DIKON PROYEKTONAN FINANSHÁ VIA “BIJZONDERE UITKERING” TA STANKA

Kralendijk,- Komo siudadano preokupá pa progreso i bon gobernashon di nos pais, mi ta kuestiona paradero di tres proyekto di gran importansia pa nos komunidat. Ta di konosi ku Hulanda a aprobá i a duna e fondonan nesesario pa medio di bijzondere uitkering. Pero maske e sennan tei kaba, tog e siguiente proyektonan aki ta stanka I perdi.

Esaki a lanta un gran insertidumbre den pueblo. Den kaya, e rumor a bira mas fuerte ku ta wantando e ehekushon di e trabounan aki ku e propósito, simpel pa buska tur manera pa pasa e kontratonan aki pa “kompichinan” i amigu nan

Aki nos ta papia pa awor di 3 proyekto

• Panel Solar na Skol: E fondonan aki ta destiná pa baha e kosto haltu di energia den nos enseñansa i pa promove un futuro mas sostenibel pa nos yunan. Awe, e proyekto ta stanká sin ningun splikashon formal. I pa no papia mes di e kalor imenso ku ta hasi.
• Desaroyo di Tereno Pariba di Ambachtschool: E bijzondere uitkering ta spesifikamente aproba pa drecha i infrastrukturá e tereno aki pa asina pone e konteiner nan einan I hasi e tereno dilanti di stadion di Playa bashi. Sin embargo, no ta mira ningun moveshon miéntras e tereno ta keda den mesun estado lamentable I e konteiner nan na un luga di deporte ku ta stadion di Playa.
• Transporte Públiko:  Nos a kompronde ku e sistema nobo di transporte públiko lo a ranka sali na yüli último. I awor mester kompronde ku e transporte publiko lo kuminsa te otro ana prome ku elekshon, pa asina nan por gana voto. Mientras ku pueblo ta sklama pa e transporte publiko aki mintras ku e gastunan manera gasoline I gasoil ta sigui subi I ta mata nos pueblo

Bon gobernashon ta eksihi ku e fondonan públiko pero tambe esnan risibí via un bijzondere uitkering pa mehorá nos infrastruktura i kalidat di bida mester wordu usá ku integridad, seriedat i sin ningun tipo di favoritismo polítiko.

Nos ta hasi un yamada na e gobiernu aki pa bin dilanti I duna kuenta i rason, i splika kiko realmente ta pasando ku e wantamentu nan aki.

Na mes momentu nos kier a gradisi e gobièrnu aki, pa e echo ku sikiera nan ta saka tur e proyektonan ku a keda debidamente prepará i laga atras pa e gobièrnu anterior di Partido Demokrat. E realidad ta ku no keda nan nada otro di hasi tampoko, pasobra si nan no saka e proyektonan eksistente aki, nan lo no tin a ni un solo logro di nan mes pa por broma ku ne dilanti di pueblo.

Prueba real ku pueblo por mira ku apesar di tur e kritika nan ku tabata tin dor di oposishon. Awor ta tur e proyekto nan di e gobiernu di Partido Demokrat mes, mester a sali I no por wanta nan mas. Apesar manera ku ta hasiendo aworki ku e panelnan solar, e tereno pa warda konteiner na Stadion por hala un rosea I e transporte publiko ku pueblo mester di dje awor!!!

FUENTE: ALSI ANTHONY