BONKARATE KU BON PRESTASHON NA SURNAM.

Kralendijk,- Djarason dia 5 di februari 2025 un delegashon chiki di BonKarate a sali pa Surnam pa kompeti den ABC open international 2025.

E kompetensia mes a tuma lugá djasabra dia 8 di febrüari 2025.

Kompetensia a kuminsa mainta temprán ku kata.

Den kompetensia di kata,

Mauricio Garcia a lográ sali na e di 2 lugá i

Diego Salazar tambe a lográá sali na e di 2 lugá

Despues di e kompetensia di kata tabata tin e apertura ofishal kaminda diferente dignitario a hiba palabra.

Mesora despues di e apertura I kompetensia di kumite a kuminsa.

Den kumite,

Diego Salazar a lográ e di 3 lugá

Oscar Martijn a lográ e di 3 lugá

I Everon Vrutaal a logra e di 3 lugá.

E nivel di e atleta nan tabata hopi bon, pero arbitrahe no tabata tin e nivel pa ku esaki.

Lamentabelmente esaki a perhudiká Boneiru hopi.

Asina mes e karateka nan a keda di focus pasina duna bataya formal.

Sensei Silberie ta hopi satisfecho ku e prestashon di e karateka nan apesar di e kontra tiempo.

Di akuerdo ku Sensei Silberie esaki ta demonstrá e nivel di e atleta.

Pa loke ta e organisashon di Karate di Surnam mes nan tabata hopi kontentu ku partisipashon di Boneiru, debi ku esaki a soru pa bon kombate.

Tambe esaki por a wordu skucha dor di e publiko ku tabata presente, kual na diferente pelea tabata grita I apoyá Boneiru.

Komo tal e e delegashon tabata hopi kontentu di a kompeti den e ABC Open International na Surnam.

Di parti di e direktiva tur hende a haña un regalo chikitu na final komo muestra di apresio.

FUENTE: BONKARATE/LIVE99FM