A KOLEKTÁ 41 TÒN DI SUSHI DURANTE E DI DOS RÒNDU DI E KAMPAÑA DI BARIO LIMPI

Kralendijk – Ku satisfakshon Entidat Públiko Boneiru ta wak bèk riba e di dos ròndu eksitoso di e kampaña di Bario Limpi.

Durante e ròndu akí nan a kolektá un total di 41 tòn di sushi den e diferente barionan na Boneiru.

Entidat Públiko Boneiru ta kontentu ku hopi habitante aktivamente a hasi uso di e bakinan di sushi ku nan a pone spesialmente pa e kampaña akí.

Esaki ta un prueba ku nos habitantenan ta asumí responsabilidat pa nan bario i ta kontribuí na un ambiente di biba mas limpi.

For di 19 di desèmber te ku 21 di desèmber pa di último biaha habitantenan por hasi uso di e bakinan di sushi ku ta poné na e sitionan indiká den kuadro di e kampaña akí. Entidat Públiko Boneiru ta hasi un yamada riba tur hende pa utilisá e periodo akí optimalmente.

Huntu nos ta tene Boneiru limpi. Nos bario, nos responsabilidat.   

FUENTE: OLB/LIVE99FM

NEDERLANDS:

41 TON AFVAL INGEZAMELD TIJDENS TWEEDE RONDE BARIO LIMPI- CAMPAGNE

Kralendijk – Het Openbaar Lichaam Bonaire (OLB) kijkt met tevredenheid terug op de succesvolle tweede ronde van de campagne Bario Limpi.

Tijdens deze ronde is in totaal 41 ton afval ingezameld in verschillende wijken op Bonaire.

Het OLB is blij dat veel inwoners actief gebruik hebben gemaakt van de speciaal geplaatste afvalbakken.

Dit toont aan dat bewoners verantwoordelijkheid nemen voor hun buurt en bijdragen aan een schonere leefomgeving.

Van 19 december tot en met 21 december kunnen inwoners voor de laatste keer gebruikmaken van de afvalbakken die in het kader van de campagne zijn geplaatst. Het OLB roept iedereen op om deze periode optimaal te benutten.

Samen houden we Bonaire schoon. Onze buurt, onze verantwoordelijkheid.