E FIN DI SIMAN AKI TA BAI TIN E DI 26 PASEO KU MOTOSAIKEL

Kralendijk,- Organisá pa Iron Order MC. Jairo Cornelis presidente di Iron Order MC, sostené pa dos miembro a papia ku prensa. a duna mas informashon tokante e paseo ku motosaikel i ku ta trata di e di 26 biaha.

Djárason 4 di sèptèmber, ta deskarga e motosaikelnan for di kònteiner. E registrashon ta e anochi mes. Djaweps ta warmup ride, ku ta kuminsá na e klup di Iron Order na Playa. Ta bai tin músika tambe na tur aktividat. Djabièrnè 6 di sèptèmber, ta dia di e paseo grandi. E ta kuminsá 9or di mainta. Djadumingu 8 ta Sunset ride, ku ta sali na e klup di Iron Order. 2 kònteiner ya a yega for di Kòrsou pa saka e motosaikelnan. For di Aruba por komprondé ku niun motosaikel no ta bini, pa e paseo e aña aki. Tin miembro si, di timnan na Aruba, ku ta bini Boneiru. Tin hende pendiente pa bini for di New York tambe. E pareha ku semper tei for di Taxes, ya ta na Boneiru. Djasabra despues di paseo, e motosaikelnan ta bai stashoná na Happy’s Snack Bar. Kontribushon ta 50 dòler pa persona. Kontribushon, pasobra ta hopi kos e hende ta bai gosa di dje, pa e montante.  
Ta pidi pa un i tur sigui reglanan, no hasi bochincha ku motosaikel òf outo.
Dia 6 ta bai tin show na altura di e pista di fever na Onima. Esaki lo ta parti mèrdia. “

FUENTE:FITTIPALDI/LIVE99FM