in

OTRO ABUZU KONTRA IMIGRANTENAN.

Kralendijk,- Nos ta papiando over di e asuntu di 6 permit di un aña pa yena 5 aña di estadia Pèrmití nos splika. Imigrashon (IND) tin un sistema straño pa kalkulá.

Nan ta pretendé ku ‘sinku aña konsekutivo’ ta nifiká ‘sinku aña plùs por lo ménos un dia èkstra’. For di unda nan a bin ku e nònsens aki, nos no sa. Pasobra nos tur sa ku 5 aña ta 5 aña. 

Laga nos splika un tiki mas detayá. Si un imigrante a biba 5 aña largu sin problema ku hustisia na Boneiru, e por pidi un permit di estadia permanente. Asina lei ta preskribí (art. 5.45 BtuBES). Pero den práktuka, e mester pidi un di seis permit di un aña promé ku e por pidi su permit permanente, kual e por pidi despues di 5 aña.

Pues Imigrashon somehow ta kere ku 5 ta igual na 6.

Si bo ta purba hasi negoshi asina riba kaya, bo mag tin suerte si hende no ta dal bo un moketa den bo kara. Ban bisa bo ta kumpra un pan. Riba e pan mes tin skirbí  ku e ta kosta 5 dòler. Awor e doño di e tienda tòg kier kobra 6 dòler. Anto si bo no ta paga, e ta kita e pan fo’i bo.

OK, keda kalmu y bai otro tienda. Pero si tin un solo tienda, kiko bo por hasi e ora ei? Anto si e tienda aki ta gobièrnu, bo sa ku nan ta abuzando di nan poder. 

Ta djis un di e tantísimo abuzunan ku imigrantenan tin ku sufri. Sin tin nodi. Gobièrnu tin ku trata hende ku rèspèt y humananente. Y imigrantenan meresé mesun trato. Nos lo tuma kontakto ku Imgrashon pa wak si nos por konvensé nan ku 5 ta 5. Nò 6.

Tur djasabra Fundashon ‘Union di Imigrantenan Boneriano’ (FUIB) tin un konsultoro hurídiko grátis di 4’or te 6’or di atardi na Ofisina di Abog. Bijkerk na Antriol. Adrès: Kaya Jose G. Hernandez 16A.
Por yama abog. Bijkerk na 796 2650.


FUENTE: FUIB/LIVE99FM

What do you think?

Written by Redakshon

Leave a Reply

Your email address will not be published. Required fields are marked *

GIPHY App Key not set. Please check settings

MADURO & CURIEL’S BANK TA ANUNSIÁ: AHUSTE DI GASTU MARÁ NA “HIPOTEK KU GARANTIA BONEIRU (HGB)” .

ANALISASHON BIAHENAN DI KONSEHO INSULAR.