DELTA SECURITY TA BIRA E PROME KOMPANIA DI SEGURIDAT KU TIN UN CAO.

Kralendijk, – Sidikato AFBW awe merdia a bolbe sera un CAO ku un kompania mas kual ta Delta Security kual ta bira e prome kompania di seguridat aki na Boneiru ku tin un CAO pa su trahador despues di un lucha ku a keda inisia pa e  trahador Sr. Rogelio Cicilia ku a Sali dilanti pa su koleganan. Sr. Jose Capella Vice Presidente di sindikato AFBW a bisa ku e dia aki sigur ta unu historiko i importante pa sindikato AFBW.

Sr. Marc Rienhart ku ta e General Manager di Delta Security i tambe ku Sra. Nina Martinus ku ta e Hoofd PZ , Hoofd Marketing i tambe directielid di Delta Security ku a bisa ku e CAO aki ta nifika hopi pa nan i mas ainda pa nan trahadornan, minetras ku Sra. Martinus a duna di konose ku pa sinta ku un sindikato prome biaha semper tin un tenshon pero su persona ta kontentu ku e resultado.

Un pabien ta bai na tur e trahadornan di e kompania di seguridat Delta Security ku nan logro.

FUENTE:LIVE99FM