SIUDADANO ALSI ANTHONY TA KONTENTU KU E GOBIÈRNU AKTUAL TA DUNA KONTINUIDAT NA E PROYEKTO NAN DEPORTIVO

Kralendijk,- Komo un siudadano, miembro di Partido Demokrat  i amante di deporte, mi kier ekspresá mi mas profundo satisfakshon pa e desishon di e gobièrnu aktual ta duna kontinuidat na e proyektonan deportivo masal den nos barionan di e gobiernu anterior.

Ta di aplaudí ku ta sigui ku e mehorashon i renobashon di e velt di Ama’s naTera Kòrá I e velt di Teach United na Palí Tamarein, ku ta proyektonan di gran importansia ku a keda inisiá pa e gobièrnu anterior di Partido Demokrat (PDB). E inversion den e fasilidatnan aki ta un paso mas pa nos deportistanan ku pa añanan tabata anhelá espasiónan adekua pa hasi deporte.

E tipo di inversionnan aki no ta simplemente pone un tereno ku yerba artificial o mehorá lus; nan ta un inversion den e salú físiko, mental i den e futuro di nos komunidad:

Manera;

• Oportunidat pa hubentut: E ta saka nos hòben nan for di kaya i duna nan un ambiente sigur pa desaroyá nan talento.
• Unifikashon di bario: E veltnan aki ta e kurason di interakshon pa famia, bisiña, i deportistanan di tur edat.
• Salú i bienestar: Fasilidatnan na bon estado ta motivá mas hende pa keda aktivo.
• Mantenshon: Mester bin ku un plan pa mantene tur e velt nan. Lota un bon opshon pa kada un velt hanja un persona pa mantene i kontrola e velt nan.

Ora un gobièrno ta demostrá pa duna kontinuidat na proyektonan ku e gobièrnu anterior a inisiá, e pueblo ta esun ku ta sali ganá.

Komo siudadano i miembro di Partido Demokrat mi ke hasi un yamada di atenshon i un petishon pa kòrda tambe pa duna kontinuidat na e proyektonan na Rincon, manera:

• E velt di béisbòl na Rincon
• E velt multifunsional na Rincon

Rincon tin un tradishon deportivo riku i hopi talento ku ta meresé fasilidatnan di kalidat. Mi ta spera ku e mesun energia i fondonan aki lo keda destiná tambe pa e proyektonan na Rincon i sobra barionan di nos isla.

Nos ta keda pendiente

FUENTE: ALSI ANTHONY