“FIESTA, BAN SELEBRÁ” KANSION  DEN KUADRO SIMAN DI MUZIK PA MUCHA

Kralendijk,-  Art Culture and Education Foundation, ACE, a lansa e kantika  Fiesta, Ban Selebrá. Esaki den kuadro di selebrashon di e di 5 edishon di Siman di Muzik pa Mucha.

Un total di 12 mucha di Little Stars, e organisashon tras di e Festival Kanto pa Mucha, a forma parti di e grabashon. Apertura ofisial lo tuma lugá 12 di aprel na Wilhelminaplein.

Por skucha a kansion na radionan lokal, I tambe Kiddie Beats radio. Pa yega na KiddieBeat radio download e èp `ZenoFM` i klek riba `Kiddie Beats` Radio.

Siman di Muzik pa Mucha ta un inisiativa anual pa stimulá musiká serka mucha. Pa e edishon aki, ACE a traha huntu ku Little Stars. Tur partisipante a haña entrenamentu i a graba nan propio komposishon. Danki na sosten di diferente partnernan lokal por a realisá e proyekto.

Durante e siman lo tin workshop na skolnan i aktividat pa pùbliko na SKAL i Jong Bonaire. Tambe lo tin aktividat pa famia na kas. Pronto lo  publiká e programa kompleto via media sosial di ACE.

Si tin kualke siudadano òf instansia ku ke aportá òf organisá algu durante e siman sea na kas, sentro di bario, òf un otro lokalidat por, tuma kontakto ku ACE Foundation na +599- 790 01 55. Di e manera aki por inkorporá e aktividat den e siman.

FUENTE: ACE FOUNDATION/LIVE99FM

NEDERLANDS:

“FIESTA, BAN SELEBRA” LIED IN HET KADER VAN `SIMAN DI MUZIK` PA MUCHA

Kralendijk Art Culture and Education Foundation (ACE) heeft het lied “Fiesta, Ban Selebra” gelanceerd. Dit  in het kader van de viering van de 5e editie van `Siman di Muzik pa Mucha`.

In totaal hebben 12 kinderen van `Little Stars`, de organisatie achter het `Festival Kanto pa Mucha`, deelgenomen aan de opname.

De officiële opening vindt plaats op 12 april op het Wilhelminaplein. Het lied is te beluisteren op lokale radiostations en ook op Kiddie Beats Radio. Om Kiddie Beats Radio te beluisteren, download de app ZenoFM en klik op `Kiddie Beats Radio`.

`Siman di Muzik pa Mucha` is een jaarlijks initiatief om muziek onder kinderen te stimuleren. Voor deze editie werkte ACE samen met `Little Stars`.

Alle deelnemers kregen training en namen hun eigen compositie op. Dankzij steun van verschillende lokale partners kon dit project worden gerealiseerd.

Tijdens de week zijn er workshops op scholen en activiteiten voor het publiek bij SKAL en Jong Bonaire. Ook zijn er activiteiten voor gezinnen thuis. Het volledige programma wordt binnenkort gepubliceerd via de sociale media van ACE.

Inwoners of organisaties die willen bijdragen of een activiteit willen organiseren tijdens deze week, thuis, in de wijk of op een andere locatie, kunnen contact opnemen met ACE Foundation via +599 790 0155. Op deze manier kan de activiteit worden opgenomen in het programma van de week.