomen. Hieruit bleek dat hij boven de wettelijk toegestane limiet blies. Het rijbewijs van de verdachte werd ingevorderd. Tevens kreeg de verdachte bekeuringen voor het rijden zonder verzekeringsbewijs en het niet op eerste vordering tonen van een rijbewijs.

Inbeslagname goederen bij veiligheidscontrole op school

Op vrijdag 9 januari heeft de politie vuurwerk, sigaretten en zes potjes met daarin zakjes met onbekende poeder in beslag genomen. Deze goederen werden aangetroffen tijdens een veiligheidscontrole op een school aan de Kaya Frater Odulfinus.

Daarnaast werden er twee aanstekers, twee stanleymessen en een vape gevonden bij leerlingen. Ouders worden dringend verzocht hun kinderen hierop te blijven aanspreken en te controleren wat zij meenemen naar school. De politie zal handhavend optreden bij overtredingen.