ROBBY BEUKENBOON TA PUNTRA KI DIA TA BALANSÁ PRESUPUESTO?

Kralendijk, – Entidat publiko di Boneiru a pasa e ultimo 10 añanan un desaroyo fuerte pa loke ta trata di tin un presupuesto balansá. Nos tur ta kòrda e storianan di horor di antes kon Gobièrnunan tabata gasta I malgasta na su miserikordia sin tene kuenta ku tin plaka pa paga of no.

Pa tin un presupuesto balansá, ta henter departamentu di Finansas tin ku traha sinkronisá huntu ku tur otro departanentu di tur Direktorado. Durante di hopi aña diferente gobièrnu a trata na mehorá, streamline, paga hopi plaka na konsulten pa mehorá e proseso finansiero. Tur gobièrnu ku a sinta a kontribui ku un granito na e mehorashon aki I tur gobiernu sa ku e departamentu aki ta esun di mas delikado. E problema di ultimo añanan ta ku no tabata gasta tur plaka presupuestá I laga nos ta honesto di aseptá ku pa gran parti ta kulpa di mandatarionan ku henter dia ta keda kambia prioridat, ta goberná na for di posishon di poder I ku no tin un hende riba e mundu aki ku por bisa nan kon bientu tin ku supla.

Mandatarionan ku ta aktua komo “meneger” I no komo gobernante. Y ta esei a pasa for di oktober 2023 te ku awor na un eskala mas grandi. Ta yama diputado mayó ta yama hefe di Finansas den su ofisina I parti ròshi I bisa ku ta tantu plaka tin ku destiná pa tal proyekto. Nos tur sa ku ta e diputado aki ta esun ku a disidí ku plakanan pa Konseho Insular tin ku wòrdu di multipliká pasó ta Konseho Insular a para bira e “servisio” di mas importante di Boneiru. No ta e Direktorado di Komunidat I Kuido no ta e Direktorado di Espasio I Desaroyo, no ta e Direktorado pa tene Supervishon, ni tampoko e Direktorado ku ta kurason di Gobiernu ku yama Direktorado di Maneho I Sostén ta mas importante. E direktoradonan tei solamente pa karga kulpa ora algu ta bai robes, I pa nombrashon nan politiko.

Ta tristu pa konstatá ku Boneiru ta wòrdu goberná dor di un tim biahadó, un tim ku a para tur proyekto, un tim ku no tin miserikórdia ku amtenar nan ku ta mustra nan riba nan erornan, I ta manda nan kas mesora of ku e amatenar nan aki ta tuma desishon pa bai djis pa tene e honor na nan mes.

Den e situashon aki tin un gezagheber I un sekretario insular. Manera kosnan ta mustra, segun nos, ta den nan kabes so nan ta kere ku nan tin koi bisa. A tuma desishon pa kita tur mandato I pak Sekretario Insular ku esaki. Esaki a yuda gobernashon? Proyektonan a los? Hefenan ku e mihó kapasidatnan a wordu apuntá? Kiku ta tuma lugá den e minimo 8 ora pa dia den e aparato di amtenar I den Kolegio Ehekutivo? Ta papia riba prioridatnan di e aparato pero tambe riba prioridatnan di komunidat?

Kon por ta ku un presupuesto no ta wòrdu asepta dor di Sekretario di Estado? Esaki ta prome biaha den historia di Boneir.  I mientras tantu biahenan I fakansi nan ta sigui manera ku nada no ta pasando? Ken tin ku karga responsabilidat? Direktor di Maneho I Sostén? Sekretario Insular? Hefe di Finansas? Kiku te pasa ku e deadline di 1 di ougustus ku Ministro a buta? Ta kua rumbo e barku aki ta bayendo of ta rumbo di senk nos dushi Boneiru?

Nos ke supliká Diputado mayó pa pone su kabes pareu I pone plaka pa paga e trùk, loader I trahadornan ku a traha duru pa paga e kandela na Landfill. Tambe lo ta bon pa awor ku Gobièrnu I Konseho Insular a yega kas bèk di vakashon pagá pa pueblo, nan subi supsidio di TCB pa asina esaki por organisá un Regata na drechi pa nos komunidat por disfrutá. Ta konosí ku a redusí e montante ku TCB ta haña na supsidio. Esaki ta algu inaseptabel. No keda tira falta riba amtenar ku no por defendé nan mes, of riba koalishon anterior of riba Hulanda. Informá komunidat ki dia un presupuesto ku ta akordá dor di Sekretario di Estado di BZK lo ta kla, pa asina Boneiru no bira viktima dor di inkapasidat gubernamental. Gobiernu tei pa SIRBI.