INSTALASHON DI PADER BAAK NA PAROKIA SAN LUIS BELTRAN

Kralendijk,- Entrante promé di desèmber parokia di Rincon tin un pastor nobo den persona di pastor Alphonsus Baak.

Pastor Baak no ta un deskonosí bou di parokianonan di Rincon. Pastor Baak a yega di selebrá Eukaristia na Rincon na diferente okashon.

Pastor Baak lo keda instalá dia 8 di desèmber pa 9or di mainta. E Santa Eukaristia di 7or di mainta riba 8 di desèmber ta keda kanselá. Pastor Marc vikario episkopal di Boneiru ta enkargá ku e instalashon.  Despues di Santa Eukaristia lo tin un salú pa asina nos yama pastor Baak bon bini na nos parokia di Rincon. Entrante promé di desèmber lo tin orarionan nobo pa selebrashon di Santa Eukaristia na parokia di San Luis Beltran na Rincon.

E orarionan nobo adaptá ta ku tur djaluna i djárason Santa Eukaristia lo ta 7or di anochi i riba djadumingu selebrashon di Santa Eukaristia ta 7or i 9or di mainta.

Parokia di Rincon ta yama danki na pader Alton Fraai ku tabata e selebrante di Santa Eukaristia na Rincon pa kasi full un aña.

FUENTE: PAROKIA SAN LUIS BELTRAN/LIVE99FM