in

EMOSHONALMENTE MI TA TUMA DISTANSIA DI E AKTUAL BONAIRE.

Kralendijk,- Mi ta ripará ku diskriminashon, eksklusividat, i kulturalismo ta dividí komunidat Boneriano.

Mi no ta deskribí ni elogiá e Bonaire ku mi a lanta konosé. Ta un echo ku Bonaire ta multikultural komo konsekuensia di desaroyo ekonómiko i polítiko ku a bira un kas pa esnan ku sea riba petishon òf inisiativa propio a establesé na Bonaire ku nan kultura norma, balor i deseo pa kontribuí na desaroyo personal i general di Bonaire.

Ku regularidat e pregunta; ken ta boneriano ta bini dilanti ku ta nada mas ku diskriminashon, buskando identidat i enfatisá kultura pa lanta un muraya pa ekskluí esnan ku no ta pas den e kas boneriano.

Ta eksigí pa hulandes europeo siña papia Papiamentu i mi ponensia ta ku tin rabia, egoismo i diskriminashon komo konsekuensia di sklabitut i kolonialismo. Kontra kurasoleño, arubano nò, ta keda trese dilanti ku den Antia Kòrsou polítikamente tabata tene Bonaire abou.

Tin flecha venenoso riba LHBTQ+ i ta usa beibel pa haña rason pero lo ta bon pa studia e relashon entre Hesus, apòstel Pedro i Maria Magdalena.  Konseho Insular i Kolegio Ehekutivo ta papia di transparensia i partisipashon  pero ta hasi nèt kontrali i no ta bai sigui duna informashon semanalmente.

Ta nesesario pa embolbí tur hende, for di krèsh te Hòspice pa kuminsá pensa kon konstruí un komunidat inklusivo apesar di diferensia di norma, balor i kultura den komunidat boneriano.

Tur nashonalidat gusta e kas boneriano pero ta riparabel ku e kas no gusta tur nashonalidat.

FUENTE: ARTHUR SEALY/LIVE99FM

What do you think?

Written by Redakshon

Leave a Reply

Your email address will not be published. Required fields are marked *

GIPHY App Key not set. Please check settings

CAREER: UN PROJEKTO NOBO PA LANSA KARERA DI 5 HOBEN ARTISTA.

LANSAMENTU DI RIJKSCULTUURFONDSEN.ORG: AYUDO PA PETISHON DI SUPSIDIO PA E ISLANAN KARIBENSE.