Kralendijk,- Nobo pa un periodo di 3 aña ku ta kore di 2025 te ku 2027. E CAO nobo aki ta brinda un adelanto faborabel pa kada empleado.
Pa kuminsá e CAO ta igual ku e otro CAO nan di institutonan den kuido aki na Boneiru. Esaki ta pa evitá (mas tantu posibel) diskrepansia den salario i kondishonnan di trabou.
For di yanüari tin un struktura salarial nobo.
Pa e trahadó esaki ta enserá un oumento salarial entre $200 i $250. Tur trahadó tin derecho riba 25 dia di vakashon pa aña. Trahadónan ku tin entre 50 i 55 aña di edat lo risibí 2 dia èkstra, ku ta suma 27 dia total pa aña di vakashon. Trahadónan ku tin 56 aña di edat i te ku nan fecha di nan penshon ta risibí 3 dia èkstra di vakashon, ku ta suma 28 dia total di nan vakashon..
Tambe a ahustá mayoria di e kompensashonnan manera prima di overtaim, prima pa trahamentu anochi i di servisionan iregular etc.
Gradualmente ta oumentá tambe e presupuesto di vitalidat di $ 500 den 2025 na $ 850 den 2026 i 2027.
Un aspekto importante tambe ta ku ta kuminsá prepará e trahadónan pa nan baha ku un penshon digno. Durante e último 2 añanan di trabou, promé ku nan yega e fecha pa bai ku penshon, e trahadó konserní lo traha respektivamente mitar dia i un dia pa siman.
Tantu gerensia di FKPD, trahadónan i direktiva ABVO-Boneiru ta sumamente kontentu ku e CAO nobo.
FUENTE: ABVO BONAIRE/LIVE99FM

GIPHY App Key not set. Please check settings