DIA HABRÍ DI SEGURIDAT MARÍTIMO DI BONEIRU

Kralendijk,- Despues di un eksitoso prome edishon di e Dia Habrí aña pasa, e tim di kadena hudisial ta bolbe organisá un Dia Habrí spektakular pa e komunidat di Boneiru.

E dia aki ta destiná pa informá e komunidat i hóbennan tokante e trabou di e partnernan di seguridat marítimo. E evento ta sirbi tambe komo un oportunidat pa fortalesé e laso entre e partnernan den e kadena hudisial na Boneiru.

E Dia Habrí lo tuma lugá dia 23 di mei awor na Noordpier i ta primintí di bira un dia interesante ku aktividatnan interaktivo i edukativo pa un i tur. E cutter Jaguar di Wardakosta lo ta presente huntu ku botonan di patruya di e ‘Multidisciplinaire Maritieme Hub Bonaire’ (MMHB) huntu ku otro partnernan.

Bishitantenan lo haña un bista úniko tras di kortina di e trabounan di Wardakosta, tambe por hasi un rekorido riba e cutter Jaguar i mira hopi demostrashon konhunto di e partnernan di MMHB riba laman. E helikòpter di Wardakosta lo sòru pa un ‘fly-by’ espektakular.

E partnernan den kadena hudisial ku ta partisipá na e Dia Habrí ta; Wardakosta, Kuerpo Polisial Hulanda Karibense, Duana, Koninklijke Marechaussee, CITRO, STINAPA, Rode Kruis, Havenmeester i Entidat Públiko Boneiru.

E orario di e Dia Habrí ta entre 10 ‘or di mainta pa 2 ‘or di merdia i e entrada ta grátis. E Dia Habrí ta un oportunidat úniko pa topa partnernan di MMHB na un solo lugá, pa mira e unidatnan di aserka i pa eksperensia demostrashonnan interesante di e trabounan riba laman.

Wardakosta ta rekorda tur usuario di drone ku ta prohibí pa bula ku drone durante e demostrashonnan den área di haf.

Wardakosta ta hasi un yamada urgente na tur doño i operador di drone pa tene kuenta ku esaki. No pèrdè e Dia Habrí spektakular aki!

FUENTE: WARDAKOSTA/LIVE99FM

NEDERLAND:

OPEN DAG MARITIEME VEILIGHEID BONAIRE

Kralendijk,- Na de succesvolle 1ste editie van de Open Dag Maritieme Veiligheid van vorig jaar, organiseert het Multidisciplinaire Maritieme Hub Bonaire (MMHB) weer een spectaculaire open dag voor de Bonairiaanse samenleving.

De open dag op Noordpier is bedoeld om de gemeenschap en in het bijzonder jongeren te informeren over het werk van de maritieme veiligheidspartners en om de band met de samenleving en de ketenpartners te versterken.

Dit jaar vindt het evenement plaats op 23 mei 2026 op de Noordpier en belooft alweer een spectaculaire dag te worden met veel activiteiten op de pier en op het water.

Tijdens het evenement zijn onder andere de kustwachtcutter Jaguar, patrouillevaartuigen van de MMHB, de kustwachthelikopter en diverse teams aanwezig. Bezoekers krijgen een unieke blik achter de schermen van het werk van het MMHB, kunnen een rondleiding krijgen op de kustwachtcutter Jaguar en gezamenlijke demonstraties van de ketenpartners van heel dichtbij zien.

Ook zal de kustwachthelikopter zorgen voor een spectaculaire fly-by en een reddingsactie op zee.

De ketenpartners die aan de open dag deelnemen zijn; de Kustwacht, het Korps Politie Caribisch Nederland, Douane, Koninklijke Marechaussee, CITRO, het Rode Kruis, STINAPA, de Havenmeester en het Openbaar Lichaam Bonaire.

De entree voor de open dag is gratis en vindt plaats tussen 10 uur en 14 uur. De Open Dag Maritieme Veiligheid Bonaire is een unieke kans om alle maritieme ketenpartners op één plek te ontmoeten, de stoere eenheden van dichtbij te bekijken en interessante demonstraties van handhaving op zee te ervaren.

De Kustwacht herinnert gebruikers van drones dat het verboden is om met drones te vliegen gedurende de demonstraties in het havengebied.

De Kustwacht doet een vriendelijk doch dringend verzoek aan alle eigenaren en bedienaars van drones, om rekening hiermee te houden. Mis de open dag het niet!