Redakshon
Kralendijk,- James Finies, líder di Partido Pueblo Progresivo, i Davika Bissessar Shaw, presidente di Bonaire Human Rights Organization, a bishitá Washington, D.C. riba invitashon di Su Ekselensia Samuel Hinds, Embahadór di Guyana na Merka pa sigui ku e desaroyo diplomátiko resiente tokante trayekto di Boneiru na Nashonan Uni impulsando esfuersonan di abogasia internashonal i kordinashon strategiko na sosten di inisiativanan diplomátiko internashonal pa e kaso di Bonaire.
E kombersashonan a enfoká riba e progreso alkansá den e kampaña di abogasia internashonal pa pone Boneiru bek riba Lista di Teritorionan No Autónomo di Nashonan Uni i riba e siguiente pasonan strategiko den e kuadro mas amplio di deskolonisashon.
Den transkurso di 1.020 dia di kompromiso internashonal sostení, Sr. Finies a papia direktamente ku òf mantené diálogo ku presidentenan di Repúblika Dominikano, Chile, Cuba, Panamá, Surinam i Guyana; Promé Minister di Belize, Barbados, Bahamas, St. Kitts and Nevis, St. Vincent and the Grenadines, Grenada, Dominica, Jamaica i Trinidad and Tobago; i tambe Premiernan di British Virgin Islands, Anguilla, Montserrat, Bermuda i French Polynesia. El a mantené kontakto adishonal ku Minister di Asuntunan Eksterior i otro funshonarionan haltu den Karibe i Latinoamérika.
Na nivel multilateral, Sr. Finies a topa ku e Presidente di Asamblea General di e Nashonan Uni, e Sekretario-Generál di e Nashonan Uni, e Sekretario-Generál di NATO, i ku liderato di institushonnan regional klave, inkluyendo e Caribbean Community (CARICOM) i e Organisahon di Estadonan Di Karibe Oeste (OECS).
Logronan historiko den e trayekto diplomátiko aki ta inkluí ekspreshonan I deklarashonan formál di solidaridat for di organisashonan regional manera OECS, e Merkado Komun di Sur Amerika, MERCOSUR, CARICOM i e Parlamento di Amerika Sentral, PARLACEN. E sosten kresiente aki a elevá kaso di Boneiru den fòrumnan diplomátiko na nivel Karibeño, Latinoamerikano i global, reforzando ku status di Bonaire no ta simplemente un asunto atministrativo interno, sino parti di e agenda internashonal kontinuo di deskolonisashon.
Su Ekselensia Embahadór Samuel Hinds — anterior Presidente i Promé Minister di Guyana — ta un estadista distinguí kende su lideraszgo i dekadanan di servisio públiko a laga un marka duradero riba su nashon i riba e region di Karibe den su totalidat.
FUENTE: BONAIRE HUMAN RIGHTS ORGANIZATION
GIPHY App Key not set. Please check settings