TOURISM CORPORATION BONAIRE A ORGANISÁ ‘Q2 BONAIRE TOURISM UPDATE’ PA AÑA 2025.

Kralendijk,- Tourism Corporation Bonaire (TCB) den kolaborashon ku  Bonaire International Airport (BIA), Bonaire Hotel and Tourism Association (BONHATA), Entidat Públiko Boneiru i Kapitan di Haf, dia 21 di yüli 2025 a organisá e di dos ‘Bonaire Tourism Update’ di kada tres luna pa aña 2025 na Plaza Beach & Dive Resort.

Diputado Clark Abraham a trese lo siguiente padilanti: “Entre 2017 i 2024 e kantidat di turista a subi di 128.000 pa 182.000; un kresementu di 42%, miéntras ku e kantidat di kamber disponibel a subi di 1825 pa 2950, un oumento di 62%, loke a surpasá e meta original ku 22%.

E durashon promedio di estadia tambe a mehorá: di 8,2 pa 9,8 dia. Pa aña 2025 a stipulá e presupuesto di TCB na 3 mion dòler, ku un enfoke fuerte riba e indikadónan importante di prestashon (KPI’s) manera kuantu kada turista ta gasta, e kantidat di bishitantenan stayover pa kada merkado (pa luna, pa kuartal i pa aña), e entrada promedio pa dia (ADR) i e entrada pa kada kamber disponibel (RevPar).”

Elesiër Angel, direktor di TCB, a presentá e resultadonan preliminar i a revelá ku den e di dos kuartal di aña 2025 Boneiru a yama bon biní na mas ku 45.000 bishitante stayover, kompará ku mas òf ménos 41.000 bishitante den e mesun periodo na aña 2024.

El a menshoná e merkadeo, e relashonnan públiko (PR)  i e eventonan den e di dos kuartal, entre otro e grupo kultural TCB & Friends pa Dia di Rincon, bishitanan di prensa den luna di aprel, e PAMAC Destination Summit, enkuentronan stratégiko, e prestashonnan di ‘airlift’ i e kampañanan di merkadeo pa esaki, i tambe un presentashon pa e sekretario di estado i miembronan di Tweede Kamer, banda di otro aktividatnan.

E luna akí a yama bon biní tambe na e promé buelo for di Repúblika Dominikana ku Air Century. Inisiativanan ku ta na kaminda ta e siguiente Taste of Bonaire ku ta planiá pa 9 di ougùstùs, i Boneiru ta preparando su mes tambe pa partisipashon na e DEMA Show den luna di novèmber.

“E aktualisashonnan di kada tres luna akí ta nos kompromiso ku transparensia den akshon. Nos ta trese partnernan, stakeholdernan, prensa i públiko huntu pa honestamente evaluá e tendensianan den e sektor i pa mesora atendé ku nos desafionan. E diálogo habrí akí ta krusial pa desaroyo di un strategia uniforme, ku ta sòru pa e kresementu di nos turismo na un manera duradero ta enrikesé nos isla i tur hende ku ta yama e isla akí nan kas”, segun Elesiër Angel, direktor di Tourism Corporation Bonaire.

“Den e di dos kuartal di aña 2025 Boneiru a yama bon biní na 29 barku krusero i 86.946 pasahero, entre otro e promé bishitanan di Orion (National Geographic) i Explora I (MSC Explora),” segun e kapitan di haf Günther Flanegin. “Ku loke e pasaheronan ta gasta ku ta totalisá $ 26 mion i un kontribushon adishonal di $ 2,1 mion di parti di e tripulashon, un maneho nobo di reservashon pa biahenan krusero ta keda desaroyá, basá riba un investigashon di BREA spesífikamente pa Boneiru, pa haña un ekilibrio entre e kresementu di turismo i e eksperensia di e bishitantenan. Esaki ta enserá un refinamentu di e regla di un solo barku pa dia pa brinda mas fleksibilidat a base di e kantidat di pasahero.”

