FUHIKUBO DEN KOPERASHON KU BOG N.V. TA INVITA PUEBLO DI BONEIRU NA E PROME ANOCHI DI SINE.

Kralendijk, – Nos ta invita e pueblo di Boneiru na e prome ‘Anochi di Sine’ na Isidel Beach Park.

Durante di e anochi aki nos lo bai pasa e dokumental di ‘E Ultimo Biahe di Isidel’. Un produkshon di FUHIKUBO den koperashon ku BOG N.V. Aki bo por siña di òf rebibá un di e momentunan tristu na Boneiru.

Tambe bo lo tin un mihor komprendementu dikon e parke nobo a haña e nòmber úniko aki. Bo lo por hasi uso di nos kioskonan ku lo tin diferente kuminda i bebida pa bo disfrutá di dje durante di e sine.

Kòrda trese bo stul i yega na tempu pa bo por skohe bo luge di sinta.

Bin pasa un anochi huntu bou di e streanan briante na Isidel Beach Park dia 28 di yüni 2024 for di 19:30 te ku 21:00 na Isidel Beach Park.

FUENTE: BOG N.V./FUHIKUBO/LIVE99FM