KUATER TRÙK DI SUSHI NOBO NA KAMINDA PA BONEIRU

Kralendijk – Den e periodo binidero ta mehorá rekohementu di sushi na Boneiru ku binida di kuater trùk di sushi nobo pa Selibon. A bestèl e vehíkulonan i segun espektativa nan ta keda entregá fin di òktober 2026. E trùknan nobo ta forma un paso importante den mehorashon struktural di rekohementu di sushi na Boneiru.

Diputado Dennis Martinus: “Ku e kuater trùknan di sushi akí nos por sigui mehorá rekohementu di sushi na Boneiru. Den e periodo tras di lomba ya kaba a pone diferente paso pa stabilisá e situashon na Selibon. Nos ta sigui traha riba esaki huntu ku Selibon, di manera ku nos habitantenan por konta ku rekohementu di sushi na un manera adekuá i konfiabel.”

Medida di emergensia pa stabilisá e situashon na Selibon

Den luna di febrüari ya kaba a kumpra dos trùk pa por atendé ku e problemanan di kapasidat di rekohementu. A invertí tambe den otro ekipo ku ta kore, piesa di reserva, i sosten pa mantenshon di e flota di vehíkulo. E invershon den e trùknan di sushi ta forma parti di un pakete mas grandi di medida di emergensia ku for di luna di aprel Kolegio Ehekutivo a bini kuné komo parti di e ‘last onder bestuursdwang’ pa stabilisá e situashon na Selibon i na lèntfel Lagun. Durante e ehekushon Kolegio Ehekutivo a pone medionan adishonal disponibel kaminda esaki tabata nesesario.

Aparte di e trùknan di sushi a invertí tambe den ekipo pisá, entre otro un ‘wheel loader’, un dòmtrùk, un ‘landfill compactor’ i un katapila. Ya kaba nan a entregá e ‘wheel loader’. Segun espektativa nan ta entregá e otro mashinnan den luna di òktober. Entidat Públiko Boneiru a pone medionan disponibel tambe pa limpiesa di e almasenamentu di tayer, pa un sistema nobo di traha na lèntfel i pa mehorashon di e posishon finansiero i operashonal di Selibon.

Entretantu resultado di e medidanan ta visibel kaba. E molèster direkto pa e bisindario, entre otro riesgo pa kandela, plaga i holó stinki, a bira ménos.

Futuro di rekohementu di sushi na Boneiru

Aktualmente un investigashon ta andando pa skohe e mihó sitio pa realisá un sentro nobo di transbordo i separashon multifunshonal. Awor ku gran parti di e medidanan di emergensia ta finalisá, e atenshon ta bai mas i mas riba un maneho di sushi struktural i duradero pa futuro di Boneiru.

FUENTE: OLB/LIVE99FM

NEDERLAND:

VIER NIEUWE VUILNISWAGENS ONDERWEG NAAR BONAIRE

Kralendijk –De afvalinzameling op Bonaire wordt de komende periode verder versterkt met de komst van vier nieuwe vuilniswagens voor Selibon. De voertuigen zijn inmiddels besteld en worden naar verwachting eind oktober 2026 geleverd. De vier nieuwe vuilniswagens vormen een belangrijke volgende stap in het structureel verbeteren van de afvalinzameling op Bonaire.

Gedeputeerde Dennis Martinus: “Met deze vier nieuwe vuilniswagens kunnen we de afvalinzameling op Bonaire verder verbeteren. De afgelopen periode zijn al verschillende stappen gezet om de situatie bij Selibon te stabiliseren. We blijven hier samen met Selibon aan werken, zodat inwoners kunnen rekenen op een goede en betrouwbare afvalinzameling.”

Noodmaatregelen om de situatie bij Selibon te stabiliseren

In februari werden al twee vuilniswagens aangeschaft om de acute problemen met de inzamelcapaciteit op te vangen. Ook is geïnvesteerd in ander rijdend materieel, kritieke reserveonderdelen en ondersteuning voor het onderhoud van het wagenpark. De investeringen in de vuilniswagens maken onderdeel uit van een breder pakket aan noodmaatregelen dat het Bestuurscollege sinds april 2025 heeft ingezet als onderdeel van de Last onder Bestuursdwang om de situatie bij Selibon en op de stortplaats Lagun te stabiliseren. Waar nodig heeft het Bestuurscollege gedurende de uitvoering aanvullende middelen beschikbaar gesteld.

Naast de vuilniswagens is geïnvesteerd in zwaar materieel, waaronder een wheel loader, dumptruck, landfill compactor en bulldozer. De wheel loader is al geleverd; de overige machines worden naar verwachting in oktober geleverd. Ook heeft het OLB middelen beschikbaar gesteld voor het opruimen van de bandenopslag, een nieuwe werkwijze op de stortplaats en het verbeteren van de financiële en operationele positie van Selibon.

De resultaten van de maatregelen zijn inmiddels zichtbaar. De directe overlast voor de omgeving, waaronder brandrisico’s, ongedierte en stank, is afgenomen.

Toekomst van de afvalinzameling op Bonaire

Momenteel loopt het onderzoek naar de locatiekeuze van een nieuw multi-inzetbaar overslag- en scheidingscentrum (MOSC). Met het grotendeels afronden van de noodmaatregelen verschuift de aandacht steeds meer van acute interventies naar een structurele en toekomstbestendige inrichting van het afvalbeheer op Bonaire.