“Boneiru su resultadonan den e di dos kuartal ta suprayá tantu e resiliensia komo e vulnerabilidat di nos sektor turístiko”, segun Veroesjka de Windt, direktor di BONHATA. Nos a mira resultadonan alentador – e tarifanan promedio pa dia a subi ku 11,5% i e RevPar a subi ku 13,4% kompará ku e di dos kuartal di aña 2024 – pero e kresementu akí ta prinsipalmente danki na stipulashon di preis i no a un demanda ku ta oumentando.

E grado di okupashon a subi ku solamente 1,6%, loke ta un indikashon ku e prestashonnan ta dependé mas di e oumentonan di tarifa ku di volúmen. Mirando padilanti nos ta bai haña nos konfrontá ku un inseguridat ku ta oumentando. E gastunan operashonal ta subi, e grado di okupashon di kompanianan aéreo ta bou di preshon i e demanda for di merkadonan importante, manera Merka, a kuminsá bira ménos komo konsekuensia di e instabilidat ekonómiko mas amplio. E faktornan akí ta forma un riesgo real pa e futuro kresementu.

Na BONHATA nos ta sigui hasi esfuerso pa un kolaborashon estrecho ku gobièrnu, empresanan lokal i e komunidat mas amplio pa fortifiká e base di nos ekonomia. Huntu nos ta aspirá pa yega na un modelo sostenibel di turismo – un model ku ta na bienestar di nos habitantenan, ku ta protehá nos medio ambiente i ku ta sigurá un futuro vibrante pa Boneiru.”

“Den e di dos kuartal e kantidat di pasahero na Flamingo Airport a subi ku 11,8%, pa un gran parti danki na e kresementu fuerte na American Airlines. Nos a kontinuá ku implementashon di vários mehorashon, entre otro instalashon di un sistema nobo di transporte di ekipahe den sala di salida i un fèn den sala di yegada. Aktualmente nos ta preparando pa instalashon di algun ‘security lane’ nobo i nos ta trahando huntu ku Entidat Públiko Boneiru riba outomatisashon di e proseso di impuesto di turista. Resientemente nos a firma tambe un kòntrakt importante pa konstrukshon di un parke solar riba nos lugá di stashoná outo”, segun Maarten van der Scheer, direktor di BIA.

Un danki spesial ta bai pa Plaza Beach & Dive Resort pa a spònser e sala di reunion i e Tourism After 5.

Pa mas informashon bo por manda un email na marketing@bonaireisland.com.

 

FUENTE: TCB/LIVE99FM

NEDERLANDS:

TOURISM CORPORATION BONAIRE ORGANISEERT Q2 BONAIRE TOURISM UPDATE VOOR 2025

Kralendijk,- Tourism Corporation Bonaire (TCB) heeft in samenwerking met Bonaire International Airport (BIA), Bonaire Hotel and Tourism Association (BONHATA), het Openbaar Lichaam Bonaire (OLB) en de Havenmeester (OLB) op 21 juli 2025 de tweede driemaandelijkse Bonaire Tourism Update voor 2025 georganiseerd in Plaza Beach & Dive Resort.

Gedeputeerde Clark Abraham vertelde: “Tussen 2017 en 2024 steeg het aantal toeristen van 128.000 naar 182.200; een groei van 42%, terwijl het aantal beschikbare kamers steeg van 1.825 naar 2.950, een stijging van 62% en een overschrijding van de oorspronkelijke doelstelling met 22%. De gemiddelde verblijfsduur verbeterde ook, van 8,2 naar 9,8 dagen. Voor 2025 is het budget van TCB vastgesteld op 3 miljoen, met een sterke focus op belangrijke prestatie-indicatoren (KPI’s) zoals de uitgaven per toerist, het aantal overnachtende bezoekers per markt dat maandelijks, per kwartaal en jaarlijks wordt bijgehouden, de gemiddelde dagelijkse omzet (ADR) en de omzet per beschikbare kamer (RevPar).”

Elesiër Angel, TCB-directeur, presenteerde de voorlopige resultaten en onthulde dat Bonaire in het tweede kwartaal van 2025 meer dan 45.000 overnachtende bezoekers verwelkomde, vergeleken met ongeveer 41.000 bezoekers in dezelfde periode in 2024. Ze noemde de marketing, de PR en de evenementen voor het tweede kwartaal, waaronder de culturele groep TCB & Friends voor Dia di Rincon, persbezoeken in april, de PAMAC Destination Summit, strategische bijeenkomsten, de prestaties van en de marketingcampagnes voor airlift, en ook een presentatie voor de staatssecretaris en de leden van de Tweede Kamer, naast andere activiteiten.

