PORDON

Kralendijk,- Kapital poné disponibel pa Gobièrnu hulandes i Banko sentral di Hulanda den kuadro di èksküs i pordon kontra sklabitut Ta importante pa na Bonaire hiba un diskushon, esun ku ke, kon historia di Bonaire ta mará na Hulanda.

Bonaire a forma parti di un desaroyo ku a kuminsá den siglo diessinku ku a resultá den partishon di mundu den siglo dies nuebe. Mi ta para ketu na e periodo di 1499 kaminda Europa ta sera konosí ku sivilisashonnan pafó di Europa ku ta kondusí na migrashon na Nòrt i Sùit Amérika, deportashon di diferente pueblo afrikano bou di sirkunstansianan inhumano i ta konkistá, okupá i aneksá teritorionan no – konosí pa Europa.

Den konsepto di isla BES, Bonaire ta konkistá, okupá i ya ta integrá pa Hulanda. E desaroyo ku a kuminsá pafó di Europa, ku a i ta pretendé di ta e sivilisashon di mas altu,  a haña e nòmbernan “Kolonialismo” i “Imperialismo” Hulanda ta eksigí a base di kolonisashon e derecho pa manehá Bonaire i e relashon ku e pueblo no ta nada otro ku un konekshon uniko den historia humano ku ta rasa, burokrasia i komersio.

Den Historia di Bonaire rasismo i diskriminashon ta esensial den dominio di abitantenan di Bonaire. Komo ku Na Europa a pensa ku ta ei sivilisashon humano a nase, paisnan pafó di Europa ta espasionan ku no tin lei unda por apliká sin ningun sanshon, pirateria, kriminalidat i deportá kriminalnan manera Martís di Kathalina Janga.

Si di bèrdat ke skirbi buki di historia pa bai skol i boneriano ke fiha su rumbo lo e tin di bira konsiente ku e ta ménos i ta inferior i ku Hulanda ta kombensí ku e tin tur derecho pa aneksá, okupá i eksplotá Bonaire ku ta un parti no sivilisá di mundu.

Pa sali for di e problema aki nos mester desaroyá un rasonamentu di hende pretu pa pone un spil dilanti di Hulanda. “Historia Pretu”

FUENTE: ARTHUR SEALY.