BONAIRE ANGELS TA ORGANISÁ 13 EDISHON `CARIBBEAN WOMEN 35+ SOFTBALL TOURNAMENT`

BONAIRE TA REUNIÍ EKIPO DI SÒFTBÒL FOR DI KARIBE I HULANDA DI 22 TE KU 25 DI ÒKTOBER 2026.

Kralendijk,- Di 22 te ku 25 di òktober 2026, Boneiru lo ta anfitrion di e  13 edishon di `Caribbean Women 35+ Softball Tournament`. Bonaire Angels ta organisá e torneo internashonal aki, ku partisipashon di ekipo for di entre otro, Boneiru, Kòrsou, Aruba, Sint Maarten i Hulanda.

Meta di e torneo ta pa reunÍ damanan ku ta kompartí pashon pa sòftbòl i ta fortalesé  lasonan deportivo i kultural entre e islanan di Karibe i Hulanda. Ku esaki, e evento no ta solamente un kompetensia deportivo, sino tambe un oportunidat pa komunidatnan ku tin lasonan históriko i kultural ku otro topa.

Kuater dia di sòftbòl

Partidonan lo tuma lugá na Jossy Boekhoudt Ballpark. E programa ta kuminsá djaweps 22 di òktober ku partidonan amistoso i regular. Djabièrnè 23 di òktober lo tin  seremonia di apertura, siguí pa mas wega riba djasabra. Djadumingu 25 di òktober lo tin  semifinal i  gran final. E final ta kuminsá pa 18:15 or.

Bonaire Angels ta risibí e ekiponan partisipante ku e meta pa organisá un torneo deportivo kaminda hospitalidat ta sentral. E kategoria di edat 35+ ta mustra ku entusiasmo, kompetensia i ambishon deportivo ta sigui hunga un papel importante, asta na un edat mas avansá.

Un brùg entre Karibe i Hulanda

E balor agregá di e torneo ta den e enkuentro entre hungadónan for di diferente pais i kultura. Riba tereno nan ta rival, pero pafó di tereno nan ta kompartí eksperensia, forma amistat i fortalesé kontaktonan ku otro.

Den un region kaminda lasonan familiar, migrashon i relashonnan históriko ta konektá e islanan ku Hulanda, deporte ta ofresé un manera aksesibel pa mantené e lasonan aki bibu i pa krea konekshonnan nobo.

Ku e lema “Same Passion, New Memories!” (Mesun Pashon, Rekuerdonan Nobo!), e di 13 edishon aki ta pone énfasis riba deporte, union i kreashon di rekuerdonan nobo.

Organisashon ta spera un gran asistensia di públiko i ta invitá tur habitante i bishitante pa bin animá e ekiponan.

Informashon di e evento

• Evento: 13 edishon di `Caribbean Women 35+ Softball Tournament` 2026
• Fecha: 22–25 di òktober 2026
• Lugá: Jossy Boekhoudt Ballpark, Boneiru
• Organisashon: Bonaire Angels
• Paisnan i islanan partisipante: Boneiru, Kòrsou, Aruba, Sint Maarten i Hulanda
• Gran final: Djadumingu 25 di òktober pa 18:15 or

FUENTE: BONAIRE ANGELS/LIVE99FM

NEDERLAND:

BONAIRE ANGELS ORGANISEERT 13E CARIBBEAN WOMEN 35+ SOFTBALL TOURNAMENT

BONAIRE BRENGT VAN 22 TOT EN MET 25 OKTOBER 2026 SOFTBALTEAMS UIT HET CARIBISCH GEBIED EN NEDERLAND SAMEN.

Kralendijk,- Van 22 tot en met 25 oktober 2026 is Bonaire gastheer van de 13e editie van het Caribbean Women 35+ Softball Tournament. De Bonaire Angels organiseren dit internationale toernooi, waaraan teams uit onder meer Bonaire, Curaçao, Aruba, Sint Maarten en Nederland deelnemen.

Het toernooi brengt vrouwen met een gedeelde passie voor softbal samen en versterkt de sportieve en culturele banden tussen de Caribische eilanden en Nederland. Daarmee is het evenement niet alleen een sportieve competitie, maar ook een ontmoetingsmoment voor gemeenschappen die historisch en cultureel met elkaar verbonden zijn.

Vier dagen softbal op Bonaire

De wedstrijden worden gespeeld op het Jossy Boekhoudt Ballpark. Het programma begint op donderdag 22 oktober met vriendschappelijke en reguliere wedstrijden. Op vrijdag 23 oktober vindt de openingsceremonie plaats, gevolgd door verdere poulewedstrijden op zaterdag. Op zondag 25 oktober staan de halve finales en de grote finale op het programma. De finale begint om 18.15 uur.

De Bonaire Angels ontvangen de deelnemende teams met als doel er een sportief en gastvrij toernooi van te maken. De leeftijdscategorie 35+ laat zien dat enthousiasme, competitie en sportieve ambitie ook op latere leeftijd een belangrijke plaats innemen.

Een brug tussen het Caribisch gebied en Nederland

De bijzondere waarde van het toernooi ligt in de ontmoeting tussen speelsters uit verschillende landen en culturen. Op het veld zijn zij tegenstanders, maar daarbuiten delen zij ervaringen, bouwen zij vriendschappen op en versterken zij onderlinge contacten.

In een regio waar familiebanden, migratie en historische relaties de eilanden en Nederland met elkaar verbinden, biedt sport een laagdrempelige manier om die banden levend te houden en nieuwe verbindingen te creëren.

Met het motto “Same Passion, New Memories!” staat deze 13e editie in het teken van sportiviteit, saamhorigheid en nieuwe herinneringen. De organisatie hoopt op een grote belangstelling van het publiek en nodigt inwoners en bezoekers uit om de teams te komen aanmoedigen.

Evenementgegevens

• Evenement: 13e Caribbean Women 35+ Softball Tournament 2026
• Datum: 22–25 oktober 2026
• Locatie: Jossy Boekhoudt Ballpark, Bonaire
• Organisatie: Bonaire Angels
• Deelnemende landen en eilanden: Bonaire, Curaçao, Aruba, Sint Maarten en Nederland
• Finale: zondag 25 oktober om 18.15 uur