Redakshon
Kralendijk- Ku un grupo di 13 mucha kontentu, mas konsiente i mihó informá, Sentro Akseso a klousurá dia 26 di òktober último, e kurso “Konose Bo Kurpa”, dirigí na muchanan den edat di 9 te ku 11 aña. Durante seis siman, e muchanan a reuní un biaha pa siman pa eksplorá diferente tópiko importante relashoná ku nan desaroyo personal, físiko i emoshonal.
E kurso “Konose Bo Kurpa” tin komo meta pa yuda muchanan komprondé mihó e kambionan ku nan ta eksperensiá durante nan kresementu, i alabes fortalesé nan konosementu, konfiansa den nan mes i kapasidat pa hasi eskoho konsiente.
Durante e seis simannan, a trata tópikonan manera desaroyo di kurpa i mente, higiena personal, norma i balor, balor propio, influensia di grupo (peer pressure) i intimidashon (bullying).
Un espasio sigur pa siña, papia i krese
E grupo, konsistiendo di mucha muhé i mucha hòmber, a mustra un partisipashon aktivo i positivo durante henter e trayekto. E muchanan a demostrá ku nan ta kapasitá pa distinguí entre komportashon adekuá i inadekuá, skucha opinion di otro i ekspresá nan propio pensamentunan.
E kurso no solamente a brinda nan konosementu nobo, sino tambe a krea un ambiente sigur kaminda nan por a hasi pregunta, kompartí eksperensia i siña for di otro.
E importansia di komunikashon entre mayor i yu
Sentro Akseso Boneiru ta enfatisá ku e edukashon di un mucha no ta terminá den un kurso. E ròl di mayor, tutor i otro adulto di konfiansa ta esensial den e desaroyo di un mucha.
Papia tokante desaroyo di kurpa, emoshon i e desafionan ku muchanan ta enfrentá mester bira un parti natural di e komunikashon entre mayor i yu. Pa e motibu aki Sentro Akseso ta animá mayornan pa kibra e tabú i e miedu ku por eksistí rondó di e tópikonan aki.
Ora un mucha sinti ku e por papia libermente, sin miedu di ser husgá, nos ta krea un base di konfiansa ku ta yuda e mucha sinti su mes sigur i sostené.
“Un mucha bon informá ta un mucha mas resiliente.”
Un mucha ku tin konosementu tokante su kurpa, su balor i su derechonan ta mihó prepará pa rekonosé situashonnan ku no ta bon p’e, pone límite i buska/pidi yudansa ora ta nesesario.
Pero mas importante ainda, un mucha ku sa ku e por konta ku su mayor, lo sinti e konfiansa pa bolbe serka dje ora e tin pregunta, preokupashon òf nesesidat di guia.
Ku e kurso aki, Sentro Akseso Boneiru ta sigui kontribuí na e desaroyo di muchanan mas konsiente, fuerte i resiliente, ku ta krese den un ambiente di respet, konfiansa i sosten.
FUENTE: SENTRO AKSESO/LIVE99FM
NEDERLAND:
SENTRO AKSESO SLUIT CURSUS “JE LICHAAM LEREN KENNEN”, MET SUCCES AF.
KRALENDIJK, – Met een groep van 13 enthousiaste, bewustere en beter geïnformeerde kinderen heeft Sentro Akseso op 26 oktober de cursus ‘Konose Bo Kurpa’ (Ken je lichaam) succesvol afgerond. De cursus was gericht op kinderen in de leeftijd van 9 tot 11 jaar. Gedurende zes weken kwamen de deelnemers één keer per week bijeen om verschillende belangrijke onderwerpen te bespreken die betrekking hebben op hun persoonlijke, lichamelijke en emotionele ontwikkeling.
De cursus ‘Konose Bo Kurpa’ heeft als doel kinderen te helpen de veranderingen die zij tijdens het opgroeien doormaken beter te begrijpen. Daarnaast richt de cursus zich op het vergroten van hun kennis, het versterken van hun zelfvertrouwen en het ontwikkelen van vaardigheden om bewuste keuzes te maken.
Tijdens de zes bijeenkomsten kwamen onderwerpen aan bod zoals lichamelijke en mentale ontwikkeling, persoonlijke hygiëne, normen en waarden, eigenwaarde, groepsdruk (peer pressure) en pesten (bullying).
Een veilige omgeving om te leren, te praten en te groeien
De groep, bestaande uit zowel meisjes als jongens, toonde gedurende het gehele traject een actieve en positieve betrokkenheid. De kinderen lieten zien dat zij in staat zijn onderscheid te maken tussen gewenst en ongewenst gedrag, naar elkaar te luisteren en hun eigen gedachten en meningen te uiten.
De cursus bood niet alleen nieuwe kennis, maar creëerde ook een veilige omgeving waarin kinderen zich vrij voelden om vragen te stellen, ervaringen te delen en van elkaar te leren.
Het belang van communicatie tussen ouders en kinderen
Sentro Akseso Boneiru benadrukt dat de ontwikkeling en opvoeding van een kind niet ophouden na het volgen van een cursus. De rol van ouders, verzorgers en andere vertrouwde volwassenen blijft essentieel in de ontwikkeling van een kind.
Praten over lichamelijke ontwikkeling, emoties en de uitdagingen waarmee kinderen te maken krijgen, zou een vanzelfsprekend onderdeel moeten zijn van de communicatie tussen ouders en kinderen. Daarom moedigt Sentro Akseso ouders aan om bestaande taboes en eventuele terughoudendheid rondom deze onderwerpen te doorbreken.
Wanneer een kind voelt dat het vrijuit kan praten, zonder angst om veroordeeld te worden, ontstaat er een vertrouwensband die bijdraagt aan een gevoel van veiligheid en geborgenheid.
‘Een goed geïnformeerd kind is een weerbaarder kind’
Een kind dat beschikt over kennis over het eigen lichaam, de eigenwaarde en de eigen rechten, is beter voorbereid om ongewenste situaties te herkennen, grenzen aan te geven en hulp te zoeken wanneer dat nodig is.
Maar minstens zo belangrijk is dat een kind weet dat het altijd bij zijn of haar ouders terechtkan. Dit vertrouwen zorgt ervoor dat kinderen eerder geneigd zijn om vragen te stellen, zorgen te delen of om begeleiding te vragen wanneer zij daar behoefte aan hebben.
Met deze cursus blijft Sentro Akseso Boneiru zich inzetten voor de ontwikkeling van bewustere, sterkere en weerbaardere kinderen, die kunnen opgroeien in een omgeving waarin respect, vertrouwen en ondersteuning centraal staan.
GIPHY App Key not set. Please check settings