Redakshon
Kralendijk,- Ora bo ta kompará e dos opshonnan aki, e ta nifiká lo siguiente: Repartishon di e Orarionan di trabou i Ora nan liber.
Aworaki sigun nos lei laboral, ta 40 ora pa siman (E standard tradishonal), Bo ta traha 5 dia pa siman, 8 ora pa dia (por ehèmpel, di djaluna pa djabièrnè di 8:00 AM pa 5:00 PM ku un ora di pouse).
I Trahando 36 ora pa siman por bira mas fleksibilidat den ora di trabou, por ehempel:
1 Opshon 1 (4×9): Bo ta traha 4 dia di 9 ora pa siman, Loke ta duna bo 1 dia liber èkstra tur siman (por ehèmpel, tur djabièrnè liber).
2 Opshon 2 (4.5 dia): Bo ta traha 4 dia di 8 ora i un dia di 4 ora (por ehèmpel, djabièrnè mèrdia bo ta liber).
3 Opshon 3 (Siman kambia): Bo ta traha un siman 40 ora (5 dia) i e siguiente siman 32 ora (4 dia), lokual ta nifiká ku bo tin un dia liber parametriko tur dos siman.
4 Depende kua di e opshon nan di 36 ora pa siman bo traha, por nifika un total di 26 dia liber extra riba un aña kalendario kual lo bira 130 dia liber anual. Awor ban wak kiko e ta nifika na Salario i Benefisio, 1 Si e pago ta pa ora, na 40 ora bo ta gana mas sèn ku na 36 ora, pasobra bo ta traha 4 ora mas pa siman.
2 Si e kontrakt ta full-time, den sierto sektor (manera na Hulanda òf den gobièrnu), 36 ora ta wordo konsiderá “full-time”.
Den e kaso ei, e salario ta keda 100% igual na un kontrakt full-time, pero bo tin mas tempu liber. Bo Salario pa ora (uurloon) ta subi. 3 Na vakantie un persona ku ta traha 40 ora ta akumulá mas ora di vakantie pa aña strukturalmente ku un ku ta traha 36 ora pa siman.
E pregunta ta, e eskoho, traha 36 ora pa siman ta depende den kua sektor bo ta traha? For di nos punto di bista ta Sí, e eskoho pa traha 36 ora pa siman ta depende grandemente den kua sektor bo ta traha, por ehempel. 1 Manera sektor Públiko i Gobernadó, na Boneiru, empleadónan di RCN i di OLB tin un siman di trabou di 36 ora komo norma desde 2022.
2 Den Sektor di Kuido i otro Sektornan Privá, na Boneiru, trahadónan den e sektor aki (manera den hospital òf kas di kuido) ta luchando aktualmente via sindikato pa hiba nan orario di 40 pa 36 ora pa siman, pa asina eliminá e desigualdat ku tin den e sektor públiko. 3
E legalisashon general, sigun e Arbeidswet 2000 BES e máksimo legal ta te ku 40 ora pa siman, pero ta permití 36 ora of menos pa siman ora ta trata di reglanan di kolektividat (CAO) òf kasonan ku ta determiná kua Kompania i empresa of sektor priva nan ta.
Un otro pregunta ku ta bin dilanti ta ku e Salario pa 36 ora ta baha òf e ta keda meskos ku e 40 ora? Den e kaso aki loke por pasa ta ku e salario por baha, ya ku si bo baha e kantidat di ora di trabou di 40 pa 36 ora pa siman, e pago ta wòrdu kalkulá proporshonalmente a menos ku tin un akuerdo espesífiko di dunadó di trabou òf un kambio den un Akuerdo Kolektivo di Trabou (CAO) ku ta stipulá ku e sueldo ta keda meskos.
Si nos wak bon kiko ta mas importante pa e trahado aworaki? Mas sèn òf mas tempu liber? E kontesta riba kiko ta mas importante pa un trahadó, si ta mas sèn (salario) òf mas tempu liber, ta dependé kompletamente di e situashon personal, edat, i prioridadnan ku e trahadó ta den. No tin un solo kontesta korekto, pasobra tur dos tin gran balor dependiendo di e nesesidad di bida ku e trahado ta desea.
Mi ta duna un bista kòrtiku dikon kada un ta importante. Por ehempel dikon mas sèn ta mas importante pa algun trahado? 1 Seguridat finansiero ta hunga un rol den e kaso aki pa kubri gastunan básiko manera kas, kuminda, i outo.
2 Metanan den bida, manera halsa e nivel di bida, fia sèn pa kumpra kas, òf prepara pa futuro, por ehempel un bon penshun. 3 Su Fase di bida tambe ta hunga un rol, hobennan ku ta biba nan so pa promé biaha òf personanan ku tin famia grandi hopi biaha ta skohe pa traha oranan èkstra (overtime) pa gana mas.
Den e kaso aki pensa riba loke nos konose komo nevenarbeid. Awor dikon mas tempu liber ta mas importante pa otro trahadonan? Paso e por trese 1 Salú mental den balansa i Prevení e asina yamá (Burnout) i baha stress.
2 Paso e por trese tambe famia i bida personal huntu pa pasa tempu ku yunan i mayornan grandi, òf amigunan. 3 Tambe nan tin tempu pa dediká na kosnan ku nan gusta manera, Hobby pafo di oranan di trabou òf pa sigui kualke estudio.
Un tendensia aktual ta ku, den e último añanan, spesialmente serka e generashonnan mas hóben, tin un tendensia grandi kaminda e balansa entre bida privá i trabou i e tempu liber ta wordu balorá mesun tantu òf asta mas ku un Salario.
Ta pesei analisando tur e puntonan trese aki mi ta kere lo ta bon pa tur instansianan konserni manera (Gobiernu, Sindikatonan i Doñonan di trabou) bini huntu pa revisa nos leinan laboral (Arbeidswet 2000 BES) i trese esaki den balansa ku ta kuadra ku e tempu ku nos ta biba aden aworaki.
Paso un bida laboral bon balansa ta garantisa un win win situatie. Laga nos pensa riba un GOED WERKGEVERSCHAP en een GOED WERKNEMERSCHAP konforme nos Burgelijke Wetboek BES B7a. Art 1614y i 1615d.
FUENTE: RENNY WINKLAAR.
GIPHY App Key not set. Please check settings