REKOMENDASHON PA  KONSEHAL HENNYSON THIELMAN

Kralendijk,- Ami Jacinto j Carlo ta sigui opservá i denunsia lokual ta pasa den Konseho Insular .Último dos luna por a mira e dinamismo di e hóbennan den Konseho Insular.

Mas i mas nan ta papia i ta trese nan punto dilanti. Awe mi ke para ketu riba Hennyson Thielman. Un hóben ku tabata  último den gobernashon pa basta aña. Mi ta kere ku konsehal Thielman tin e konosementu kon kosnan ta kana ora bo ta den gobernashon. Mi ta mira kon konsehal  Thielman ta profilá últimamente. Den kada reunion e ta papia i ta krítika kosnan ku bou di su konsepto no ta funshoná bon.

Mi ke a para ketu riba konsehal su krítikanan. Na promé lugá konsehal Thielman tin eksperensia di gobernashon. El a traha ku diferente ámtenar di e direktorado nan. E sa kon nan ta funshoná i ku  no tin hopi ámtenar ku tin e kapasidat pa hasi e trabou ku firmesa i rápido.  

Ami Jasinto Carlo ta konvensí ku Konsehal Thielman tabatin problema kon e direktorado nan empleadonan ta funshoná.  Tambe mi ta konvensí ku konsehal Thielman tambe a hasi sierto zètnan robes  ku despues e mes a ripara ku esaki no ta e mihó kos pa la hasi na e momentu ei komo mandatario.  Tambe e tempu ku e ta mandatario,  konseho Insular tabata pidi transparente,  klaridat i aklarashon. Komo mandatario señor Thielman no a kumpli ku e konsehal nan ku tabata pidi aklarashon. Talbes señor Thielman tabata tin su plan i strategia di gobernashon ku e no por a hasi esaki.

Awor ku e ròlnan a kambia, señor Thielman ta pidi i ta eksigí konstantemente sin ta kòrda, ku e mes tabata den e situashon di gobernashon ku e mester a kumpli ku e strategia e tempu ei di su gobernashon. Kual ta imposibel pa konsehal Thielman a kumpli ku lokual konseho Insular ta pidi.

Señor Thielman ta un persona hóben i ku por ta den un koalishon den futuro. Mi por mira tambe ku tin ora ku konsehal Thielman tin e difísil pa trese sierto punto dilanti, ora e no ta honesto ku su mes konsenshi.

Lokual ku konsehal Thielman apsolutamente no mester hasi ta imitá su kolega James Kroon. Si e sigui hasi esaki lo por kibra su kareda den futuro. James Kroon su tempu a pasa i ta hasi kos di 20 aña pasa i no tin sentido pa adelanto di Konseho Insular i e pueblo.

Tempu di gobernashon di konsehal Thielman nunka promé konseho insular tabata haña karta i tambe rapòrt nan ku miembronan ta pidi. Mi ta kere ku konsehal Thielman mester por rekonosé esaki abiertamente i apoyá e transparensia ku tin aktual, pa e transparensia aki por sigui pa den futuro ku tur otro gobernashon ku sinta.

Konsehal Thielman por rekonosé ku tin reto na momentu ku ta goberná. Por rekonosé ku tin ora no ta tur kos ta den e diputado su man. Rekonosé algu ku ta difísil pa manehá. Konsehal por bisa ku tempu e tabata mandatario e tambe a hasi fout.

Hasiendo esaki por duna konsehal Thielman mas krebilidat, e ta presentá su mes mas sinsero pa ku e pueblo. Tambe no krítika so pero aportá i duna konseho a base di su eksperensia komo eks mandatario. 

Ami Jacinto Carlo ta kere komo konsehal den konseho insular e por trese rekomendashon dilanti pa e gobernashon, konsehá riba sierto punto ku ya e tin eksperensia i komo e ta hóben e ta komprondé e otro mandatarionan. Asina e mes ta bria i ta bin dilanti mas konfiabel , ku madures polítiko, i digno pa representá su pueblo .   

FUENTE: JACCINTO J CARLO