PRIDE WEEK TA DEDIKÁ NA RÈSPÈT, INKLUSHON I UNION

Kralendijk – Luna di yüni ta dediká rònt mundu na inklushon, igualdat i rèspèt pa tur hende. Na Boneiru tambe e balornan akí ta para sentral durante Pride Week, ku ta tuma lugá for di 13 te ku 21 di yüni 2026.

E tema di Pride Bonaire e aña akí ta ‘Uní’. Un yamada pa konekshon, solidaridat i rèspèt pa otro.

Kolegio Ehekutivo di Entidat Públiko Boneiru ta enfatisá importansia di un sosiedat kaminda tur hende por sinti nan mes bon biní, sigur i respetá. Boneiru ta un komunidat kaminda hende di diferente desendensia, konvikshon i manera di biba ta biba huntu. Hustamente e diversidat ei ta hasi nos isla fuerte.

Tur hende meresé pa trata nan ku dignidat i rèspèt, sin importá koló di kueru, orígen, etnisidat, kreensia, sekso òf orientashon seksual. Rèspèt pa otro ta forma base di un komunidat sólido. Huntu nos ta kontribuí na un sosiedat kaminda rèspèt i union ta para sentral.

Pride Week ta ofresé un momento pa reflehá riba e balornan akí i riba loke ta konektá nos. Kolegio Ehekutivo ta stimulá habitante pa sigui trata otro ku frankesa i rèspèt, i pa sigui konstruí huntu na un Boneiru kaminda tur hende por ta nan mes i sinti nan mes na kas.

Pa mas informashon tokante diferente aktividat i evento durante Pride Week, por sigui e página di Facebook: ‘Pride Bonaire’. Aki ta kompartí e programa kompleto i ta publiká último informe tokante diferente aktividat.

FUENTE: OLB/LIVE99FM

NEDERLAND:

PRIDE WEEK STAAT IN HET TEKEN VAN RESPECT, INCLUSIE EN VERBONDENHEID

Kralendijk –Juni staat wereldwijd in het teken van inclusie, gelijkwaardigheid en respect voor iedereen. Ook op Bonaire staan deze waarden centraal tijdens Pride Week, die plaatsvindt van 13 tot en met 21 juni 2026.

Dit jaar staat Pride Bonaire in het teken van ‘Uní’. Een oproep tot verbinding, saamhorigheid en respect voor elkaar.

Het Bestuurscollege van het Openbaar Lichaam Bonaire benadrukt het belang van een samenleving waarin iedereen zich welkom, veilig en gerespecteerd voelt. Bonaire is een gemeenschap waarin mensen met verschillende achtergronden, overtuigingen en levenswijzen samenleven. Juist die diversiteit maakt ons eiland sterk.

Iedereen verdient het om met waardigheid en respect behandeld te worden, ongeacht huidskleur, afkomst, etniciteit, geloof, geslacht of seksuele oriëntatie. Respect voor elkaar vormt de basis van een hechte gemeenschap. Samen maken we ruimte voor ieders verhaal en dragen we bij aan een samenleving waarin respect en verbondenheid centraal staan.

Pride Week biedt een moment om stil te staan bij deze waarden en bij wat ons verbindt. Het Bestuurscollege moedigt inwoners aan om elkaar met openheid en respect te blijven benaderen en samen te bouwen aan een Bonaire waar iedereen zichzelf kan zijn en zich thuis voelt.

Voor meer informatie over de activiteiten en evenementen tijdens Pride Week kunnen inwoners de Facebookpagina van Pride Bonaire volgen. Hier wordt het volledige programma gedeeld en worden updates over de verschillende activiteiten gepubliceerd.