Deze maand werd ook de eerste vlucht vanuit de Dominicaanse Republiek met Air Century verwelkomd. Aankomende initiatieven zijn de volgende Taste of Bonaire die  voor 9 augustus gepland staat, en Bonaire bereidt zich ook voor op deelname aan de DEMA Show in november.

“Deze driemaandelijkse updates zijn een uiting van onze toewijding aan transparantie in de praktijk. We brengen partners, stakeholders, de pers en het publiek samen om trends in de sector eerlijk te beoordelen en onze uitdagingen direct aan te pakken. Deze open dialoog is cruciaal voor het ontwikkelen van een uniforme strategie, die ervoor zorgt dat de groei van het toerisme op duurzame wijze ons eiland en iedereen die het hun thuis noemt, verrijkt”, aldus Elesiër Angel, directeur van Tourism Corporation Bonaire.

“In het tweede kwartaal van 2025 heeft Bonaire 29 cruiseschepen en 86.946 passagiers verwelkomd, waaronder eerste bezoeken van de Orion (National Geographic) en Explora I (MSC Explora)”, meldde havenmeester Günther Flanegin.

“Met een totale besteding van $ 26 miljoen door passagiers en een extra bijdrage van $ 2,1 miljoen door de bemanning, wordt een nieuw boekingsbeleid voor cruises ontwikkeld, gebaseerd op een BREA-onderzoek specifiek voor Bonaire, om een evenwicht te vinden tussen de groei van het toerisme en de ervaring van de bezoekers. Dit omvat een verfijning van de regel van één schip per dag om meer flexibiliteit te bieden op basis van het aantal passagiers.”

“De resultaten van Bonaire over het tweede kwartaal onderstrepen zowel de veerkracht als de kwetsbaarheid van onze toeristische sector”, aldus Veroesjka de Windt, directeur van BONHATA. “We hebben bemoedigende resultaten gezien – de gemiddelde dagtarieven stegen met 11,5% en de RevPar met 13,4% ten opzichte van het tweede kwartaal van 2024 – maar deze groei is voornamelijk te danken aan de prijsstelling en niet aan de stijgende vraag.

De bezettingsgraad steeg met slechts 1,6%, wat erop wijst dat de prestaties eerder  afhankelijk zijn van tariefverhogingen dan van volume. Vooruitkijkend zien we ons geconfronteerd met toenemende onzekerheid. De operationele kosten stijgen, de bezettingsgraad van luchtvaartmaatschappijen staat onder druk en de vraag vanuit belangrijke markten, zoals de VS, begint af te nemen als gevolg van de bredere economische instabiliteit.

Deze factoren vormen een reëel risico voor de toekomstige groei. Bij BONHATA blijven we ons inzetten voor een nauwe samenwerking met de overheid, lokale bedrijven en de bredere gemeenschap om de basis van onze economie te versterken. Samen streven we naar een duurzaam toerismemodel – een model dat onze inwoners ten goede komt, ons milieu beschermt en een levendige toekomst voor Bonaire veiligstelt.”

“In het tweede kwartaal steeg het aantal passagiers op Flamingo Airport met 11,8%, grotendeels dankzij de sterke groei bij American Airlines. We zijn doorgegaan met het doorvoeren van verbeteringen, waaronder de installatie van nieuwe bagagebanden in de vertrekhal en een ventilator in de aankomsthal. We bereiden ons momenteel voor op de installatie van nieuwe ‘security lanes’ en werken samen met het OLB aan de automatisering van het proces voor de toeristenbelasting. We hebben onlangs ook een belangrijk contract getekend voor de aanleg van een zonnepark op de parkeerplaats”, aldus Maarten van der Scheer, directeur van BIA.

Een speciaal woord van dank gaat uit naar de Plaza Beach & Dive Resort voor het sponsoren van de vergaderzaal en de Tourism After 5.

Voor meer informatie kunt u een e-mail sturen naar marketing@bonaireisland.com.   

