REMIGIA TA RIBA KAYA KU SU HYUNDAI COSITA LINDA

Kralendijk–Promé dia di e siman aki, a entrega Remigia Wijman e Hyundai Tucson 2026 nobo nobo. Un bunita selebrashon organisá pa Fundashon Wega Di Number Boneiru (FWNB) e momentu di entrega di e outo na su doño.

Brandingpartnersnan tabata presente, miembronan di prensa i diferente hende mas. Dimes Remigia tabata presente ku su famia, spesialmente e shafer ku mester a stür e bunita Hyundai Tucson. Huntu ku Anne Marie Mercera direktor di FWNB, a hasi entrega di e yabi na Remigia. Aimed Ayubi i su tim tabata masha kontentu pa entrega e outo na Remigia. Promé ku a entrega e yabi na Remigia, el a haña diferente regalo huntu ku e outo. E outo ta sigurá allrisk i e ta haña servisio pa un aña grátis di mantenshon na Akkermans Auto Suplies. Aserka, Boy Martines a regalá Remigia un pakete kompletu pa e pasa e proseso pa yega na reibeweis. E ta haña un servisio pa hasi e glasnan di outo skur grátis, serka Bryan. E úniko kos ku Remigia mester hasi awor ta yena gasolin den e outo. E no mester preokupá ku nada mas.

Anne Marie di FWNB ekspresá kon kontentu e ta ku Remigia. E sa ku Remigia ta kumpra number tur dia i a bis’e kòrda momentu ku no por, sea ta kumpra 1 dòler òf 25 sèn na number òf no pasa kaminda tin kantor di number. No ta nesesario momentu ku no ta posibel. Ku mi por kòrda nunka mi a mir’e pasa pa kobra un premi grandi. Awe ta e dia ku e ta aki a un premio grandi. Remigia ta kontribuí hopi den nos deporte na Boneiru. Pasobra momentu e no gana, e sèn ta bai pa organisashonnan di deporte. Pues ta Dios mes a bendishon’é ku un outo. Un bunita outo i nos tur ta kontentu kubo. Awe si bo ta bai kas ku bo Cosita Linda manera bo a yam’e.

 Aimed di Radio Live 99.9FM a duna Remigia mikrofon pa e papia. “Na promé lugá mi ta yama danki na Papa Dios, ku a laga e suèltu pa gana e outo bini serka ami. Danki tambe na Juanita Richardson di Pacejanari. Mi ta di Antriol i ta bai bendishoná e outo i Aimed ta padrinu, mi suegro Pamela Beukenboom ta madrina na misa na Antriol, serka pader Marc. Mucha di Antriol mi ta! Cosita Linda ta riba kaya, pa mi disfrutá di dje.”

E anochi Remigia a gosa, balia un par di piesa manera e gusta. E por laga di ta shafer, pero riba dos pia si e por stür kualke persona pa kue poko bunita pasa. Tur hende a deseá Remigia tur klase di éksito ku su outo i traha duru pa yega na e reibeweis, ya no mester molestiá shafernan.

Aimed a bisa e outo pa e kampaña di 2026 ta bira un outo eléktriko, BYD.

      

FUENTE: FITTIPALDI PIETERSZ