WEGANAN INTERINSULAR 2026 TA TUMA LUGÁ RIBA 27 I 28 DI FEBRÜARI 2026

Kralendijk,- Ku orguyo Indebon ta anunsiá ku Weganan Interinsular 2026 ta tuma lugá riba 27 i 28 di febrüari 2026, ku Boneiru komo promé isla anfitrion.

E evento di deporte akí ta reuní hóben atleta den un ambiente di kompetensia i amistat. Indebon (Boneiru), FDDK (Kòrsou) i IBiSA (Aruba) ta organisá e evento akí, ku ta sirbi komo plataforma pa atleta hóben por bria den diferente disiplina.

Weganan Interinsular  ta mas ku un evento di deporte. E ta un plataforma pa interkambio kultural, desaroyo di talento i fortifikashon di laso entre e islanan. Grásias na koperashon i sosten di organisashonnan lokal i internashonal,  atleta hóben ta haña inspirashon pa saka e mihó di loke nan tin aden, tantu durante komo despues di kompetensia deportivo.  

Pa promé biaha Surinaam ta partisipa den Weganan Interinsular huntu ku islanan ABC i SSS pa weganan di Basketbòl i Ahedres.

Programa di Deporte i Fechanan

Boneiru:  26 februari – 1 di mart 2026

– Futbòl (Muhe BO)

– Beach Tennis (Hòmber i Muhe BO/VO)

– Basketbòl  (Hòmber BO/VO)

Kòrsou: 12 – 15 di mart 2026

– Futbòl (Hòmber VO)

– Ahedres (Hòmber i Muhe BO/VO)

– Fòlibòl (Hòmber BO)

– Trèfbal (Muhe BO)

Aruba: 26 – 29 di mart 2026

– Fòlibòl (Muhe VO)

– Atletismo (Hòmber i Muhe BO/VO)

– Aquathlon (BO/VO)

Resúmen di Programa

Djaweps : Yegada di delegashonnan, seshon di treinen i seremonia di apertura

 Djabièrnè i djasabra: Kompetensia

 Djasabra anochi: Seremonia di klousura

 Djadumingu: Delaster aktividat i salida

 

Informashon di Kontakto

Pa mas informashon tokante Weganan Interinsular 2026, e programa, òf tim ku ta partisipá, por tuma kontakto ku:

Indebon (Boneiru): Nafthali D Rier, tell: 777 2252

Ban selebrá deporte, talento i amistat huntu durante Weganan Interinsular 2026!

FUENTE: INDEBON/LIVE99FM