in

ZONIDO DURA TA MOLÈSTER I ALABES MALU PA OIDO.

Kralendijk,- Abitantenan di Kaya Nikiboko zùit  tin molèster di komportashon di manehadónan di trùknan pisá ku ta kore anochi lat sin nan karga tapá i ta kousa daño na kareteranan,

tin rabia riba e bròmernan ku ta hasi bochincha, tiramentu di vürwèrk tambe ta hasi bochincha. Ainda mi ta kòrda e karikatura “Corsowito” ku a graba tiramentu di vürwèrk pa usa siguiente aña. Tambe algun aña pasá tabatin partimentu di  brel pa protehé wowo.

Pero no tin e kosnan aki mas. Temporada di karnaval ta parti “oordopjes” kontra zonido duru. Nos tur sa ku lo a bini un instansia pa midi desibèl di  zonido i tabatin akshon di SEBIKI pa parti oordopjes i midi desibèl. Krus Kòrá ta duna tep balioso kon usa vürwèrk na un manera sigur pa evitá daño na wowo i kemadura na kurpa, man, dede, bestia, oido, na medio ambiente i propiedat di otro, mirando ku vürwèrk tin kaliber mas pisá kompará ku ántes.

Nos mes por hasi hopi huntu ku gobièrnu. Nos tin ku keda mustra koredónan di bròmer, manehadónan di outo, baiskel i trùknan riba nan responsabilidat den tráfiko i siguridat di otro sin kousa molèster i desgrasia. Bendedónan di vürwèrk mester por pone un lista ku sugerensia kon usa vürwèrk na un manera basá riba siguridat i bende brel pa protehé wowo i regalá oordopjes i no bende ku menor di edat. Gobièrnu ku ta pa bienestar di pueblo mester bini ku un instansia pa regla zonido i velosidat i pa vürwèrk eksigensia ki tipo di vürwèrk por bende i mara e pèrmit na obligashon di bende brel i duna oordopjes i kòntròl ki tipo di vürwèrk por drenta Bonaire.

No por aseptá zonido i molèster na fin di aña i temporada di karnaval bisando ta nos tradishon nan ta. Pagara no ta kore ku fuku pero si ta susha pa Selibon bin limpia. Ben Oleana, un tempu direktor di Selibon, a nenga bari e porkeria di pagara. Laga nos evitá ku polis, ambulans, enfermero, dòkternan ta pasa un kambio di aña yen di trabou pa motibu di mal komportashon di nos mes. Laga nos pasa un kambio den pas i harmonia ku otro.

FUENTE: ARTHUR SEALY/LIVE99FM

What do you think?

Written by Redakshon

Leave a Reply

Your email address will not be published. Required fields are marked *

GIPHY App Key not set. Please check settings

UPDATE AKSHON DI LISTRAMENTU PREVENTIVO

ARUBA:  DI BIEHEZ A SUBI PA DI 5 BIAHA DEN 7 AÑA AUMENTO DI MAS DI 400 FLORIN