BONAIRE TROLLEY A HASI PASEO KU NOS HENDE GRANDINAN

Kralendijk, – Riba djaweps 25 di yüli Tourism Corporation Bonaire (TCB), den kolaborashon ku Jack Tours, komo parti di nan programa di luna di yüli, a hasi un bunita paseo den sentro di siudat ku klientenan di Kas di Mimina i Kas di Kuido, ku komo tema “Turista riba mi isla”.

E paseo a tuma lugá den e trolley di Jack Tours, ku awor ta kompletamente pintá ku e branding di TCB: It’s in our nature.

E Bonaire Trolley a buska e hende grandinan na Kas di Mimina i Kas di Kuido i a bai ku nan pa un paseo di un ora largu den sentro di Playa. Tabatin un momentu ku nan a stòp un ratu pa kome algu, i despues di e paseo a hiba nan bèk na e dos diferente ubikashonnan.

Na momentu ku nan tabata pasando banda di e edifisio di TCB, e tim di TCB a saludá e hende grandinan. E grupo ku tabata hasiendo e paseo a kontestá, gritando “Masha danki!”, miéntras nan tabata zuai ku nan bòrchinan di gradisimentu ku nan mes a traha. Si bo tabata kanando den Kaya Grandi, bo por a tende nan kanta huntu ku nan músika favorito.

Esaki tabata un tremendo oportunidat pa duna bèk na komunidat i pa honra e hendenan ku a yuda traspasá nos tradishonnan i konservá nos patrimonio. Gustosamente TCB ke gradisí tur hende ku ta dediká nan bida na kuido di nos hende grandinan i ku ta sòru pa nan tambe por gosa di nan isla for di perspektiva di un turista.       

FUENTE: TCB/LIVE99FM

BONAIRE TROLLEY NEEMT OUDEREN MEE OP TOUR

Kralendijk, – Op donderdag 25 juli heeft Tourism Corporation Bonaire (TCB), in samenwerking met Jack Tours, een mooie tour verzorgd in de binnenstad voor de cliënten van Kas di Mimina en Kas di Kuido als onderdeel van hun programma voor de maand juli, met als thema “Turista riba mi isla – Toerist op mijn eigen eiland”.

De tour was in de ‘trolley’ van Jack Tours, die nu volledig is beschilderd met de TCB-branding: It’s in our nature. De Bonaire Trolley heeft de ouderen opgehaald bij Kas di Mimina en Kas di Kuido en ze meegenomen voor een rit van een uur door het centrum van Kralendijk, met een stop om tussendoor iets te eten. Na afloop van de tour werden ze weer afgezet bij de twee verschillende locaties.

Toen ze langs het TCB-gebouw liepen, werden de ouderen begroet door het TCB-team. In ruil daarvoor riep de groep die aan het touren was “Bedankt!” terwijl ze met hun zelfgemaakte bedankbordjes zwaaiden. Als je door de Kaya Grandi liep, kon je ze horen meezingen met hun favoriete muziek.

Dit was een geweldige kans om iets terug te geven aan de gemeenschap en de mensen te eren die hebben geholpen onze tradities door te geven en ons erfgoed te behouden. Graag wil TCB alle mensen van harte bedanken die hun leven wijden aan de zorg voor ouderen en die ervoor zorgen dat zij ook van het eiland kunnen genieten vanuit het perspectief van een toerist.