EPB TA KAPASITÁ PROFESHONALNAN DEN GUIA DI GRUPONAN VULNERABEL

Kralendijk – Entidat Públiko Boneiru (EPB) a kuminsá e siman akí ofisialmente ku un entrenamentu Train de Trainers – Empoderamentu di Hende Muhé. E entrenamentu ta pa profeshonalnan ku ta traha ku gruponan vulnerabel, bou di kua hende muhé hóben. E entrenamentu ta konsistí di 5 dia di entrenamentu, siguí pa un entrenamentu on-the-job na tres di e organisashonnan ku ta partisipá.

For di ougùstùs aña pasá, EPB via Direktorado Komunidat i Kuido huntu ku Stichting Lezen en Schrijven di Hulanda ta traha na empoderamentu di profeshonalnan. Aña pasá mas ku trinta profeshonal a sigui entrenamentu tokante empoderamentu, paternidat, finansa i trabou.

Ku e entrenamentu akí, profeshonalnan ta haña konosementu, abilidat i instrumentonan práktiko pa guia hende mihó na mas outonomia i independensia ekonómiko. E entrenamentu ta dirigí su mes spesialmente riba hende muhé hóben for di 16 aña, bou di kua mamanan soltero ku por ehèmpel ta enfrentá desempleo, debe, violensia doméstiko i oportunidatnan limitá riba tereno di enseñansa i desaroyo.

Por apliká e konosementu for di e entrenamentu direktamente den práktika diario i por kompartí esaki ku kolega i otro profeshonal. Ademas ta organisá entrenamentu na trabou den tres organisashon partisipante. Durante e entrenamentu on-the-job akí, e profeshonalnan ta pone loke nan a siña den práktika i nan mes ta duna entrenamentu na e grupo di enfoke.

Durante e seremonia di inisio, diputado Silberie a enfatisá importansia di e ròl di profeshonalnan: “Boso por hasi e diferensia mirando no solamente loke un hende no por, sino hustamente loke un hende sí por i kua ta e posibilidatnan ku tin ainda.”

EPB ta gradisí Stichting Lezen en Schrijven i tur organisashon i profeshonal ku a partisipá pa nan esfuerso i kolaborashon.

FUENTE: OLB/LIVE99FM

NEDERLAND:

HET OLB VERSTERKT PROFESSIONALS IN HET BEGELEIDEN VAN KWETSBARE GROEPEN

Kralendijk – Het Openbaar Lichaam Bonaire (OLB) heeft deze week de vervolgtraining Train de Trainers – Empowerment Women officieel geopend. De training is bedoeld voor professionals die werken met kwetsbare doelgroepen, waaronder jonge vrouwen. De training bestaat uit 5 trainingsdagen, gevolgd door een on-the-job training bij drie van de deelnemende organisaties.

Het OLB werkt sinds augustus vorig jaar, via de Directie Samenleving en Zorg, samen met Stichting Lezen en Schrijven uit Nederland aan het versterken van professionals. In het afgelopen jaar hebben ruim dertig professionals trainingen gevolgd over onder andere empowerment, ouderschap, financiën en werk.

Met deze vervolgtraining krijgen professionals kennis, vaardigheden en praktische hulpmiddelen om mensen beter te begeleiden naar meer zelfstandigheid en economische onafhankelijkheid. De training richt zich in het bijzonder op jonge vrouwen vanaf 16 jaar, onder wie alleenstaande moeders die te maken kunnen hebben met bijvoorbeeld werkloosheid, schulden, huiselijk geweld of beperkte kansen op het gebied van onderwijs en ontwikkeling.

De kennis uit de training kan direct worden toegepast in de dagelijkse praktijk en worden gedeeld met collega’s en andere professionals. Daarnaast worden binnen drie deelnemende organisaties trainingen op de werkvloer verzorgd. Tijdens deze on-the-job training brengen de professionals wat ze hebben geleerd in de praktijk en verzorgen zij trainingen voor de doelgroep zelf.

Tijdens de opening benadrukte gedeputeerde Silberie het belang van de rol van professionals: “U kunt het verschil maken door niet alleen te kijken naar wat iemand niet kan, maar juist naar wat iemand wél kan en welke mogelijkheden er nog zijn.”

Het OLB bedankt Stichting Lezen en Schrijven en alle deelnemende organisaties en professionals voor hun inzet en samenwerking.