Redakshon
Kralendijk – E aña aki, SKAL di Entidat Públiko Boneiru (EPB) a bolbe entregá Sambarku di Estímulo. Q’sheantely Martines i Natanael Melaan a risibí e rekonosementu akí pa motibu di nan talento, dedikashon i kontribushon na komunidat.
Un empuhe èkstra
Sambarku di Estímulo ta eksistí for di 2005 i a sali for di SKAL (Sekshon di Kultura, Arte i Literatura), den kooperashon ku Hubert Vis. E rekonosementu ta destiná pa hendenan di e komunidat boneriano ku ta dediká nan mes na yuda otro i ta hasi un kontribushon positivo na komunidat.
E Sambarku di Estímulo no ta solamente un apresio pa loke un hende a logra, sino tambe un estímulo pa sigui krese i sigui inspirá otro.
Q’sheantely Martines
Q’sheantely Martines ta un talento hóben polifasétiko riba tereno di baile, teatro, deporte, skirbimentu, kontamentu di kuenta (arte di presentashon). El a yega di representá Boneiru positivamente tantu lokalmente komo regionalmente i logra vários título i premio.
For di chikitu, e ta aktivo ku baile i deporte i ademas ta traha tempu pa yuda otro. Den su tempu liber e ta kompartí ku otro su talentonan i konosementu balioso. Na 2026 el a lanta su propio grupo di baile The Royal Dances, ku kua e ta guia i inspirá 23 mucha. Di e manera akí e ta kontribuí na desaroyo di talento i traspaso di kultura boneriano. Su famia a risibí e Sambarku di Estímulo na su nòmber.
Natanael Melaan
Natanael Melaan tambe ta kombiná vários talento. For di edat hóben e ta aktivo ku deporte i ta dediká tempu na músika i komposishon. Su pashon pa músika i komposishon a kondusí entre otro na partisipashon na Festival di Tumba. Ademas e ta guia i stimulá talentonan musikal hóben. E tambe den su tempu liber ta yuda otro kompartiendo su konosementu i talento.
Na 2024 el a lanta su propio banda pa kompañá muchanan musikalmente durante Festival di Tumba di Mucha. Su yu muhé Narghelly Melaan a gana e aña ei e kategoria hubenil ku e kantika ‘Rincon ta Gradisí bo’. Na 2026 durante Festival Kanta bo Boneiru a bolbe koroná un komposishon di Natanael. Juliendra Janga e gana e kategoria hubenil ku e kantika ‘E mensahe pa un mihó Boneiru’.
Un nochi bunita
Durante e entrega di Sambarku di Estímulo a para ketu na e trayektorio, desaroyo i prestashonnan di tur dos persona. Famianan, invitadonan i representantenan di EPB tabata presente.
Ku rekonosementu di Q’sheantely Martines i Natanael Melaan, SKAL ta kontinuá ku un tradishon ku a kuminsá mas di binti aña pasá: rekonosé talento, balorá dedikashon i stimulá hende pa sigui krese.
FUENTE: OLB/LIVE99FM
NEDERLAND:
SKAL EERT Q’SHEANTELY MARTINES EN NATANAEL MELAAN MET SAMBARKU DI ESTÍMULO
Kralendijk – SKAL van het Openbaar Lichaam Bonaire (OLB) heeft dit jaar opnieuw de Sambarku di Estímulo uitgereikt. Q’sheantely Martines en Natanael Melaan ontvangen deze erkenning vanwege hun talent, inzet en bijdrage aan de gemeenschap.
Een extra duwtje in de rug
De Sambarku di Estímulo bestaat sinds 2005 en is ontstaan vanuit SKAL (Sekshon di Kultura, Arte i Literatura), in samenwerking met Hubert Vis. De erkenning is bedoeld voor mensen uit de Bonairiaanse gemeenschap die zich inzetten voor anderen en een positieve bijdrage leveren aan de samenleving.
De Sambarku di Estímulo is niet alleen een waardering voor wat iemand heeft bereikt, maar ook een aanmoediging om verder te groeien en anderen te blijven inspireren.
Q’sheantely Martines
Q’sheantely Martines is een veelzijdig jong talent op het gebied van dans, theater, sport, schrijven, het vertellen van een verhaal (voordrachtskunst). Zij heeft Bonaire zowel lokaal als regionaal positief vertegenwoordigd en verschillende titels en onderscheidingen behaald.
Zij is vanaf jongs af actief in dans en sport en zet zich daarnaast in voor anderen. In haar vrije tijd zet zij zich in om haar waardevolle talenten en kennis over te dragen aan anderen. In 2026 richtte zij haar eigen dansgroep The Royal Dancers op, waarmee zij 23 kinderen begeleidt en inspireert. Op deze manier draagt zij bij aan talentontwikkeling en de overdracht van de Bonairiaanse cultuur. Haar familie heeft de Sambarku di Estímulo in ontvangst genomen.
Natanael Melaan
Ook Natanael Melaan combineert verschillende talenten. Hij is op jonge leeftijd actief in de sport en houdt zich bezig met muziek en compositie. Zijn passie voor muziek en componeren leidde onder meer tot deelname aan het Tumba Festival. Bovendien begeleidt en stimuleert hij jonge muziektalenten. Ook hij helpt in zijn vrije tijd andere mensen door zijn kennis en talenten te delen.
In 2024 richtte hij zijn eigen band op om kinderen muzikaal te begeleiden tijdens het Kinder Tumba Festival. Zijn dochter Narghelly Melaan won dat jaar de jeugdcategorie met het lied “Rincon Ta Gradisí Bo”. In 2026 werd tijdens het Festival Kanta Bo Boneiru opnieuw een compositie van Natanael bekroond. Juliendra Janga won de jeugdcategorie met het lied “E mensahe pa un mihó Boneiru”.
Een mooie avond
Tijdens de uitreiking van de Sambarku di Estímulo werd stilgestaan bij het verhaal, de ontwikkeling en de prestaties van beide ontvangers. Familieleden, genodigden en vertegenwoordigers van het OLB waren hierbij aanwezig.
Met de erkenning van Q’sheantely Martines en Natanael Melaan zet SKAL een traditie voort die ruim twintig jaar geleden is begonnen: talent herkennen, inzet waarderen en mensen stimuleren om verder te groeien.
GIPHY App Key not set. Please check settings