MESTER DI MAS FORTALESEMENTU DI MANEHO FINANSIERO

Kralendijk – Riba 23 di febrüari 2026, Kolegio di supervishon finansiero di Boneiru, Sint Eustatius i Saba a bishitá Boneiru. Durante e bishita aki, e maneho di e entidatnan gubernamental a para sentral. Cft ta urgi Boneiru pa determiná i implementá un polítika ofisial dirigí riba entidatnan gubernamental. Banda di esaki, Boneiru mester invertí den fortalesementu duradero di maneho finansiero, i duna prioridat na mehorashon di e kapasidat di implementashon den e organisashon.

Entidatnan gubernamental: di nota pa implementashon

No tur kos ta na òrdu serka e kompanianan gubernamental di Boneiru. E problemanan persistente serka Selibon i Tourism Corporation Bonaire ta suprayá esaki. P’esei, aktualmente ta trahando ku un nota di polítika interno dirigí riba mehorashon di e maneho di entidatnan gubernamental. Cft ta rekonosé ku esaki ta un bon promé paso. Boneiru mester sigui elaborá esaki, i konvertí esaki den polítika ofisial, determiná pa Kolegio Ehekutivo den konsulta ku Konseho Insular. Den e marko aki, ta importante pa garantisá ku e nombramentu di e miembronan di direktivanan i di huntanan di supervishon ta tuma lugá di manera independiente. Di e manera aki, ta krea un marko kla i evaluabel pa maneho di entidatnan gubernamental. “Bon maneho di entidatnan gubernamental ta forma e base pa hustifikashon kla di rekursonan públiko pa tareanan públiko”, Cft ta afirmá. Ademas, e ta yuda fortalesé e kapasidat di implementashon di Boneiru. Cft ta insistí serka Kolegio Ehekutivo pa determiná i implementá e polítika aki riba término kòrtiku.

Maneho finansiero 

Cft ta bolbe pidi atenshon pa maneho finansiero. Den e añanan pasá, Boneiru a tuma pasonan importante pa mehorá maneho finansiero. Entre fin di 2024 i medio 2025, Cft a konstatá un rekaida. Entretantu, a bolbe drenta e kaminda pa mehorashon. Sinembargo, fortalesementu kontinuo i duradero di maneho finansiero ta keda nesesario, awor ku a bin resultá ku Boneiru a oumentá e presupuesto pa 2025 konsiderablemente na fin di aña, i tòg ta sera ku suprealisashon. Ademas, a sera 2025 ku un défisit preliminar tambe, sin splikashon mas detayá.

Anteriormente, Kolegio Ehekutivo a primintí pa tuma medidanan konkreto pa asina oumentá e kalidat di e presupuesto i di maneho finansiero. Esaki pa por koregí e implementashon di e presupuesto den un fase mas trempan. Esaki no solamente ta importante pa e presupuesto regular, sino sobretodo tambe pa e pagonan spesial. Un kantidat grandi di esakinan ta serka di kaduká i asta lo rekuperá nan. Durante su último biahe, Kolegio ta afirmá ku Boneiru mester bira mas ‘in control’. 

Cft lo sigui e promesanan aki tokante di e medidanan pa fortalesementu di maneho finansiero ku hopi atenshon. Kolegio Ehekutivo a primintí ku ya kaba for di aprel di e aña aki aproksimadamente, esakinan lo kondusí na mehorashonnan.

FUENTE: CFT/LIVE99FM