SENTRO AKSESO DEN BO BARIO KU KOMPROMISO PA SIGUI SIRBI NOS KOMUNIDAT BONERIANO

Kralendijk,- Sentro Akseso a lansa un proyekto nobo “Sentro Akseso den bo bario”.

Esaki komo meta pa yega mas serka di nos hendenan, espesialmente esnan ku no ta mashá movibel i fasilitá akseso na nos servisionan na tur habitante di Boneiru.

Tur hende merese e mesun oportunidat pa risibi informashon òf ayudo, sin mester bai leu for di kas. Tur promé siman di luna Sentro Akseso lo ta den bario i kada dia di e siman den un bario diferente.

E fecha i orarionan pa luna di mei lo ta; Djaluna 5 di mei, Sentro di Bario Nikiboko, 13:00-16:00 Djamars 6 di mei, Rincon na kantor Sentro Akseso (dilanti di Plaza commerce); 14:00-16:00 Djarason 7 di mei, Antriol (na Avanti); 8:00-11:00 Djaweps 8 di mei, Sentro di bario Amboina; 13:00-16:00 Djabièrnè 9 di mei, Tera Kòrá; 8:00-11:00 Djabièrnè 9 di mei. Nort’i Saliña; 13:00-16:00

Nos ta invitá un i tur pa hasi nos un bishita na e Sentro di Bario di bo bario òf mas serka dibo pa hasi informashon. Sigui nos rednan sosial pa bo keda informá. Sentro Akseso Boneiru, Serka bo i huntu kubo!

FUENTE: AKSESO BONEIRU/LIVE99FM