RESPONSABEL MAYÓ PA KLARA E SITUASHON POLÍTIKO AKTUAL.

Kralendijk,- ya pa algu mas ku un luna Boneiru ta den un situashon polítiko laga nos yam’é èkstra- ordinario. Tur sort’i analista, periodista, komentarista, sensashonalista, partidista etc. ta bini dilanti pa informá, opiná i òf konsehá.

Pero entre tur por ripará ku mayoria no ta òf no ke menshoná ku palabra kla ken ta esun ku pa na su manera di aktua òf keda sin aktua ta é Responsabel Mayó den e situashon ku politikamente i gubernamentalmente nos isla ta pasando aden.

E kos ta mas kla ku di dia; · · · · · · · · No ta diputado Clark Abraham No ta Partido Demokrat No ta Partido M21 No ta Frakshon Vrolijk No ta Partido MPB No ta Partido UPB No ta ningun miembro di Konseho Insular individual No ta asuntu di eksigensia di kuantu diputado, ni di ki nivel òf nòmber di diputado.

Konsientemente nos no ke usa e palabra ‘kulpabel’ sino nos tambe ta bai den e direkshon di husga, lokual no ta nos intenshon. P’esei nos bisa ken sí ta ‘responsabel’ pa e situashon, anto esei ta sra. Salma Serberie/ Frakshon Serberie.

Ta Sra. Serberie a tuma é desishon pa a retirá òf ta distansiá su mes fo’i ‘su’ partido Demokrat i despues tambe retirá sosten for di e koalishon Demokrat, M21 i Frakshon Vrolijk, i despues ofisialmente deklará su mes independiente den Konseho Insular. No ta relevante mas pa diskutí e motibunan di sra. Serberie su desishon.

Lokual sí ta pone nos yega na e konklushon ku sra. Serberie ta ‘é responsabel mayó’ ta e echo ku e NO a komplementá su desishon ku akshon konkreto, pa e desishon komo tal por surgi efekto. Desishon i akshon sin efektividat; Salma Serberie a distansiá for di partido, kita sosten for di ‘koalishon’ i deklará su mes independiente i bai banki di oposishon.

Kiermèn bo no ta di akuerdo ku bo partido i koalishon, anto bo ta hala sinta na kantu i tolerá óf ta kontemplá e lokualnan ku ‘segun abo’ ta bayendo robes.

Nò sra Serberie, si bo bisa A i no bisa B, bo desishon no tin ningun klase di efektividat. Den kaso asina, ta mihó rekonsiliá òf entregá asiento bèk na ‘bo partido stimá’.

Bon mirá, “Bai oposishon No ta un akshon di mas sabí i korekto, i asta por konsiderá esei komo ridíkulo i sin sentido” Sigur basá riba e echo Serberie a ekspresá di ker kontinuá den politika. Akshon efektivo;

Pa sra Serberie su desishon di a distansiá fo’i partido Demokrat, kita sosten for di ‘koalishon’ i deklará su mes independiente ta mas efektivo, simplemente ‘su so’ komo Frakshon Serberie mester yega na forma un koalishon ku MPB i UPB. Dikon e otronan nò?

Pasobra ta for di nan o sea Demokrat, M21, Vrolijk, Serberie ku ta den koalishon el a kita sosten. Pa forma e koalishon, preferiblemente ta mihó sra. Serberie laga kai e eksigenia i ‘doló di kabes’ di ke un diputado. Sra Serberie tin un posishon muchu mas poderoso pa su disishon di 20 di yanüari ta mas efektivo, i esei ta su posishon komo miembro di Konseho Insular. Anto no lubidá ku desde prinsipio Serberie a ekpresá di ke bai banki di oposishon i sinta wak (tolerá) e show di ‘lokual a resta’ di koalishon.

Ku un desishon asina o sea formando parti di e koalishon i ‘sin eksigí diputado’, sra. Serberie lo tin alabes ‘e ròl opositor’, p’asina fortifiká su akshon tumá i logra e resultadonan ku segun é, su eks partido tabata faya kuné. Ta nifiká ku Frakshon Serberie e ora ei lo ta sostenedó di un koalishon, pero alabes ora ta nesesario ta kuestionadó di tres diputado ku direktamente No ta ‘su diputado’. Bon mirá Frakshon Serberie lo ta e ora ei ‘oposishon den koalishon’.

Pues ta tres opshon tin pa remediá e situashon polítiko aktual i tur tres ta den skochi di Salma Serberie. 1. Salma Serberie ta ‘hasi bon’ ku Demokrat, i sostené bèk e koalishon aktual. 2. 3. Frakshon Serberie ta forma koalishon ku UPB i MPB Salma Serberie ta retirá komo miembro di Konseho Insular, kual ta nifiká ku outomátikamente e asiento ta bai bèk pa Demokrat i koalishon ta sigui su rumbo ku su mayoria di sinku.

Tòg un opshon adishonal; Den kaso ku Sra Serberie disidí finalmente pa tòg keda den oposishon, e oposishon di mayoria o sea ‘UPB, MPB i Salma’ lo por pasa un ‘moshon di toleransia’ i di toma di desishon pa e Kolegio Ehekutivo aktual te ku elekshon mart 2027.

Pues, e ‘koalishon di minoria’ i kolegio ehekutivo ku su tres diputadonan lo mester baila riba e ritmo di ‘oposishon di mayoria’. P.S. 1. E intenshon di Frakshon Serberie pa mantené aktual diputado Weber ta kompletamente no konsehabel. E idea ei lo tabata kompletamente distinto, komprendibel i aseptabel si desde prinsipio Salma Serberie i partido M21, ‘’nan dos huntu” lo a retirá sosten for di e aktual koalishon. P.S. 2. Den polítika e lógika di esun ku kibra mester drecha òf lapi, hamas ta bai fo’i moda.

FUNETE: JOHN ‘DJÒNI’ LEONETA