Redakshon
Kralendijk,- A dediká e Olimpiada pa Grandinan ku ta bai tuma lugá dia 14 di yüni 2025 na Alexander ‘Chandi’ Trenidad. Terrence de Jongh, hefe di INDEBOB, a anunsiá e eskoho pa Trenidad durante un konferensia di prensa riba djárason 4 di yüni 2025.
E hende grandinan den e diferente barionan di Boneiru a skohe señor Trenidad kende tin 89 aña, pa motibu ku tur siman fielmente e ta hasi ehersisio físiko na Sentro di Bario Tera Kòrá. Hopi persona di 60 aña bai ariba ta mira Trenidad komo un ehèmpel briante. E ta enkurashá hende grandi pa keda den moveshon.
Durante e konferensia di prensa De Jongh a anunsiá ku dia 14 di yüni 2025 representantenan for di Aruba i Kòrsou tambe lo ta presente. E representantenan akí ta na Boneiru pa haña un idea di kiko un Olimpiada ta enserá. INDEBON ke wak tambe si ta posibel pa den futuro tene e weganan na Boneiru ku partisipantenan for di Aruba i Kòrsou.
Aña pasá, despues di mas òf ménos 15 aña, a bolbe tene un Olimpiada na Boneiru. Esaki tabata un éksito grandi. Na final hopi partisipante a pidi pa di awor en adelante organisá e evento akí tur aña. ‘Pa nos e Olimpiada ta un manera pa mustra nos apresio pa nos hende grandinan. Nos t’akinan awor akí, pasobra nan a bai nos dilanti,’ segun deklarashon di De Jongh.
Dia 14 di yüni ta buska e partisipantenan ku bùs den nan bario. Ora e partisipantenan yega Sentro Deportivo Jorge Nicolaas, tin un desfile promé.
Chandi Trenidad ta karga e antorcha di e weganan. E partisipantenan ta desayuná promé i despues di esei nan ta partisipá na e weganan. Pa 12 or tin un pousa pa lùnch.
Despues di mèrdia tin entrega di premio i for di 15:00 or e partisipantenan por balia riba músika di Foyan Boys.
E evento deportivo akí a bira posibel, danki na kontribushon di Fundashon Wega di Number Boneiru – FWNB i Entidat Públiko Boneiru.
FUENTE: INDEBON OLB/LIVE99FM
NEDERLANDS:
OLIMPIADA PA GRANDINAN 2025 VAN INDEBON OPGEDRAGEN AAN ALEXANDER ‘CHANDI’ TRINIDAD
Kralendijk – De Olimpiada pa Grandinan van 14 juni 2025 is opgedragen aan Alexander ‘Chandi’ Trinidad. Terrence de Jongh, hoofd van INDEBON, heeft de keus voor Trinidad tijdens een persconferentie op woensdag 4 juni 202 bekend gemaakt.
De 89-jarige Trinidad is door senioren in de wijken van Bonaire uitgekozen, omdat hij trouw iedere week bij buurtcentrum Tera Kòrá aan lichamelijke oefening doet. Trinidad wordt door 60-plussers als een lichtend voorbeeld gezien, hij moedigt ouderen aan om te blijven bewegen.
Tijdens de persconferentie heeft De Jongh van INDEBON aangekondigd dat op 14 juni 2025 ook vertegenwoordigers uit Aruba en Curaçao aanwezig zijn. De vertegenwoordigers zijn hier om een idee te krijgen wat er bij een Olimpiada allemaal komt kijken.
INDEBON wil ook kijken of het mogelijk is om in de toekomst de spelen op Bonaire te houden met deelnemers uit Aruba en Curaçao.
Vorig jaar is na ongeveer 15 jaar weer een Olimpiada op Bonaire gehouden. Dit was een groot succes, veel deelnemers hebben na afloop gevraagd om het evenement voortaan ieder jaar te organiseren. “Voor ons is de Olimpiada de manier om onze waardering voor ouderen te tonen. Wij zijn nu hier omdat zij ons zijn voor gegaan,” zo heeft De Jongh verklaard.
Op 14 juni 2024 worden de deelnemers aan het sportevenement met de bus in hun wijk opgehaald. Als de deelnemers bij sportcentrum Jorge Nicolaas aankomen, is er eerst een défilé. Chandi Trinidad draagt de fakkel van de spelen.
De deelnemers ontbijten eerst en doen daarna mee aan de spelen.
Om 12 uur is er een lunchpauze. In de middag worden de prijzen uitgereikt en van 15:00 uur kunnen de deelnemers dansen op de muziek van Foyan Boys.
Het sportevenement wordt mogelijk gemaakt dankzij de bijdrage van Fundashon Wega di Number, FWNB en het openbaar lichaam.
GIPHY App Key not set. Please check settings