ENGELS:

TOURISM CORPORATION BONAIRE ORGANIZED ITS Q2 BONAIRE TOURISM UPDATE FOR 2025

Kralendijk,- Tourism Corporation Bonaire (TCB) in collaboration with Bonaire International Airport (BIA), Bonaire Hotel and Tourism Association (BONHATA), The Public Entity of Bonaire (OLB), and Harbor Master (OLB), organized the second quarterly Bonaire Tourism Update for 2025 on July 21^st, 2025, at Plaza Beach & Dive Resort.

Commissioner Clark Abraham said: “Between 2017 and 2024, tourist arrivals increased from 128,000 to 182,200; a 42% growth, while the number of available rooms rose from 1,825 to 2,950, marking a 62% increase and surpassing the original target by 22%. The average stayover time also improved, going from 8.2 to 9.8 days. For 2025, TCB’s budget is set at 3 million, with a strong focus on key performance indicators (KPIs) such as expenditure per tourist, the number of stay-over visitors per market tracked monthly, quarterly, and annually, Average Daily Revenue (ADR), and Revenue Per Available Room (RevPar).”

Elesiër Angel, CEO of TCB, presented the preliminary results, revealing that Bonaire welcomed over 45,000 stayover visitors in Q2 2025, compared to approximately 41,000 stayover visitors for the same period in 2024. She mentioned the marketing, PR, and events for Q2, which included the TCB & Friends cultural group for Dia di Rincon, press visits in April, the PAMAC Destination Summit, Strategy Meetings, Airlift performance and marketing campaigns, as well as a presentation to Staatssecretaris and Tweede Kamer leden, among other activities. During this month, we also welcomed the first flight out of the Dominican Republic with Air Century. Upcoming initiatives: The next Taste of Bonaire is scheduled for August 9. Bonaire is also preparing to participate in the DEMA Show in November.

“These quarterly updates are our commitment to transparency in action. We bring together partners, stakeholders, the press, and the public to honestly assess industry trends and tackle our challenges head-on. This open dialogue is crucial for forging a unified strategy, ensuring that tourism’s growth sustainably enriches our island and everyone who calls it home, “ said Elesiër Angel, CEO of Tourism Corporation Bonaire.

“In the second quarter of 2025, Bonaire welcomed 29 cruise ships and 86,946 passengers, including first-time visits by Orion (National Geographic) and Explora I (MSC Explora),” reported Harbor Master Günther Flanegin. “With passenger spending totaling $26 million and crew contributing an additional $2.1 million, a new cruise booking policy, guided by a Bonaire-specific BREA study, is being developed to balance tourism growth with visitor experience. This includes refining the one-ship-per-day rule to allow greater flexibility based on passenger volume.”

“Bonaire’s second-quarter results underscore both the resilience and vulnerability of our tourism sector,” said Veroesjka de Windt, CEO of BONHATA. “We’ve seen encouraging gains—average daily rates rose by 11.5% and RevPar increased by 13.4% compared to Q2 2024—but this growth has primarily been driven by pricing rather than rising demand. Occupancy growth was only 1.6%, indicating a reliance on rate increases rather than volume to sustain performance. Looking ahead, we face growing uncertainty.

Operational costs are rising, airline load factors are under pressure, and demand from key markets, such as the U.S., is beginning to soften amid broader economic instability. These factors pose real risks to future growth. At BONHATA, we remain committed to working closely with government, local businesses, and the wider community to strengthen the foundation of our economy. Together, we aim to foster a sustainable tourism model—one that benefits our people, protects our environment, and secures a vibrant future for Bonaire.”

“In the second quarter, passenger numbers at Flamingo Airport increased by 11.8%, thanks in large part to strong growth at American Airlines. We continued to implement improvements, including the installation of new baggage belts in the departure hall and a cooling fan in the arrival hall. We are currently preparing for the installation of new security lanes and, together with OLB, automating the visitor entry tax process. We also recently signed a major contract for the construction of a solar park in the parking lot,” said Maarten van der Scheer, CEO of BIA.

A special thank you to Plaza Beach & Dive Resort for sponsoring the meeting room and the Tourism After 5. 

For additional information, send an email to marketing@bonaireisland.com.