BON KUMPLIMENTU KU REGLA DURANTE KONTRÒL MARCHANAN DI KARNAVAL

Kralendijk – Durante e marchanan di karnaval, Direktorado di Supervishon i Mantenshon di Lei a tene diferente kontròl na e stèntnan di kuminda, gruponan di karnaval i tambe establesimentunan di hóreka riba e ruta.

E kontròlnan akí ta parti di e supervishon regular pa loke ta trata siguridat di kuminda i siguridat kontra kandela durante kualke evento.

E inspektornan di Direktorado di Supervishon i Mantenshon di Lei a tene en total trintishete kontròl. E kontròlnan a tuma lugá na ocho sitio riba ruta di e marchanan di karnaval: Van den Tweel, Rotònde Sabana, Kaya Betico Croes, Brion Kazèrne, Skina Kayente, Kaya Simon Bolivar, Kaya Caracas i Kaya Nikiboko Sùit.

A konstatá dos iregularidat

E inspektornan a konstatá dos iregularidat:

• Na un stènt na Rotònde Sabana e empakenan tabata pafó di e ekipo pa fría.
• Na un stènt riba Kaya Nikiboko Sùit no tabatin un aparato pa paga kandela.

Mesora a hala atenshon di e empresarionan i nan a haña splikashon tokante nan responsabilidat.

Informashon klaro adelantá

A tene un anochi di informashon i tambe a bishitá radio adelantá pa duna informashon tokante e reglanan di higiena i siguridat di kuminda. A dediká atenshon èkstra na wardamentu i preparashon di kuminda na un manera adekuá. Pensa riba e temperatura korekto, traha limpi, evitá kontaminashon krusá, higiena personal i siguridat kontra kandela.

Direktorado di Supervishon i Mantenshon di Lei ta mira ku mayoria empresario a kumpli ku e reglanan. Kontròl i bon informashon ta keda importante pa laga tur evento na Boneiru kana na un manera seif i higiéniko. 

FUENTE: OLB/LIVE99FM

NEDERLANDS:

GOEDE NALEVING TIJDENS CONTROLES CARNAVALPARADES

Kralendijk -Tijdens de carnavalsoptochten heeft de Directie Toezicht en Handhaving controles uitgevoerd bij foodstands, carnavalgroepen en horecabedrijven langs de route.

Deze controles horen bij het reguliere toezicht op voedselveiligheid en brandveiligheid tijdens evenementen.

De inspecteurs van Directie Toezicht en Handhaving hebben in totaal 37 controles uitgevoerd. De controles vonden plaats op 8 locaties op de route van de carnavalparades: Van den Tweel, Rotonde Sabana, Kaya Betico Croes, Brion Kazerne, Skina Kayente, Kaya Simon Bolivar, Kaya Caracas en Kaya Nikiboko Zuid.

Twee onregelmatigheden geconstateerd

De inspecteurs hebben twee onregelmatigheden geconstateerd:

• Bij een stand op Rotonde Sabana lagen verpakkingen buiten de koeling.
• Bij een stand op Kaya Nikiboko Zuid was geen brandblusapparaat aanwezig.

De ondernemers zijn hier direct op aangesproken en kregen uitleg over hun verantwoordelijkheid.

Vooraf duidelijke informatie

Er is een informatieavond geweest en een interview op de radio om vooraf informatie te geven over de regels voor hygiëne en voedselveiligheid. Er is extra aandacht besteed aan het goed bewaren en bereiden van voedsel.

Denk aan de juiste temperatuur, schoon werken, het voorkomen van kruisbesmetting, persoonlijke hygiëne en brandveiligheid. De Directie Toezicht en Handhaving ziet dat de meeste ondernemers zich aan de regels houden. Controle en goede voorlichting blijven belangrijk om evenementen op Bonaire veilig en hygiënisch te laten verlopen